You are here

ДАСТУРИ ИСТИФОДАБАРАНДА

ХУШ ОМАДЕД БА CОМОНАИ РАСМИИ МАРКАЗИ МИЛЛИИ ҚОНУНГУЗОРИИ НАЗДИ ПРЕЗИДЕНТИ ҶУМҲУРИИ ТОҶИКИСТОН!

КОР БО МАХЗАНИ ҚОНУНГУЗОРИИ ҶУМҲУРИИ ТОҶИКИСТОН

Муҳтарам меҳмонон ва истифодабарандагони сомонаи расмии Маркази миллии қонунгузории назди Президенти Ҷумҳурии Тоҷикистон (ММҚ),

Барои оғози кор бо «Махзани Қонунгузории Ҷумҳурии Тоҷикистон» (МҚҶТ) ба блоки бо номи шабеҳ дар сомонаи расмии ММҚ зер кунед. Блоки «Махзани Қонунгузории Ҷумҳурии Тоҷикистон» кушодашаванда буда, ҳамеша дар қисми болои сомона дастрас аст. Шумо инчунин метавонед ба «Махзани Қонунгузории Ҷумҳурии Тоҷикистон» (МҚҶТ) аз феҳристи асосӣ (меню асосӣ) бо зеркунии пайванди «Қонунгузории Ҷумҳурии Тоҷикистон» дастрасӣ пайдо намоед.

БЛОКИ «МАХЗАНИ ҚОНУНГУЗОРИИ ҶУМҲУРИИ ТОҶИКИСТОН» (МҚҶТ)

Блоки «Махзани Қонунгузории Ҷумҳурии Тоҷикистон»

Ҳамаи модулҳо ва имконоти ҷустуҷӯи санадҳо дар «Махзани Қонунгузории Ҷумҳурии Тоҷикистон» (МҚҶТ) мустақилона кор мекунанд. Ин маънои онро дорад, ки ҳангоми кор бо МҚҶТ ворид кардани «Ном»-и санад ва бо ҳамроҳи он интихоб кардани ҳамаи имконоти дигар, масалан «Таснифгар», «Мақомот», «Рақам», «Сана», «Матни асосӣ» ва ғайра ҳатмӣ нест. Аммо барои ҷустуҷӯи васеъ шумо метавонед аз ҳамаи имконоти ҷустуҷӯи санадҳо ба таври дилхоҳ истифода баред. Ҳамаи санадҳое, ки ба МҚҶТ ворид шуданд дар зери «Лавҳаи имконоти ҷустуҷӯ», яъне дар «Ҷадвали санадҳо» дастрасанд.

ЛАВҲАИ ИМКОНОТИ ҶУСТУҶӮ

Лавҳаи имконоти ҷустуҷӯ

ҶАДВАЛИ САНАДҲО

Ҷадвали санадҳо

 

ТУГМАҲОИ «ТАТБИҚ КАРДАН» ва «БОЗСОЗӢ»

Тугмаҳо

Тугмаи «Татбиқ кардан»: Баъд аз он ки Шумо дар «Лавҳаи имконоти ҷустуҷӯ» имконоти дилхоҳро ворид карда, интиход мекунед, барои намоиш додани натиҷа тугмаи «Татбиқ кардан»-ро зер кунед. Аммо, вақте ки шумо дар «Лавҳаи имконоти ҷустуҷӯ» дархостеро ворид мекунед ё имконеро интихоб менамоед, онҳо ба таври худкор дарҳол татбиқ карда мешаванд.

Тугмаи «Бозсозӣ»: Агар хоҳед, ки ҳамаи дархостҳо ва имконотеро дар «Лавҳаи имконоти ҷустуҷӯ» лағв кунед, аз тугмаи «Бозсозӣ» истифода баред.

