You are here

ДАСТУРИ ИСТИФОДАБАРАНДА

ХУШ ОМАДЕД БА CОМОНАИ РАСМИИ МАРКАЗИ МИЛЛИИ ҚОНУНГУЗОРИИ НАЗДИ ПРЕЗИДЕНТИ ҶУМҲУРИИ ТОҶИКИСТОН!

КОР БО МАХЗАНИ ҚОНУНГУЗОРИИ ҶУМҲУРИИ ТОҶИКИСТОН

Муҳтарам меҳмонон ва истифодабарандагони сомонаи расмии Маркази миллии қонунгузории назди Президенти Ҷумҳурии Тоҷикистон (ММҚ),

Барои оғози кор бо «Махзани Қонунгузории Ҷумҳурии Тоҷикистон» (МҚҶТ) ба блоки бо номи шабеҳ дар сомонаи расмии ММҚ зер кунед. Блоки «Махзани Қонунгузории Ҷумҳурии Тоҷикистон» кушодашаванда буда, ҳамеша дар қисми болои сомона дастрас аст. Шумо инчунин метавонед ба «Махзани Қонунгузории Ҷумҳурии Тоҷикистон» (МҚҶТ) аз феҳристи асосӣ (меню асосӣ) бо зеркунии пайванди «Қонунгузории Ҷумҳурии Тоҷикистон» дастрасӣ пайдо намоед.

БЛОКИ «МАХЗАНИ ҚОНУНГУЗОРИИ ҶУМҲУРИИ ТОҶИКИСТОН» (МҚҶТ)

Блоки «Махзани Қонунгузории Ҷумҳурии Тоҷикистон»

Ҳамаи модулҳо ва имконоти ҷустуҷӯи санадҳо дар «Махзани Қонунгузории Ҷумҳурии Тоҷикистон» (МҚҶТ) мустақилона кор мекунанд. Ин маънои онро дорад, ки ҳангоми кор бо МҚҶТ ворид кардани «Ном»-и санад ва бо ҳамроҳи он интихоб кардани ҳамаи имконоти дигар, масалан «Таснифгар», «Мақомот», «Рақам», «Сана», «Матни асосӣ» ва ғайра ҳатмӣ нест. Аммо барои ҷустуҷӯи васеъ шумо метавонед аз ҳамаи имконоти ҷустуҷӯи санадҳо ба таври дилхоҳ истифода баред. Ҳамаи санадҳое, ки ба МҚҶТ ворид шуданд дар зери «Лавҳаи имконоти ҷустуҷӯ», яъне дар «Ҷадвали санадҳо» дастрасанд.

ЛАВҲАИ ИМКОНОТИ ҶУСТУҶӮ

Лавҳаи имконоти ҷустуҷӯ

ҶАДВАЛИ САНАДҲО

Ҷадвали санадҳо

 

ТУГМАҲОИ «ТАТБИҚ КАРДАН» ва «БОЗСОЗӢ»

Тугмаҳо

Тугмаи «Татбиқ кардан»: Баъд аз он ки Шумо дар «Лавҳаи имконоти ҷустуҷӯ» имконоти дилхоҳро ворид карда, интиход мекунед, барои намоиш додани натиҷа тугмаи «Татбиқ кардан»-ро зер кунед. Аммо, вақте ки шумо дар «Лавҳаи имконоти ҷустуҷӯ» дархостеро ворид мекунед ё имконеро интихоб менамоед, онҳо ба таври худкор дарҳол татбиқ карда мешаванд.

Тугмаи «Бозсозӣ»: Агар хоҳед, ки ҳамаи дархостҳо ва имконотеро дар «Лавҳаи имконоти ҷустуҷӯ» лағв кунед, аз тугмаи «Бозсозӣ» истифода баред.

Агар шумо хоҳед, ки номи санади дақиқро аз санадҳои дар махзан мавҷудбуда ба даст оред, калидвожаи номи санадро ба сатри «Ном» ворид намоед. Ҳамаи санадҳое, ки дорои калидвожаи воридуша мебошанд нишон дода мешаванд. Масалан, агар шумо калидвожаи «дастрасӣ»-ро ворид кунед, санадҳое, ки калимаи «дастрасӣ»-ро дар бар мегиранд, дар «Ҷадвали санадҳо» нишон дода мешаванд (масалан, ҚОНУНИ ҶУМҲУРИИ ТОҶИКИСТОН ДАР БОРАИ ҲУҚУҚИ ДАСТРАСӢ БА ИТТИЛООТ)

САТРИ «НОМ»

Шумо инчунин метавонед санадҳоро аз рӯи муҳтаво бо истифодаи сатри «Матни асосӣ» ва полои дилҳол ҷустуҷӯ намоед. Масалан, барои ёфтани санад(ҳо)и дорои калима(ҳо), калидвожа(ҳо) ё ибора(ҳо)и лозимӣ, ба сатри «Матни асосӣ» дархостро ворид намуда, имкони «Дар бар мегирад»-ро интихоб намоед. Санадҳои дархостшуда ба таври худкор нишон дода мешаванд. Ё ин ки аз тугмаи «Татбиқ кардан» истифода баред. Ҳамин тавр аз имкони «Дар бар намегирад» ё имконоти ҷустуҷӯи дигар истифода баред, Масалан, агар шумо ба сатри «Матни асосӣ» калимаи «Интернет»-ро ворид кунед ва имкони «Дар бар мегирад»-ро интихоб намоед, саданҳое, ки дар муҳтавои худ дорои калимаи «Интернет» мебошанд, нишод дода мешаванд.

