ДАСТУРИ ИСТИФОДАБАРАНДА

ХУШ ОМАДЕД БА CОМОНАИ РАСМИИ МАРКАЗИ МИЛЛИИ ҚОНУНГУЗОРИИ НАЗДИ ПРЕЗИДЕНТИ ҶУМҲУРИИ ТОҶИКИСТОН!

КОР БО МАХЗАНИ ҚОНУНГУЗОРИИ ҶУМҲУРИИ ТОҶИКИСТОН

Муҳтарам меҳмонон ва истифодабарандагони сомонаи расмии Маркази миллии қонунгузории назди Президенти Ҷумҳурии Тоҷикистон (ММҚ),

Барои оғози кор бо «Махзани Қонунгузории Ҷумҳурии Тоҷикистон» (МҚҶТ) ба блоки бо номи шабеҳ дар сомонаи расмии ММҚ зер кунед. Блоки «Махзани Қонунгузории Ҷумҳурии Тоҷикистон» кушодашаванда буда, ҳамеша дар қисми болои сомона дастрас аст. Шумо инчунин метавонед ба «Махзани Қонунгузории Ҷумҳурии Тоҷикистон» (МҚҶТ) аз феҳристи асосӣ (меню асосӣ) бо зеркунии пайванди «Қонунгузории Ҷумҳурии Тоҷикистон» дастрасӣ пайдо намоед.

БЛОКИ «МАХЗАНИ ҚОНУНГУЗОРИИ ҶУМҲУРИИ ТОҶИКИСТОН» (МҚҶТ)

Блоки «Махзани Қонунгузории Ҷумҳурии Тоҷикистон»

Ҳамаи модулҳо ва имконоти ҷустуҷӯи санадҳо дар «Махзани Қонунгузории Ҷумҳурии Тоҷикистон» (МҚҶТ) мустақилона кор мекунанд. Ин маънои онро дорад, ки ҳангоми кор бо МҚҶТ ворид кардани «Ном»-и санад ва бо ҳамроҳи он интихоб кардани ҳамаи имконоти дигар, масалан «Таснифгар», «Мақомот», «Рақам», «Сана», «Матни асосӣ» ва ғайра ҳатмӣ нест. Аммо барои ҷустуҷӯи васеъ шумо метавонед аз ҳамаи имконоти ҷустуҷӯи санадҳо ба таври дилхоҳ истифода баред. Ҳамаи санадҳое, ки ба МҚҶТ ворид шуданд дар зери «Лавҳаи имконоти ҷустуҷӯ», яъне дар «Ҷадвали санадҳо» дастрасанд.

ЛАВҲАИ ИМКОНОТИ ҶУСТУҶӮ

Лавҳаи имконоти ҷустуҷӯ

ҶАДВАЛИ САНАДҲО

Ҷадвали санадҳо

 

ТУГМАҲОИ «ТАТБИҚ КАРДАН» ва «БОЗСОЗӢ»

Тугмаҳо

Тугмаи «Татбиқ кардан»: Баъд аз он ки Шумо дар «Лавҳаи имконоти ҷустуҷӯ» имконоти дилхоҳро ворид карда, интиход мекунед, барои намоиш додани натиҷа тугмаи «Татбиқ кардан»-ро зер кунед. Аммо, вақте ки шумо дар «Лавҳаи имконоти ҷустуҷӯ» дархостеро ворид мекунед ё имконеро интихоб менамоед, онҳо ба таври худкор дарҳол татбиқ карда мешаванд.

Тугмаи «Бозсозӣ»: Агар хоҳед, ки ҳамаи дархостҳо ва имконотеро дар «Лавҳаи имконоти ҷустуҷӯ» лағв кунед, аз тугмаи «Бозсозӣ» истифода баред.