Агар шумо хоҳед, ки номи санади дақиқро аз санадҳои дар махзан мавҷудбуда ба даст оред, калидвожаи номи санадро ба сатри «Ном» ворид намоед. Ҳамаи санадҳое, ки дорои калидвожаи воридуша мебошанд нишон дода мешаванд. Масалан, агар шумо калидвожаи «дастрасӣ»-ро ворид кунед, санадҳое, ки калимаи «дастрасӣ»-ро дар бар мегиранд, дар «Ҷадвали санадҳо» нишон дода мешаванд (масалан, ҚОНУНИ ҶУМҲУРИИ ТОҶИКИСТОН ДАР БОРАИ ҲУҚУҚИ ДАСТРАСӢ БА ИТТИЛООТ)

САТРИ «НОМ»

Шумо инчунин метавонед санадҳоро аз рӯи муҳтаво бо истифодаи сатри «Матни асосӣ» ва полои дилҳол ҷустуҷӯ намоед. Масалан, барои ёфтани санад(ҳо)и дорои калима(ҳо), калидвожа(ҳо) ё ибора(ҳо)и лозимӣ, ба сатри «Матни асосӣ» дархостро ворид намуда, имкони «Дар бар мегирад»-ро интихоб намоед. Санадҳои дархостшуда ба таври худкор нишон дода мешаванд. Ё ин ки аз тугмаи «Татбиқ кардан» истифода баред. Ҳамин тавр аз имкони «Дар бар намегирад» ё имконоти ҷустуҷӯи дигар истифода баред, Масалан, агар шумо ба сатри «Матни асосӣ» калимаи «Интернет»-ро ворид кунед ва имкони «Дар бар мегирад»-ро интихоб намоед, саданҳое, ки дар муҳтавои худ дорои калимаи «Интернет» мебошанд, нишод дода мешаванд.

САТРИ «МАТНИ АСОСӢ»

Сатри «Матни асосӣ»

Шумо метавонед санадҳоро аз рӯи «Ном», «Таснифгар», «Мақомот», «Рақам», «Сана», «Матни асосӣ» ва ғайра алоҳида ё якҷоя ба таври дилхоҳ ҷустуҷӯ намоед.

Масалан, агар хоҳед, ки санадҳоро танҳо «Аз рӯи моҳ ва сол» ҷустуҷӯ кунед, танҳо аз имкони «Аз рӯи моҳ ва сол» бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Агар хоҳед, ки санадҳоро танҳо дар давраи муайян ҷустуҷӯ кунед, танҳо аз имкони «Аз санаи интихобшуда» ва/ё «То санаи интихобшуда» алоҳида ё якҷоя бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Ҳамин тавр Шумо метавонед ҳар гуна санадҳои махзанро алоҳида ё бо интихоби имконоти иловагӣ ҷустуҷӯ намоед ва ба даст оред.

Барои дидани санад ва мутолиа кардани он, аз тугмаи «ДИДАН» истифода баред ва барои пинҳон кардани он, аз тугмаи «ПИНҲОН КАРДАН» истифода баред.

ТУГМАҲОИ «ДИДАН» ва «ПИНҲОН КАРДАН»

Тугмаҳои ДИДАН ва ПИНҲОН КАРДАН

Шумо ҳам метавонед, бо зеркунии пайванди номи санад онро дар саҳифаи алоҳида кушоед ё ин ки дар форматҳои Word, PDF ва ZIP аз сомонаи мо боргирӣ намоед.

ЗАМИМА ДАР ФОРМАТҲОИ WORD, PDF ва ZIP (ДАР ҶАДВАЛИ САНАДҲО)

Замима

КОР БО СОМОНАИ РАСМӢ - БАҚАЙДГИРӢ ВА ВОРИДШАВӢ

Ҳамаи маводҳои Маркази миллии қонунгузории назди Президенти Ҷумҳурии Тоҷикистон, ки ба ахбори омма дахл доранд, дар сомонаи мо дастрасанд. Барои гирифтани маълумот Шумо метавонед аз Феҳристи асосӣ (менюи асосӣ), Харитаи сомона, имкони Ҷустуҷӯ ва Ҷустуҷӯи васеъ истифода баред.
Барои бақайдгирӣ дар сомонаи Маркази миллии қонунгузории назди Президенти Ҷумҳурии Тоҷикистон, лутфан ба таври расмӣ муроҷиат намоед. Корбарони бақайдгирифташуда метавонанд аз имкониятҳои иловагӣ истифода баранд, масалан, пайдо кардани дастрасӣ ба лоиҳаҳои санадҳо.

 

Махзани Қонунгузории Ҷумҳурии Тоҷикистон

Калидвожаро ворид намоед
Рақамеро ворид намоед (ҳатмӣ нест)
Калидвожа ё ибораеро ворид намоед (ҳатмӣ нест)
Моҳ ва солро интихоб намоед (ҳатмӣ нест)
Моҳ ва солро интихоб намоед (ҳатмӣ нест)
Моҳ ва солро интихоб намоед (ҳатмӣ нест)
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1257 ҚОНУНИ ҶУМҲУРИИ ТОҶИКИСТОН ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2016 Маҷлиси Олии ҶТ 19.02.2020 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1668 ҚОНУНИ ҶУМҲУРИИ ТОҶИКИСТОН ДАР БОРАИ АССОТСИАТСИЯИ ИСТИФОДАБАРАНДАГОНИ ОБ Маҷлиси Олии ҶТ 02.01.2020 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1658 ҚОНУНИ ҶУМҲУРИИ ТОҶИКИСТОН ДАР БОРАИ НИЗОМИ ОГОҲОНӢ ВА ПЕШГИРИИ ҲУҚУҚВАЙРОНКУНИИ НОБОЛИҒОН Маҷлиси Олии ҶТ 02.01.2020 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1655 ҚОНУНИ ҶУМҲУРИИ ТОҶИКИСТОН ДАР БОРАИ МУҚОВИМАТ БА ЭКСТРЕМИЗМ Маҷлиси Олии ҶТ 02.01.2020 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1667 ҚОНУНИ ҶУМҲУРИИ ТОҶИКИСТОН ДАР БОРАИ АЗ ЭЪТИБОР СОҚИТ ДОНИСТАНИ БАЪЗЕ САНАДҲОИ ҚОНУНГУЗОРИИ РСС ТОҶИКИСТОН, КИ ДАР ДАВРАИ СОЛҲОИ 1961 - 1963 ҚАБУЛ ШУДААНД Маҷлиси Олии ҶТ 02.01.2020 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1674 ҚОНУНИ ҶУМҲУРИИ ТОҶИКИСТОН ДАР БОРАИ ХАЗИНАДОРӢ Маҷлиси Олии ҶТ 02.01.2020 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1669 ҚОНУНИ ҶУМҲУРИИ ТОҶИКИСТОН ДАР БОРАИ НИҲОЛПАРВАРӢ Маҷлиси Олии ҶТ 02.01.2020 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1648 ҚОНУНИ ҶУМҲУРИИ ТОҶИКИСТОН ДАР БОРАИ АВФ Маҷлиси Олии ҶТ 25.10.2019 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 1642 ҚОНУНИ ҶУМҲУРИИ ТОҶИКИСТОН ДАР БОРАИ КОМИССИЯИ МАРКАЗИИ ИНТИХОБОТ ВА РАЪЙПУРСИИ ҶУМҲУРИИ ТОҶИКИСТОН Маҷлиси Олии ҶТ 19.07.2019 Амалкунанда Microsoft Office document icon WORD PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
ҚОНУН 135 ҚОНУНИ ҶУМҲУРИИ ТОҶИКИСТОН ДАР БОРАИ ТАЪМИНИ АҲОЛӢ БО МАҲСУЛОТИ ХӮРОКВОРИИ ҒАНИГАРДОНИДАШУДА Маҷлиси Олии ҶТ 19.07.2019 Амалкунанда Microsoft Office document icon WORD PDF icon PDF Package icon ZIP

Феврал 2020

-A A +A

РӮЗИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН ФАРХУНДА БОД!

Ношир: Шамсидинзода Искандари Бобоназар... Санаи интишор: Ҷум, 21/02/2020 - 14:55

Муҳтарам ҳомиёни шуҷои Ватан!