САТРИ «МАТНИ АСОСӢ»

Сатри «Матни асосӣ»

Шумо метавонед санадҳоро аз рӯи «Ном», «Таснифгар», «Мақомот», «Рақам», «Сана», «Матни асосӣ» ва ғайра алоҳида ё якҷоя ба таври дилхоҳ ҷустуҷӯ намоед.

Масалан, агар хоҳед, ки санадҳоро танҳо «Аз рӯи моҳ ва сол» ҷустуҷӯ кунед, танҳо аз имкони «Аз рӯи моҳ ва сол» бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Агар хоҳед, ки санадҳоро танҳо дар давраи муайян ҷустуҷӯ кунед, танҳо аз имкони «Аз санаи интихобшуда» ва/ё «То санаи интихобшуда» алоҳида ё якҷоя бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Ҳамин тавр Шумо метавонед ҳар гуна санадҳои махзанро алоҳида ё бо интихоби имконоти иловагӣ ҷустуҷӯ намоед ва ба даст оред.

Барои дидани санад ва мутолиа кардани он, аз тугмаи «ДИДАН» истифода баред ва барои пинҳон кардани он, аз тугмаи «ПИНҲОН КАРДАН» истифода баред.

ТУГМАҲОИ «ДИДАН» ва «ПИНҲОН КАРДАН»

Тугмаҳои ДИДАН ва ПИНҲОН КАРДАН

Шумо ҳам метавонед, бо зеркунии пайванди номи санад онро дар саҳифаи алоҳида кушоед ё ин ки дар форматҳои Word, PDF ва ZIP аз сомонаи мо боргирӣ намоед.

ЗАМИМА ДАР ФОРМАТҲОИ WORD, PDF ва ZIP (ДАР ҶАДВАЛИ САНАДҲО)

Замима

КОР БО СОМОНАИ РАСМӢ - БАҚАЙДГИРӢ ВА ВОРИДШАВӢ

Ҳамаи маводҳои Маркази миллии қонунгузории назди Президенти Ҷумҳурии Тоҷикистон, ки ба ахбори омма дахл доранд, дар сомонаи мо дастрасанд. Барои гирифтани маълумот Шумо метавонед аз Феҳристи асосӣ (менюи асосӣ), Харитаи сомона, имкони Ҷустуҷӯ ва Ҷустуҷӯи васеъ истифода баред.
Барои бақайдгирӣ дар сомонаи Маркази миллии қонунгузории назди Президенти Ҷумҳурии Тоҷикистон, лутфан ба таври расмӣ муроҷиат намоед. Корбарони бақайдгирифташуда метавонанд аз имкониятҳои иловагӣ истифода баранд, масалан, пайдо кардани дастрасӣ ба лоиҳаҳои санадҳо.

 

Конференсияи илмӣ-амалии ҷумҳуриявӣ дар мавзўи «Фаъолияти ҳуқуқэҷодкунӣ дар Ҷумҳурии Тоҷикистон: рушд ва проблемаҳо»

-A A +A
Ношир: Тоирзода Малика Тоир Санаи интишор: Дшб, 20/01/2020 - 12:09

 

 

Маркази миллии қонунгузории назди Президенти Ҷумҳурии Тоҷикистон бахшида ба 25-солагии Истиқлолияти давлатии Ҷумҳурии Тоҷикистон 26 майи соли 2016 бо иштироки намояндагони ҳокимияти қонунгузор, иҷроия, судӣ, мақомоти прокуратура, донишгоҳу донишкадаҳо ва муассисаҳои илмӣ дар муассисаи давлатии Китобхонаи миллии Тоҷикистон Конференсияи илмӣ-амалии ҷумҳуриявиро дар мавзўи «Фаъолияти ҳуқуқэҷодкунӣ дар Ҷумҳурии Тоҷикистон: рушд ва проблемаҳо» баргузор намуд.

Мақсади баргузории конференсия муайян кардани зинаҳои ташаккулёбӣ, рушд ва мушкилоти фаъолияти ҳуқуқэҷодкунӣ дар даврони соҳибистиқлолии Тоҷикистон буд. 

Дар кори конференсия оид ба паҳлўҳои гуногуни фаъолияти ҳуқуқэҷодкунӣ баромадҳои пурмазмун анҷом дода шуд. 