Агар шумо хоҳед, ки номи санади дақиқро аз санадҳои дар махзан мавҷудбуда ба даст оред, калидвожаи номи санадро ба сатри «Ном» ворид намоед. Ҳамаи санадҳое, ки дорои калидвожаи воридуша мебошанд нишон дода мешаванд. Масалан, агар шумо калидвожаи «дастрасӣ»-ро ворид кунед, санадҳое, ки калимаи «дастрасӣ»-ро дар бар мегиранд, дар «Ҷадвали санадҳо» нишон дода мешаванд (масалан, ҚОНУНИ ҶУМҲУРИИ ТОҶИКИСТОН ДАР БОРАИ ҲУҚУҚИ ДАСТРАСӢ БА ИТТИЛООТ)

САТРИ «НОМ»

Шумо инчунин метавонед санадҳоро аз рӯи муҳтаво бо истифодаи сатри «Матни асосӣ» ва полои дилҳол ҷустуҷӯ намоед. Масалан, барои ёфтани санад(ҳо)и дорои калима(ҳо), калидвожа(ҳо) ё ибора(ҳо)и лозимӣ, ба сатри «Матни асосӣ» дархостро ворид намуда, имкони «Дар бар мегирад»-ро интихоб намоед. Санадҳои дархостшуда ба таври худкор нишон дода мешаванд. Ё ин ки аз тугмаи «Татбиқ кардан» истифода баред. Ҳамин тавр аз имкони «Дар бар намегирад» ё имконоти ҷустуҷӯи дигар истифода баред, Масалан, агар шумо ба сатри «Матни асосӣ» калимаи «Интернет»-ро ворид кунед ва имкони «Дар бар мегирад»-ро интихоб намоед, саданҳое, ки дар муҳтавои худ дорои калимаи «Интернет» мебошанд, нишод дода мешаванд.

САТРИ «МАТНИ АСОСӢ»

Сатри «Матни асосӣ»

Шумо метавонед санадҳоро аз рӯи «Ном», «Таснифгар», «Мақомот», «Рақам», «Сана», «Матни асосӣ» ва ғайра алоҳида ё якҷоя ба таври дилхоҳ ҷустуҷӯ намоед.

Масалан, агар хоҳед, ки санадҳоро танҳо «Аз рӯи моҳ ва сол» ҷустуҷӯ кунед, танҳо аз имкони «Аз рӯи моҳ ва сол» бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Агар хоҳед, ки санадҳоро танҳо дар давраи муайян ҷустуҷӯ кунед, танҳо аз имкони «Аз санаи интихобшуда» ва/ё «То санаи интихобшуда» алоҳида ё якҷоя бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Ҳамин тавр Шумо метавонед ҳар гуна санадҳои махзанро алоҳида ё бо интихоби имконоти иловагӣ ҷустуҷӯ намоед ва ба даст оред.

Барои дидани санад ва мутолиа кардани он, аз тугмаи «ДИДАН» истифода баред ва барои пинҳон кардани он, аз тугмаи «ПИНҲОН КАРДАН» истифода баред.

ТУГМАҲОИ «ДИДАН» ва «ПИНҲОН КАРДАН»

Тугмаҳои ДИДАН ва ПИНҲОН КАРДАН

Шумо ҳам метавонед, бо зеркунии пайванди номи санад онро дар саҳифаи алоҳида кушоед ё ин ки дар форматҳои Word, PDF ва ZIP аз сомонаи мо боргирӣ намоед.

ЗАМИМА ДАР ФОРМАТҲОИ WORD, PDF ва ZIP (ДАР ҶАДВАЛИ САНАДҲО)

Замима

КОР БО СОМОНАИ РАСМӢ - БАҚАЙДГИРӢ ВА ВОРИДШАВӢ

Ҳамаи маводҳои Маркази миллии қонунгузории назди Президенти Ҷумҳурии Тоҷикистон, ки ба ахбори омма дахл доранд, дар сомонаи мо дастрасанд. Барои гирифтани маълумот Шумо метавонед аз Феҳристи асосӣ (менюи асосӣ), Харитаи сомона, имкони Ҷустуҷӯ ва Ҷустуҷӯи васеъ истифода баред.
Барои бақайдгирӣ дар сомонаи Маркази миллии қонунгузории назди Президенти Ҷумҳурии Тоҷикистон, лутфан ба таври расмӣ муроҷиат намоед. Корбарони бақайдгирифташуда метавонанд аз имкониятҳои иловагӣ истифода баранд, масалан, пайдо кардани дастрасӣ ба лоиҳаҳои санадҳо.