 

Роҳбарияти Маркази миллии қонунгузории назди Президенти Ҷумҳурии Тоҷикистон Рӯзи Қувваҳои Мусаллаҳи Ҷумҳурии Тоҷикистонро ба ҳар яки Шумо сарсупурдагони Ватан самимона шодбош мегӯяд.

ҚОНУНИ ҶУМҲУРИИ ТОҶИКИСТОН ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2019

Ношир: Тоирзода Малика Тоир Санаи интишор: Чшб, 19/02/2020 - 12:20
Тоҷикӣ
Замима: 
Таснифгар: 
ҚОНУН
Рақам: 
1504
Мақомот: 
Маҷлиси Олии ҶТ
Ҳолат: 
Амалкунанда
Date: 
Душанбе, 26 Ноябр, 2018

ҚОНУНИ ҶУМҲУРИИ ТОҶИКИСТОН

ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2019

(Қонуни Ҷумҳурии Тоҷикистон аз 19.04.2019 с., № 1604; аз 20.06.2019 с., №1606; аз 02.07.2019 с., №1630; аз 08.10.2019 с., №1647; аз 14.11.2019с., №1649; аз 18.12.2019 с., №1651; аз 28.12.2019 с., №1653; аз 31.12.2019 с., №1654)

 

Бо қарори Маҷлиси намояндагони

Маҷлиси Олии Ҷумҳурии Тоҷикистон

аз 23 ноябри соли 2018 № 1216

қабул карда шуд.

Моддаи 1. Ҳаҷми умумии даромади Буҷети давлатии Ҷумҳурии Тоҷикистон

Ҳаҷми умумии Буҷети давлатии Ҷумҳурии Тоҷикистон барои соли 2019 аз ҳисоби ҳамаи манбаъҳои даромад ба маблағи 24387600 ҳазор сомонӣ муқаррар карда шавад, аз ҷумла: - даромади Буҷети давлатии Ҷумҳурии Тоҷикистон аз ҳисоби воридоти андозию ғайриандозӣ ва грантҳо 18413536 ҳазор сомонӣ, аз онҳо: (ҚҶТ аз 28.12.2019 с., №1653)

- воридоти андозӣ - 16317704 ҳазор сомонӣ;

- воридоти ғайриандозӣ - 1795832 ҳазор сомонӣ; (ҚҶТ аз 28.12.2019 с., №1653)

- грантҳо барои дастгирии буҷет аз ҳисоби созмонҳои байналмилалии молиявӣ - 300000 ҳазор сомонӣ;

- лоиҳаҳои давлатии сармоягузорӣ бо ҷалби захираҳои молиявии беруна - 4241733 ҳазор сомонӣ;

аз онҳо:

- қарзҳо - 2539774 ҳазор сомонӣ;

- грантҳо - 1701959 ҳазор сомонӣ;

- маблағҳои махсуси муассисаю ташкилотҳои буҷетӣ - 1732331 ҳазор сомонӣ.

Моддаи 2. Ҳаҷми умумии хароҷоти Буҷети давлатии Ҷумҳурии Тоҷикистон

Ҳаҷми умумии хароҷоти Буҷети давлатии Ҷумҳурии Тоҷикистон барои соли 2019 ба маблағи 25983719 ҳазор сомонӣ муқаррар карда шавад, аз ҷумла барои маблағгузории: (ҚҶТ аз 28.12.2019 с., №1653)

- мақомоти ҳокимият ва идоракунии давлатӣ - 1323524 ҳазор сомонӣ;

- (на барои нашр)

- (на барои нашр)

- маориф - 4404877 ҳазор сомонӣ;

- тандурустӣ - 1740536 ҳазор сомонӣ;

- суғуртаи иҷтимоӣ ва ҳифзи иҷтимоӣ - 3677838 ҳазор сомонӣ;

- фарҳанг ва варзиш - 760717 ҳазор сомонӣ;

- хоҷагии манзилию коммуналӣ, ҳифзи муҳити зист ва хоҷагии ҷангал - 968326 ҳазор сомонӣ;