Маҳмад Раҳимзода - Директори Маркази миллии қонунгузории назди Президенти ҶТ доир ба моҳият ва принсипҳои ҳуқуқэҷодкунӣ, қонунэҷодкунӣ, фаъолияти мақомоти ҳуқуқэҷодкунӣ, зинаҳои ташаккул ва рушду таҳаввулоти он дар солҳои истиқлолияти давлатии Ҷумҳурии Тоҷикистон ибрози назар намуд. Мавсуф зикр кард, ки марҳилаи кунунии  рушди  асосҳои илмии фаъолияти ҳуқуқэҷодкунӣ аз мо талаб менамояд, ки паҳлўҳои илмии фаъолияти ҳуқуқэҷодкуниро рушд дода, зарурати танзими ҳуқуқии муносибатҳои ҷамъитӣ ва оқибатҳои санадҳои меъёрии қабулкардашударо ба назар гирем.  Таъкид шуд, ки проблемаи  ташхиси  лоиҳаи қонунҳо, масъалаи забони қонунҳо ва зарурати барпо намудани фарҳанги ягонаи истилоҳоти фаъолияти ҳуқуқэҷодкунӣ бояд ҳал карда шавад. 

Таҳлили ҳаматарафаи ҷараёни қонунгузорӣ дар кишвар нишон медиҳад, ки аз соли 2010 дар ҷумҳурӣ 330 қонуни мукаммал, то соли 2012-ум 340 ва то  соли 2014  беш аз  350  ва то нимсолаи якуми соли 2016 ҳудуди 360 қонуни мукаммал аз ҷониби Парлумони кишвар қабул карда шудааст. Ҳар сол мақомоти қонунгузории ҷумҳурӣ зиёда аз сад қонун (аз ҷумла, тағйиру иловаҳо ба қонунҳои амалкунанда) инчунин санадҳои байналмилалиро ба тавсиб мерасонад. Ҳадаф аз ворид намудани тағйиру иловаҳо ба қонунҳо барои  беҳтар намудани сифати қонунҳо равона карда шудааст. Зикр карда шуд, ки ҷараёни имрўзаи давлатдории кишвар тақозо менамояд, ки ба низоми мураттабсозии қонунҳо, аз ҷумла ба рушди кодификатсияи онҳо таваҷҷуҳи ҷиддӣ дода шавад.

Ҳамзамон зикр шуд, ки муҳлати Консепсияи рушди қонунгузории Ҷумҳурии  Тоҷикистон, ки дар ҳамкорӣ бо мақомоти ҳифзи ҳуқуқ таҳия ва қабул гардида буд, ба анҷом расид. 

Аз ин хотир дар оянда дар ҳамкорӣ бо мақомоти марбутаи кишвар бояд Консепсияи сиёсати ҳуқуқии Ҷумҳурии Тоҷикистон таҳия карда шавад, то ин ки он дурнамои рушди қонунгузории кишварро муайян созад. 

Дар конференсияи ҷумҳуриявӣ кормандони масъули Дастгоҳи иҷроияи Президенти  кишвар, Парлумон, роҳбарону намояндагони мақомоти ҳифзи ҳуқуқи ҷумҳурӣ, олимону коршиносон ширкат намуда, оид ба фаъолияти ҳуқуқэҷодкунӣ ва қонунэҷодкунӣ дар Ҷумҳурии Тоҷикистон: ташаккул ва проблемаҳо, мақомоти назорати конститутсионӣ ва фаъолияти ҳуқуқэҷодкунӣ, фаъолияти ҳуқуқэҷодкунии Президенти Ҷумҳурии Тоҷикистон ва Ҳукумати Ҷумҳурии Тоҷикистон, принсипҳои ҳуқуқэҷодкунӣ, иштироки прокурор дар фаъолияти ҳуқуқэҷодкунӣ, таъсир ва истифодаи технологияҳои иттилоотию коммуникатсионӣ дар ҷараёни ҳуқуқэҷодкунӣ, назорат ва санҷиши фаъолияти ҳуқуқэҷодкунӣ дар кишвар, иштироки мардум дар ҳуқуқэҷодкунӣ, масоили банақшагирии фаъолияти ҳуқуқэҷодкунӣ ва дигар масъалаҳои ҷараёни қонунгузорӣ ибрози назар карданд.

Дар анҷоми конференсия доир ба мавзўъҳои матраҳгардида табодули назар сурат гирифта, ба паҳлўҳои мухталифи фаъолияти ҳуқуқэҷодкунӣ дар замони муосир ва ҳалли мушкилоти марбут ба он рўшанӣ андохта шуд. Инчунин барои рушд ва ҳалли мушкилоти марбут ба ҳуқуқэҷодкунӣ дар кишварамон аз ҷониби иштирокдорони конференсия пешниҳодҳо ироа шуданд. 

Аксҳо аз ҷараёни конференсия: