Харитаи сомона
Тоҷикӣ
Русский
English
15 июни соли 2021 дар Маҷлиси намояндагони Маҷлиси Олии Ҷумҳурии Тоҷикистон Озмуни ҷумҳуриявии «Асари беҳтарин дар мавзӯи экология», ки ба ҷашни 30-солагии Истиқлолияти давлатии Ҷумҳурии Тоҷикистон бахшида шуда буд, ҷамъбаст гардид.
Ҷиҳати иштирок дар озмуни мазкур аз ҷониби 83 нафар аҳли зиё ва шаҳрвандони ҷумҳурӣ, аз ҷумла 8-нафар докторони илм ва профессорон, 17-нафар номзадҳои илм, 16-нафар рӯзноманигорони касбӣ ва коршиносону мутахассисони масоили экологӣ асару мақолаҳо пешниҳод гардида буд.
Бо қарори Шӯрои Маҷлиси намояндагони Маҷлиси Олии Ҷумҳурии Тоҷикистон Соҳибзода Муҳаммадҷон Маҳмадалӣ, номзади илмҳои ҳуқуқшиносӣ, дотсент, муовини якуми директори Маркази миллии қонунгузории назди Президенти Ҷумҳурии Тоҷикистон, ки дар озмуни мазкур ширкат доштанд, барои таҳияи китоби «Ҳуқуқи экологии Ҷумҳурии Тоҷикистон» сазовори ҷойи якум гардида, бо Диплом ва мукофотҳои хотиравӣ қадрдонӣ карда шуд.
Ҳуқуқи экологии Ҷумҳурии Тоҷикистон ба масъалаҳое бахшида шудааст, ки воқеан дар шароити кунунӣ мубрам ба шумор мераванд. Асари болозикр дар шакли фарох бо фарогирии масоили мубрами назарию амалии ҳифзи муҳити зист бахшида шудааст. Китоби мазкур аввалин маротиба дар чунин шакл бо забони давлатӣ ва ба таври пурра бо дарназардошти баҳсҳои илмӣ дар атрофи мавқеи он дар низоми соҳаҳои ҳуқуқ ва қонунгузорӣ пешниҳод гардидааст.
Таҳлили масъалаҳои ҳифзи муҳити зист дар асари мазкур ба рушди маърифат ва тарбияи экологӣ ҳамчун воситаи иттилоотӣ барои баланд бардоштани донишҳои ҳуқуқӣ ва экологии аҳолӣ мусоидат намуда, ҷиҳати татбиқи сиёсати экологии Ҷумҳурии Тоҷикистон заминаи хуб маҳсуб меёбад.
Дар маҷмӯъ, асари болозикр фарогири масъалаҳои мубрами ҳуқуқи экологӣ мебошад. Хусусияти асосии асари пешниҳодгардида дар он мебошад, ки дар мадди аввал низоми институтҳои асосии соҳаи ҳифзи муҳити зист бо равиши ҳуқуқӣ таҳлил гардида, масъалаҳои зерини экологӣ-ҳуқуқиро фарогир мебошад. Аз ҷумла, ҳуқуқи экологӣ ҳамчун соҳаи ҳуқуқ, сарчашмаҳои ҳуқуқи экологӣ, муносибатҳои ҳуқуқи экологӣ, вазъи ҳуқуқи экологии инсон, ҳуқуқи моликият ба сарватҳои табиӣ, ҳуқуқи истифодабарии табиат, асосҳои ҳуқуқии идоракунии давлатӣ дар соҳаи экологӣ, функсияи экологии мақомоти ҳифзи ҳуқуқ, танзими иқтисодӣ-ҳуқуқӣ дар соҳаи истифодаи табиат ва ҳифзи муҳити зист, арзёбии таъсиррасонӣ ба муҳити зист, экспертизаи экологӣ, аудити экологӣ, мониторинги экологӣ, фаъолияти обуҳавошиносӣ, бамеъёрдарории экологӣ, иттилооти экологӣ, маърифати экологӣ, кадастри давлатии экологӣ, вазъияти фавқулоддаи экологӣ ва ҷавобгарии ҳуқуқӣ барои вайрон кардани қонунгузории экологӣ.
Асари мазкур ҷиҳати баланд бардоштани маърифати экологӣ, иттилоотӣ ва ҳуқуқии аҳолӣ, таъмини хоҳишмандон бо маводи мукаммали экологиву ҳуқуқӣ мусоидат намуда, заминаи бунёдӣ баҳри такмили қонунгузорӣ, фаъолияти ҳуқуқэҷодкунӣ ва масъалаҳои назариявиву амалии мавқеъ ва сиёсати давлатии Ҷумҳурии Тоҷикистон дар соҳаи ҳифзи муҳити зист ба шумор меравад.
Ҳамчунин, асари болозикр заминаи илмӣ-таълимӣ барои тарҳрезӣ намудани стратегияи рушди соҳаи ҳифзи муҳити зист, маърифати экологӣ, таълим ва тарбияи ҳуқуқӣ-экологӣ дар Ҷумҳурии Тоҷикистон мусоидат хоҳад намуд.
Асари мазкур барои ҳуқуқшиносон, экологҳо, иқтисодшиносон, кормандони амалия, шахсони ҳуқуқӣ, донишҷӯён, магистрҳо, унвонҷӯён, аспирантҳо, кормандони илм ва ҳамаи шахсоне, ки ба омӯзиши масъалаҳои ҳифзи муҳити зист, ҳуқуқи экологӣ, махсусан қонунгузории экологӣ мароқ доранд, тавсия гардидааст.
Бо ин назардошт, роҳбарият ва кормандони Маркази миллии қонунгузорӣ Соҳибзода Муҳаммадҷон Маҳмадалӣро барои сарфароз гардидан ба ҷойи якум дар озмуни ҷумҳуриявӣ табрик гуфта, барояшон муваффақияту комёбӣ ва тамманиёти беназирро орзу менамоянд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