- комплекси сӯзишворию энергетикӣ - 5920521 ҳазор сомонӣ; (ҚҶТ аз 28.12.2019 с., №1653)

- соҳаи кишоварзӣ, моҳидорӣ ва шикор - 915409 ҳазор сомонӣ;

- саноат ва сохтмон - 156342 ҳазор сомонӣ;

- нақлиёт ва коммуникатсия - 1751523 ҳазор сомонӣ;

- соҳаҳои дигари иқтисодиёт ва хизматрасонӣ - 48469 ҳазор сомонӣ;

- хароҷоти дигар - 2530736 ҳазор сомонӣ.

Моддаи 3. Ҳаҷми умумии касри Буҷети давлатӣ ва манбаъҳои пӯшонидани он

1. Андозаи ниҳоии ҳаҷми умумии касри Буҷети давлатии Ҷумҳурии Тоҷикистон барои соли 2019 ба андозаи 2,0 фоизи Маҷмӯи маҳсулоти дохилӣ ё ба маблағи 1596119 ҳазор сомонӣ муқаррар карда шавад. (ҚҶТ аз 28.12.2019 с., №1653)

2. Манбаъҳои пӯшонидани касри буҷет ба таври зерин муайян карда шаванд:

- даромад аз хусусигардонӣ, суди саҳмияҳои давлатӣ ва иҷораи моликияти ҷумҳуриявӣ - 25000 ҳазор сомонӣ;

- даромад аз фурӯши векселҳои хазинадорӣ - 100000 ҳазор сомонӣ;

- иҷрои барзиёдии нақшаи даромади буҷетҳои маҳаллӣ - 11719 ҳазор сомонӣ;

- аз ҳисоби маблағҳои озоди буҷети ҷумҳуриявӣ ба 1 январи соли 2019 - 100000 ҳазор сомонӣ;

–аз ҳисоби коғазҳои қиматноки давлатӣ (евробондҳо)– 1205056 ҳазор сомонӣ; (ҚҶТ аз 28.12.2019 с., №1653)

- аз ҳисоби қарзҳои (грантҳои) созмонҳои байналмилалии молиявӣ - 154344 ҳазор сомонӣ.

3. Маблағгузории пардохти қарзи асосии берунаи Ҷумҳурии Тоҷикистон ба андозаи 1,5 фоизи Маҷмӯи маҳсулоти дохилӣ ё ба маблағи 1211652 ҳазор сомонӣ, аз ҷумла аз ҳисоби хароҷоти ҷории буҷети ҷумҳуриявӣ 590450 ҳазор сомонӣ ва аз ҳисоби барориши векселҳои давлатӣ, ҷалби қарзҳои (грантҳои) созмонҳои байналмилалии молиявӣ, маблағҳои баргардонидашуда аз рӯи қарзи асосии созишномаҳои зерқарзӣ, бақияи маблағҳои озоди буҷети ҷумҳуриявӣ ба 1 январи соли 2019 ва Фонди стабилизатсионӣ оид ба рушди иқтисодиёт 621202 ҳазор сомонӣ муайян карда шавад.

4. Маблағгузории хизматрасонии қарзи дохилии Ҷумҳурии Тоҷикистон ба андозаи 221992 ҳазор сомонӣ, аз ҷумла аз ҳисоби хароҷоти ҷории буҷети ҷумҳуриявӣ 122982 ҳазор сомонӣ, аз ҳисоби баргардонидани қарзҳои Ҷамъияти саҳомии кушодаи "Агроинвестбонк" ба суратҳисоби Вазорати молияи Ҷумҳурии Тоҷикистон 40000 ҳазор сомонӣ ва аз ҳисоби фоизи депозити буҷети ҷумҳуриявӣ дар Бонки миллии Тоҷикистон ва Фонди стабилизатсионӣ оид ба рушди иқтисодиёт 59010 ҳазор сомонӣ муайян карда шавад.

Моддаи 4. Ҳаҷми умумии даромад ва хароҷоти буҷети ҷумҳуриявӣ

Буҷети ҷумҳуриявӣ барои соли 2019 аз рӯи даромад ба маблағи 10786349 ҳазор сомонӣ, аз рӯи хароҷот ба маблағи 12370749 ҳазор сомонӣ ва касри он ба маблағи 1584400 ҳазор сомонӣ тасдиқ карда шавад. (ҚҶТ аз 28.12.2019 с., №1653)

Моддаи 5. Даромади буҷети ҷумҳуриявӣ аз рӯи манбаъҳои даромад

Дар буҷети ҷумҳуриявӣ барои соли 2019 воридоти даромад аз ҳисоби субъектҳои хоҷагидории дар ҳудуди Ҷумҳурии Тоҷикистон қарордошта ба маблағи умумии 10786349 ҳазор сомонӣ муқаррар карда шавад, аз ҷумла: (ҚҶТ аз 28.12.2019 с., №1653)

- андоз аз арзиши иловашуда - 5773448 ҳазор сомонӣ;

- аксизҳо - 440920 ҳазор сомонӣ;

- андоз аз фурӯш - 23780 ҳазор сомонӣ;

- андоз барои захираҳои табиӣ - 232231 ҳазор сомонӣ;

- андоз аз фоида - 208026 ҳазор сомонӣ;

- андоз аз даромад - 837016 ҳазор сомонӣ;

- боҷҳои гумрукӣ - 880583 ҳазор сомонӣ;

- андоз аз истифодабарандагони роҳҳои автомобилгард - 381950 ҳазор сомонӣ;

- даромадҳои дигари ғайриандозӣ - 1708395 ҳазор сомонӣ; (ҚҶТ аз 28.12.2019 с., №1653)

- грантҳои созмонҳои байналмилалии молиявӣ - 300000 ҳазор сомонӣ.

Моддаи 6. Хароҷоти буҷети ҷумҳуриявӣ аз рӯи гурӯҳбандии вазифавӣ

Хароҷоти буҷети ҷумҳуриявӣ барои соли 2019 аз рӯи гурӯҳбандии вазифавӣ дар ҳаҷми зерин тасдиқ карда шавад:

Маблағгузории бахши ҳокимияти давлатӣ ва идоракунӣ - 874312 ҳазор сомонӣ, аз ҷумла:

- мақомоти иҷроия ва қонунгузорӣ - 232734 ҳазор сомонӣ;

- сиёсати молиявӣ ва андозию буҷетӣ - 122220 ҳазор сомонӣ;

- фаъолияти сиёсати берунӣ - 249866 ҳазор сомонӣ;

- мақомоти дигари давлатӣ - 269492 ҳазор сомонӣ.

 (На барои нашр)

Маориф - 720316 ҳазор сомонӣ,

аз ҷумла:

- таҳсилоти умумӣ - 159015 ҳазор сомонӣ;

- таҳсилоти касбӣ - 460642 ҳазор сомонӣ;

- фаъолияти дигар дар соҳаи маориф - 100659 ҳазор сомонӣ.

Тандурустӣ - 278544 ҳазор сомонӣ,

аз ҷумла:

- беморхонаҳо - 148449 ҳазор сомонӣ;

- марказҳои саломатӣ - 5941 ҳазор сомонӣ;

- ҳифзи саломатии аҳолӣ - 39561 ҳазор сомонӣ;

- фаъолияти дигар дар соҳаи тандурустӣ - 84593 ҳазор сомонӣ.

Суғуртаи иҷтимоӣ ва ҳифзи иҷтимоӣ - 531720 ҳазор сомонӣ,

аз ҷумла:

- суғуртаи иҷтимоӣ - 350521 ҳазор сомонӣ;

- ҳифзи иҷтимоӣ - 58292 ҳазор сомонӣ;

- фаъолияти дигар дар соҳаи суғуртаи иҷтимоӣ ва ҳифзи иҷтимоӣ - 122907 ҳазор сомонӣ.