 

Март 2024

-A A +A

БАРНОМАИ "АЗ ПАЁМ": БАЛАНД БАРДОШТАНИ МАЪРИФАТИ ҲУҚУҚӢ

Ношири мавод: Тоирзода Малика Тоир Санаи интишор: Дшб, 04/03/2024 - 08:22
Баҳодиҳии муҳтаво: 
Баҳои миёна: 5 (2 овоз)

РӮЗИ МОДАР ФАРХУНДА БОД!

Ношири мавод: Тоирзода Малика Тоир Санаи интишор: Чшб, 06/03/2024 - 15:54
    Роҳбарият ва кормандони Маркази миллии қонунгузорӣ бо арзи эҳтирому самимият ҳар яки Шуморо модарон ва бонувони азиз ба муносибати Рӯзи Модар самимона табрику таҳният мегӯянд!

Нишонаи номӣ (тег):

Баҳодиҳии муҳтаво: 
Баҳои миёна: 5 (1 овоз)

РОҲҲО ВА ТАДБИРҲОИ ПЕШГИРИИ ҶИНОЯТУ ҶИНОЯТКОРӢ ДАР ҶОМЕА

Ношири мавод: Тоирзода Малика Тоир Санаи интишор: Пшб, 14/03/2024 - 09:06
         Дар замони соҳибистиқлолӣ решаҳои иҷтимоию иқтисодии ҷинояткорӣ асосан барҳам дода шуда рушди бемайлони истеҳсолоти моддӣ, ҳаёти маданӣ ва шуурнокии баланди шаҳрвандон таъмин гардид. Новобаста аз ин  рафтори ношоям ва ҳатто, содиршавии ҷиноятҳо ҳанӯз ҳам дар ҷомеаи Тоҷикистон мушоҳида мешавад. Чунин рафтор натиҷаи муқобилгузории манфиатҳои шахсӣ ба манфиатҳои ҷамъиятӣ, ба ҳар роҳ қаноат кунонидани майлу хоҳиши худ, муносибати бепарвоёна ба манфиатҳои ҷамъиятӣ  ва ғайра мебошад.
Баҳодиҳии муҳтаво: 
Ҳоло баҳо надорад

МУЛОҚОТИ ДИРЕКТОРИ МАРКАЗИ МИЛЛИИ ҚОНУНГУЗОРИИ НАЗДИ ПРЕЗИДЕНТИ ҶУМҲУРИИ ТОҶИКИСТОН БО НАМОЯНДАИ РАЁСАТИ СОЗМОНИ МИЛАЛИ МУТТАҲИД ОИД БА МАВОДИ МУХАДДИР ВА ҶИНОЯТКОРӢ ДАР ҶУМҲУРИИ ТОҶИКИСТОН

Ношири мавод: Тоирзода Малика Тоир Санаи интишор: Пшб, 14/03/2024 - 09:12
     13 марти соли 2024 дар бинои Маркази миллии қонунгузории назди Президенти Ҷумҳурии Тоҷикистон вохӯрии Директори Марказ Саидзода Иззатулло Ҳабибулло бо намояндаи Раёсати Созмони Милали Муттаҳид оид ба маводи мухаддир ва ҷинояткорӣ дар Ҷумҳурии Тоҷикистон Шах Салман Хан ва коршиноси минтақавӣ оид ба масъалаҳои ҳуқуқӣ Куат Рахимбердин баргузор гардид.
Баҳодиҳии муҳтаво: 
Ҳоло баҳо надорад

ЗАМИНАҲОИ ҲУҚУҚИИ МУҚОВИМАТ БА ҶИНОЯТКОРӢ ДАР ҶУМҲУРИИ ТОҶИКИСТОН

Ношири мавод: Тоирзода Малика Тоир Санаи интишор: Пшб, 14/03/2024 - 09:15
     Ҷумҳурии Тоҷикистон дар қатори соири давлатҳои минтақа таҳдидҳои афзояндаи ҷинояткорӣ, хусусан ҷиноятҳои хатарноки замони муосир – терроризм, экстремизм, коррупсия, муомилоти ғайриқонунии воситаҳои нашъадор ва ҷиноятҳои дигарро ба амнияти давлат ва рушди устувори худ эҳсос карда, дар ин замина баҳри пурзӯр намудани муқовимат ба ҷинояткорӣ қонунгузории кишварро такмил медиҳад.
Баҳодиҳии муҳтаво: 
Ҳоло баҳо надорад

ТАҶЛИЛИ ҶАШНИ БАЙНАЛМИЛАЛИИ НАВРӮЗИ АҶАМ

Ношири мавод: Тоирзода Малика Тоир Санаи интишор: Чшб, 20/03/2024 - 15:37
     20 марти соли 2024 дар толори Маркази миллии қонунгузории назди Президенти Ҷумҳурии Тоҷикистон бахшида ба таҷлили ҷашни Наврӯзи байналмилалӣ бо иштироки роҳбарият ва кормандони Марказ ҷамъомади идона баргузор гардид.
  Нахуст муовини якуми директори Марказ – Соҳибзода Муҳаммадҷон Маҳмадалӣ ҳозиринро бо Наврӯзи ҷаҳонӣ, иди аҷдодӣ, баробаршавии шабу рӯз ва эҳёи табиат шодбош гуфта, таманниёти неки худро аз номи роҳбарияти Марказ ба кормандон иброз намуд.
Баҳодиҳии муҳтаво: 
Ҳоло баҳо надорад

НАШРИ МОНОГРАФИЯ ДАР МАВЗӮИ "ТАНЗИМИ ҲУҚУҚИИ БОЗОРИ ХИЗМАТРАСОНИИ ФАРҲАНГӢ ДАР ҶУМҲУРИИ ТОҶИКИСТОН"

Ношири мавод: Тоирзода Малика Тоир Санаи интишор: Пшб, 28/03/2024 - 09:40
     Таҳқиқоти монографии мазкур фарогири масоили рушди танзими ҳуқуқии бозори хизматрасонии фарҳангӣ дар Тоҷикистон мебошад. Дар раванди таълиф намудани монографияи мазкур адабиёти муосири таълимӣ – илмӣ, ҳамчунин санадҳои меъёрии ҳуқуқӣ истифода гардидааст.         

Нишонаи номӣ (тег):

Баҳодиҳии муҳтаво: 
Баҳои миёна: 5 (1 овоз)

БАРГУЗОРИИ КОНФЕРЕНСИЯИ ҶУМҲУРИЯВИИ ИЛМӢ-АМАЛӢ ДАР МАВЗУИ “РУШДИ ҚОНУНГУЗОРИИ ҶУМҲУРИИ ТОҶИКИСТОН ДАР САМТИ МУҚОВИМАТ БА ЭКСТРЕМИЗМ ВА ТЕРРОРИЗМ: МУШКИЛОТ ВА ДУРНАМО”

Ношири мавод: Тоирзода Малика Тоир Санаи интишор: Пшб, 28/03/2024 - 10:10
     Маркази миллии қонунгузорӣ тасмим гирифтааст, ки 5 апрели соли 2024 бо иштироки доираи васеи намояндагони мақомоти давлатӣ ва муассисаҳои илмӣ конференсияи ҷумҳуриявии илмӣ-амалӣ дар мавзуи “Рушди қонунгузории Ҷумҳурии Тоҷикистон дар самти муқовимат ба экстремизм ва терроризм: мушкилот ва дурнамо” баргузор намояд.
Вақти баргузорӣ: соати 09:00.
Баҳодиҳии муҳтаво: 
Ҳоло баҳо надорад