You are here

ДАСТУРИ ИСТИФОДАБАРАНДА

ХУШ ОМАДЕД БА CОМОНАИ РАСМИИ МАРКАЗИ МИЛЛИИ ҚОНУНГУЗОРИИ НАЗДИ ПРЕЗИДЕНТИ ҶУМҲУРИИ ТОҶИКИСТОН!

КОР БО МАХЗАНИ ҚОНУНГУЗОРИИ ҶУМҲУРИИ ТОҶИКИСТОН

Муҳтарам меҳмонон ва истифодабарандагони сомонаи расмии Маркази миллии қонунгузории назди Президенти Ҷумҳурии Тоҷикистон (ММҚ),

Барои оғози кор бо «Махзани Қонунгузории Ҷумҳурии Тоҷикистон» (МҚҶТ) ба блоки бо номи шабеҳ дар сомонаи расмии ММҚ зер кунед. Блоки «Махзани Қонунгузории Ҷумҳурии Тоҷикистон» кушодашаванда буда, ҳамеша дар қисми болои сомона дастрас аст. Шумо инчунин метавонед ба «Махзани Қонунгузории Ҷумҳурии Тоҷикистон» (МҚҶТ) аз феҳристи асосӣ (меню асосӣ) бо зеркунии пайванди «Қонунгузории Ҷумҳурии Тоҷикистон» дастрасӣ пайдо намоед.

БЛОКИ «МАХЗАНИ ҚОНУНГУЗОРИИ ҶУМҲУРИИ ТОҶИКИСТОН» (МҚҶТ)

Блоки «Махзани Қонунгузории Ҷумҳурии Тоҷикистон»

Ҳамаи модулҳо ва имконоти ҷустуҷӯи санадҳо дар «Махзани Қонунгузории Ҷумҳурии Тоҷикистон» (МҚҶТ) мустақилона кор мекунанд. Ин маънои онро дорад, ки ҳангоми кор бо МҚҶТ ворид кардани «Ном»-и санад ва бо ҳамроҳи он интихоб кардани ҳамаи имконоти дигар, масалан «Таснифгар», «Мақомот», «Рақам», «Сана», «Матни асосӣ» ва ғайра ҳатмӣ нест. Аммо барои ҷустуҷӯи васеъ шумо метавонед аз ҳамаи имконоти ҷустуҷӯи санадҳо ба таври дилхоҳ истифода баред. Ҳамаи санадҳое, ки ба МҚҶТ ворид шуданд дар зери «Лавҳаи имконоти ҷустуҷӯ», яъне дар «Ҷадвали санадҳо» дастрасанд.

ЛАВҲАИ ИМКОНОТИ ҶУСТУҶӮ

Лавҳаи имконоти ҷустуҷӯ

ҶАДВАЛИ САНАДҲО

Ҷадвали санадҳо

 

ТУГМАҲОИ «ТАТБИҚ КАРДАН» ва «БОЗСОЗӢ»

Тугмаҳо

Тугмаи «Татбиқ кардан»: Баъд аз он ки Шумо дар «Лавҳаи имконоти ҷустуҷӯ» имконоти дилхоҳро ворид карда, интиход мекунед, барои намоиш додани натиҷа тугмаи «Татбиқ кардан»-ро зер кунед. Аммо, вақте ки шумо дар «Лавҳаи имконоти ҷустуҷӯ» дархостеро ворид мекунед ё имконеро интихоб менамоед, онҳо ба таври худкор дарҳол татбиқ карда мешаванд.

Тугмаи «Бозсозӣ»: Агар хоҳед, ки ҳамаи дархостҳо ва имконотеро дар «Лавҳаи имконоти ҷустуҷӯ» лағв кунед, аз тугмаи «Бозсозӣ» истифода баред.