Фарҳанг ва варзиш - 346652 ҳазор сомонӣ,

аз ҷумла:

- чорабиниҳо оид ба тарбияи ҷисмонӣ ва варзиш - 5455 ҳазор сомонӣ;

- муассисаҳои фарҳангию маърифатӣ - 89649 ҳазор сомонӣ;

- воситаҳои ахбори омма - 136213 ҳазор сомонӣ;

- фаъолияти дигар дар соҳаи фарҳанг ва варзиш - 115335 ҳазор сомонӣ.

Хоҷагии манзилию коммуналӣ, муҳити зист ва хоҷагии ҷангал - 80560 ҳазор сомонӣ.

Комплекси сӯзишворию энергетикӣ - 4003400 ҳазор сомонӣ. (ҚҶТ аз 28.12.2019 с., №1653)

Кишоварзӣ, моҳидорӣ ва шикор - 147487 ҳазор сомонӣ,

аз ҷумла:

- барои рушди соҳаи чорводорӣ - 2817 ҳазор сомонӣ;

- барои чорабиниҳо оид ба мубориза бар зидди малах - 3800 ҳазор сомонӣ;

- барои рушди муносибатҳои лизингӣ ва таъсису мукаммал намудани марказҳои хизматрасонӣ дар шаҳру ноҳияҳои ҷумҳурӣ - 15000 ҳазор сомонӣ;

- барои чорабиниҳои зиддиэпизоотӣ - 3000 ҳазор сомонӣ.

Саноат ва сохтмон - 156092 ҳазор сомонӣ.

Нақлиёт ва коммуникатсия - 207043 ҳазор сомонӣ.

Фаъолияти дигари иқтисодӣ ва хизматрасонӣ - 47869 ҳазор сомонӣ.

Хароҷоте, ки ба категорияҳои дигар дохил карда нашудаанд - 3452821 ҳазор сомонӣ,

аз ҷумла:

- амалиёт бо уҳдадориҳои қарзии давлатӣ - 1474993 ҳазор сомонӣ,

аз онҳо:

- амалиёт бо уҳдадориҳои қарзии дохилии давлатӣ - 122982 ҳазор сомонӣ;

- амалиёт бо уҳдадориҳои қарзии берунаи давлатӣ - 1352011 ҳазор сомонӣ;

- хароҷоти шаҳри Душанбе барои амалӣ намудани вазифаҳои пойтахт - 25000 ҳазор сомонӣ;

- Фонди хароҷоти пешбининашудаи Ҳукумати Ҷумҳурии Тоҷикистон - 87500 ҳазор сомонӣ;

- хароҷоти дигаре, ки аз рӯи соҳаҳои иқтисодиёт гурӯҳбандӣ нашудаанд - 1865328 ҳазор сомонӣ.

Моддаи 7. Хароҷоти буҷети ҷумҳуриявӣ аз рӯи гурӯҳбандии идоравӣ ва барномавӣ

1. (На барои нашр).

2. Хароҷоти буҷети ҷумҳуриявӣ дар соли 2019 аз рӯи гурӯҳбандии барномавӣ дар соҳаҳои маориф, тандурустӣ, суғуртаи иҷтимоӣ ва ҳифзи иҷтимоӣ, комплекси сӯзишворию энергетикӣ, кишоварзӣ, моҳидорӣ ва шикор, нақлиёт ва коммуникатсия тибқи замимаи 2 муқаррар карда шаванд.

Моддаи 8. Хароҷоти буҷети ҷумҳуриявӣ аз рӯи гурӯҳбандии иқтисодӣ

Дар соли 2019 хароҷоти вазорату идораҳо, ташкилоту муассисаҳо аз ҳисоби буҷети ҷумҳуриявӣ аз рӯи гурӯҳбандии иқтисодӣ дар ҳаҷми зерин муқаррар карда шавад:

Хароҷот - 12370749 ҳазор сомонӣ, (ҚҶТ аз 28.12.2019 с., №1653)

аз ҷумла:

пардохти музди меҳнат - 1614402 ҳазор сомонӣ,

аз онҳо:

- музди меҳнати кормандони асосӣ - 1533352 ҳазор сомонӣ;

- музди меҳнати кормандони ҳайати техникӣ ва хизматрасонӣ - 81050 ҳазор сомонӣ.