Агар шумо хоҳед, ки номи санади дақиқро аз санадҳои дар махзан мавҷудбуда ба даст оред, калидвожаи номи санадро ба сатри «Ном» ворид намоед. Ҳамаи санадҳое, ки дорои калидвожаи воридуша мебошанд нишон дода мешаванд. Масалан, агар шумо калидвожаи «дастрасӣ»-ро ворид кунед, санадҳое, ки калимаи «дастрасӣ»-ро дар бар мегиранд, дар «Ҷадвали санадҳо» нишон дода мешаванд (масалан, ҚОНУНИ ҶУМҲУРИИ ТОҶИКИСТОН ДАР БОРАИ ҲУҚУҚИ ДАСТРАСӢ БА ИТТИЛООТ)

САТРИ «НОМ»

Шумо инчунин метавонед санадҳоро аз рӯи муҳтаво бо истифодаи сатри «Матни асосӣ» ва полои дилҳол ҷустуҷӯ намоед. Масалан, барои ёфтани санад(ҳо)и дорои калима(ҳо), калидвожа(ҳо) ё ибора(ҳо)и лозимӣ, ба сатри «Матни асосӣ» дархостро ворид намуда, имкони «Дар бар мегирад»-ро интихоб намоед. Санадҳои дархостшуда ба таври худкор нишон дода мешаванд. Ё ин ки аз тугмаи «Татбиқ кардан» истифода баред. Ҳамин тавр аз имкони «Дар бар намегирад» ё имконоти ҷустуҷӯи дигар истифода баред, Масалан, агар шумо ба сатри «Матни асосӣ» калимаи «Интернет»-ро ворид кунед ва имкони «Дар бар мегирад»-ро интихоб намоед, саданҳое, ки дар муҳтавои худ дорои калимаи «Интернет» мебошанд, нишод дода мешаванд.

САТРИ «МАТНИ АСОСӢ»

Сатри «Матни асосӣ»

Шумо метавонед санадҳоро аз рӯи «Ном», «Таснифгар», «Мақомот», «Рақам», «Сана», «Матни асосӣ» ва ғайра алоҳида ё якҷоя ба таври дилхоҳ ҷустуҷӯ намоед.

Масалан, агар хоҳед, ки санадҳоро танҳо «Аз рӯи моҳ ва сол» ҷустуҷӯ кунед, танҳо аз имкони «Аз рӯи моҳ ва сол» бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Агар хоҳед, ки санадҳоро танҳо дар давраи муайян ҷустуҷӯ кунед, танҳо аз имкони «Аз санаи интихобшуда» ва/ё «То санаи интихобшуда» алоҳида ё якҷоя бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Ҳамин тавр Шумо метавонед ҳар гуна санадҳои махзанро алоҳида ё бо интихоби имконоти иловагӣ ҷустуҷӯ намоед ва ба даст оред.

Барои дидани санад ва мутолиа кардани он, аз тугмаи «ДИДАН» истифода баред ва барои пинҳон кардани он, аз тугмаи «ПИНҲОН КАРДАН» истифода баред.

ТУГМАҲОИ «ДИДАН» ва «ПИНҲОН КАРДАН»

Тугмаҳои ДИДАН ва ПИНҲОН КАРДАН

Шумо ҳам метавонед, бо зеркунии пайванди номи санад онро дар саҳифаи алоҳида кушоед ё ин ки дар форматҳои Word, PDF ва ZIP аз сомонаи мо боргирӣ намоед.

ЗАМИМА ДАР ФОРМАТҲОИ WORD, PDF ва ZIP (ДАР ҶАДВАЛИ САНАДҲО)

Замима

КОР БО СОМОНАИ РАСМӢ - БАҚАЙДГИРӢ ВА ВОРИДШАВӢ

Ҳамаи маводҳои Маркази миллии қонунгузории назди Президенти Ҷумҳурии Тоҷикистон, ки ба ахбори омма дахл доранд, дар сомонаи мо дастрасанд. Барои гирифтани маълумот Шумо метавонед аз Феҳристи асосӣ (менюи асосӣ), Харитаи сомона, имкони Ҷустуҷӯ ва Ҷустуҷӯи васеъ истифода баред.
Барои бақайдгирӣ дар сомонаи Маркази миллии қонунгузории назди Президенти Ҷумҳурии Тоҷикистон, лутфан ба таври расмӣ муроҷиат намоед. Корбарони бақайдгирифташуда метавонанд аз имкониятҳои иловагӣ истифода баранд, масалан, пайдо кардани дастрасӣ ба лоиҳаҳои санадҳо.

 

Махзани Қонунгузории Ҷумҳурии Тоҷикистон

Калидвожаро ворид намоед
Рақамеро ворид намоед (ҳатмӣ нест)
Калидвожа ё ибораеро ворид намоед (ҳатмӣ нест)
Моҳ ва солро интихоб намоед (ҳатмӣ нест)
Моҳ ва солро интихоб намоед (ҳатмӣ нест)
Моҳ ва солро интихоб намоед (ҳатмӣ нест)
Матни асосӣ:
Таснифгар Рақам Ном Мақомот Санаsort ascending Ҳолат Замима
Қонун 1803 ҚОНУНИ ҶУМҲУРИИ ТОҶИКИСТОН "ДАР БОРАИ АВФ" Маҷлиси Олии ҶТ 07.09.2021 Амалкунанда Microsoft Office document icon word PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1802 ҚОНУНИ ҶУМҲУРИИ ТОҶИКИСТОН ДАР БОРАИ АВФ БИНОБАР ҚОНУНИГАРДОНИИ ДОРОИҲО ВА МАБЛАҒҲОИ ШАҲРВАНДОНИ ҶУМҲУРИИ ТОҶИКИCТОН Маҷлиси Олии ҶТ 25.06.2021 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1794 ҚОНУНИ ҶУМҲУРИИ ТОҶИКИСТОН ДАР БОРАИ РОҲҲОИ АВТОМОБИЛГАРД ВА ФАЪОЛИЯТИ РОҲДОРӢ Маҷлиси Олии ҶТ 25.06.2021 Амалкунанда Microsoft Office document icon WORD PDF icon PDF Package icon ZIP

Нишасти матбуотии Маркази миллии қонунгузории назди Президенти Ҷумҳурии Тоҷикистон

-A A +A
Ношир: Тоирзода Малика Тоир Санаи интишор: Яшб, 19/01/2020 - 17:05
Нишасти матбуотии Маркази миллии қонунгузории назди Президенти Ҷумҳурии Тоҷикистон

    26 январи соли 2012 соати 9-00 дар Маркази миллии қонунгузории назди Президенти Ҷумҳурии Тоҷикистон нишасти матбуоти баргузор гардид. 

    Директори Марказ д.и.ҳ. профессор Рахимов М.З. аз натиҷаи фаъолияти кори дар соли 2011 ва нақшаҳо барои соли 2012 муфассал гузориш дод. Дар асоси мақсаду  вазифаҳои оинномавӣ Марказ таҳияи консепсияҳои такмили қонунгузорӣ, консепсияи лоиҳаҳои қонунҳо ва дигар санадҳои меъёрии ҳуқуқӣ, инчунин гузаронидани  экспертизаи ҳуқуқии лоиҳаҳои қонунҳо, ки ба баррасии Маҷлиси намояндагони Маҷлиси Олии  Ҷумҳурии Тоҷикистон пешниҳод карда мешавад, ҳамзамон таҳияи самтҳои афзалиятноки  тадқиқоти  илмию ҳуқуқӣ дар соҳаи эҷоди ҳуқуқ, мусоидат ба инкишофи илми ҳуқуқ, гузаронидани тадқиқотҳои муқоисавию ҳуқуқии қонунгузории ҶТ бо қонунгузории  давлатҳои хориҷа ва  санадҳои ҳуқуқии  байналмиллалиро ба роҳ мемонад. Зикр гардид, ки дар соли сипаришуда ба зиёда аз 150 лоиҳаи қонун бо 1500 таклифу  пешниҳодҳо, ки ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шудаанд, экспертизаи ҳуқуқӣ омода гардид.

     Кормандони Марказ ба зиёда  аз 50  санади зерқонунӣ экспертизаи  ҳуқуқӣ  дода,  дар  ҳайати  зиёда аз  20 гурўҳҳои  корӣ  оид  ба  таҳияи  лоиҳаи қонунҳо  ва барномаи давлатӣ  дар  соҳаҳои  ҳуқуқэҷодкунӣ  иштирок намудаанд.

    Дар соли 2011 Маркази миллии қонунгузории назди Президенти Ҷумҳурии Тоҷикистон дар  якҷоягӣ бо  Вазорати адлия Консепсия пешгўии инкишофи  қонунгузорӣ  ва  шаш  Барномаҳои давлатӣ оид ба  татбиқи  Консепсияи мазкур ва  нақшаи  таҳияи  лоиҳаҳои  санадҳои  меъёрии  ҳуқуқиро  дар  самт  ва  соҳаҳои  гуногун  барои  солҳои  2012-2015 таҳия  намудааст. Аввалин  маҷаллаи илмӣ-таҳлилии «Қонунгузорӣ»- низ соли  сипаришуда   бо  ибтикори муассисии Марказ ба  нашр расид.

    Соли  2011 бо мақсади таҳким ва рушди ҳамкориҳои тарафайн, инчунин омўзиши таҷрибаи мушобеҳи мақомотҳои тахассусии дигар давлатҳо ва дар ин ҷода ривоҷ додани муносибатҳои байналмилалӣ  бо Ҷумҳурии Беларус  ва Маркази миллии қонунгузорӣ ва тадқиқотҳои ҳуқуқии маъмурияти Президенти Ҷумҳурии Белорус Ёддошти тафоҳум ва бо Маркази миллии иттилооти ҳуқуқии маъмурияти Президенти Ҷумҳурии Белорус Созишномаи ҳамкорӣ ба имзо расонидааст, ки як қатор масъалаҳои дигар мавриди ҳамкории тарафҳо қарор дода шудаанд.

    Ҳамзамон  лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси фазои ҳавоии Ҷумҳурии Тоҷикистон» ва лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Қонуни Ҷумҳурии Тоҷикистон «Дар бораи реклама»-ро таҳия намуда ба Ҳукумати Ҷумҳурии Тоҷикистон пешниҳод  кардааст, ки  аз ҷониби Маҷлиси Олии Ҷумҳурии Тоҷикистон қабул гардид. 

     Номгўи зиёда 1000 мавзўъҳои илмӣ-тадқиқотиро муайян намуда, 100 мақолаи илмӣ-амалӣ ва 10 китоби илмӣ, методӣ, аз ҷумла: китобҳои Тафсири Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» Тафсири Қонуни Ҷумҳурии Тоҷикистон «Дар бораи рақобат ва маҳдудкунии фаъолияти инҳисорӣ дар бозорҳои мол» Тафсири Кодекси мурофиаи судии иқтисодии Ҷумҳурии Тоҷикистон» «Техникаи қонунгузорӣ», «Маҷмўи санадҳои меъёрии ҳуқуқӣ доир ба фаъолияти Маҷлиси Олии Ҷумҳурии Тоҷикистон(ба истиқболи ҷашни 20 солагии истиқлолияти давлатии Ҷумҳурии Тоҷикистон), низ  дар  соли  2011  нашр  гардида, барои кормандони мақомотҳои ҳокимияти давлатӣ, мақомоти ҳифзи ҳуқуқ, мақомоти ҳокимияти судӣ ва соҳаҳои дигари идоракунӣ  эҷод гардидааст, ки  ба  мақомотҳои  зикршуда  ройгон дастрас  шудааст.

     Бо  ташаббуси  Марказ  як  қатор  конференсия,  семинар  мизҳои  мудаввар  доир  ба  соҳаҳои  гуногун  аз  ҷумла дар  мавзўи  “Техникаи  қонунгузорӣ  ва  ҷараёни ҳуқуқэҷодкунӣ дар Тоҷикистон”, “Рушди  қонунгузории оилавии Ҷумҳурии Тоҷикистон дар даврони соҳибистиқлолият”, “Ҳуқуқ, коррупсия ва ҷомеа”, “Нақши  Конститутсияи Тоҷикистон  дар  рушди  қонунгузории  миллӣ”  ва  “Ҳуқуқи  корпоративӣ: назария, қонунгузорӣ  ва  таҷриба” баргузор гардида, кормандони Марказ дар 60 конференсияи илмӣ-амалӣ, мизҳои мудаввар ва семинарҳои сатҳи ҷумҳуриявӣ ва байналмилалӣ иштирок карда, бо маърўзаҳо баромад намуданд. 

    Зиёда аз 150 маводи  иттилоотии ҳуқуқӣ дар маҷаллаю рўзномаҳо ба чоп расида, 250 баромад дар телевизиону радио ва 30 вохўрӣ бо аҳолӣ дар вилояти Хатлон, Суғд, ноҳияҳои тобеи ҷумҳурӣ ва шаҳри Душанбе гузаронида шудааст. 

    Аз сомонаи Марказ бошад 50000 нафар шаҳрвандон, муассисаю ташкилотҳо ва мақомоти ҳокимияти давлатӣ аз қонунҳои Ҷумҳурии Тоҷикистон ва Санадҳои байналмилалии ба тасвибрасида, тавассути  шабакаи  интернетӣ истифода  бурда маълумоти заруриро дастрас  намудаанд.

    Соли  2012  Тоҷикистонро  чорабиниҳои муҳими сиёсӣ, иҷтимоию иқтисодӣ ва фарҳангӣ   дар  пеш  истодааст. Дар ин ҷода  Маркази  миллии  қонунгузорӣ  тасмим  гирифтааст ба  пешвози ҷашни 20-солагии Иҷлосияи 16-уми  Шўрои Олии Ҷумҳурии Тоҷикистон (даъвати дувоздаҳум), 15-солагии Ваҳдати миллӣ, 20-солагии ҳамроҳшавии СММ конфронсҳои  ҷумҳуриявӣ ва  мизи  мудаввар баргузор намояд. Инчунин таҳия ва пешниҳоди як қатор лоиҳаи қонунҳо ва тағйиру иловаҳо ба қонунгузории амалкунанда, инчунин  тафсир ва нашри Кодекси мурофиаи гражданӣ, тафсири Кодекси оби Ҷумҳурии Тоҷикистон, тафсири Қонуни Ҷумҳурии Тоҷикистон «Дар бораи вазъи ҳуқуқии шаҳрвандони хориҷӣ дар Ҷумҳурии Тоҷикистон», тафсири Қонуни Ҷумҳурии Тоҷикистон  «Дар бораи мубориза бар зидди коррупсия» -ро ба нақша гирифтааст, ки  баҳри  дар  амал  татбиқ  намудан  ва  баланд  бардоштани  сатҳи маърифати  ҳуқуқии  шаҳрвандон  саҳм  хоҳад  гузошт. 

      Дар анҷоми нишасти матбуоти, ки намояндагони Васоитиахбори омма иштирок доштанд масоили гунини соҳаҳо ҳуқуқ мавриди баррасӣ қарор дода шуд. Аз ҷумла рӯзноманигорон оид ба техникаи ҳуқуқэҷодкуни дар қонунгузориии ҷорӣ, ва ба хотири ҳар чи беҳтар қабул гардидани қонунҳо  ба қонцепцияи пешгуии инкишофи қонунгузори дар Тоҷикистон таваҷҷуҳи хоссазоҳир намудаанд, ки аз ҷониби маъсулини Марказ ҷавобҳои мушаххас дода шуд.