Маблағҷудокуниҳо ба эҳтиёҷоти иҷтимоӣ - 235136 ҳазор сомонӣ,

аз онҳо:

- аз ҳисоби музди меҳнати кормандони асосӣ - 206699 ҳазор сомонӣ;

- аз ҳисоби музди меҳнати кормандони ҳайати техникӣ ва хизматрасонӣ - 20597 ҳазор сомонӣ;

- суғуртаи тиббӣ ва суғуртаҳои дигар - 7840 ҳазор сомонӣ.

Хариди мол ва хизматрасонӣ, - 2451866 ҳазор сомонӣ,

аз онҳо:

- пардохти хизматрасонии коммуналӣ - 164540 ҳазор сомонӣ;

- пардохти хизматрасонии алоқа - 88678 ҳазор сомонӣ;

- хариди мол ва хизматрасонии дигар - 2198648 ҳазор сомонӣ.

Хизматрасонии қарзҳои дохилӣ ва беруна, - 1474993 ҳазор сомонӣ,

аз онҳо:

- пардохти қарзи асосӣ ва фоизҳои қарзи дохилӣ - 122982 ҳазор сомонӣ;

- пардохти қарзи берунаи асосӣ - 590450 ҳазор сомонӣ;

- пардохти фоизҳои қарзи берунаи асосӣ - 761561 ҳазор сомонӣ.

Хароҷоти пардохти кумакпулиҳо (субсидияҳо) - 81380 ҳазор сомонӣ.

Хароҷот барои трансфертҳо - 1160557 ҳазор сомонӣ.

Кумакпулиҳои иҷтимоӣ - 176478 ҳазор сомонӣ.

Трансфертҳои дигар - 321577 ҳазор сомонӣ.

Амалиёт бо дороиҳо, уҳдадориҳо ва сармоягузорӣ - 4854361 ҳазор сомонӣ, (ҚҶТ аз 28.12.2019 с., №1653)

аз ҷумла:

- маблағгузории асосии мутамарказ - 4656608 ҳазор сомонӣ; (ҚҶТ аз 28.12.2019 с., №1653)

- хариди мошинҳо ва таҷҳизот - 82719 ҳазор сомонӣ;

- дороиҳои ғайримолиявии дигар - 107282 ҳазор сомонӣ;

- хариди дороиҳои молиявии дохилӣ - 7753 ҳазор сомонӣ.

Моддаи 9. Фонди захиравии Президенти Ҷумҳурии Тоҷикистон

Фонди захиравии Президенти Ҷумҳурии Тоҷикистон барои соли 2019 ба маблағи 350000 ҳазор сомонӣ тасдиқ карда шавад.

Моддаи 10. Мусоидати молиявӣ (субвенсия) ва кумаки молиявии беподош (дотатсия) аз буҷети ҷумҳуриявӣ ба буҷети Вилояти Мухтори Кӯҳистони Бадахшон, вилояти Хатлон ва шаҳру ноҳияҳои тобеи ҷумҳурӣ ҷудошаванда

1. Ҳаҷми мусоидати молиявӣ (субвенсия) аз буҷети ҷумҳуриявӣ барои буҷетҳои Вилояти Мухтори Кӯҳистони Бадахшон, вилояти Хатлон ва ноҳияҳои тобеи ҷумҳурӣ барои фонди музди меҳнат ба маблағи 947215 ҳазор сомонӣ тасдиқ карда шавад, аз ҷумла барои:

- Вилояти Мухтори Кӯҳистони Бадахшон - 191352 ҳазор сомонӣ;

- вилояти Хатлон - 540337 ҳазор сомонӣ;

- ноҳияи Варзоб - 13526 ҳазор сомонӣ;

- ноҳияи Рашт - 45836 ҳазор сомонӣ;

- ноҳияи Лахш - 32504 ҳазор сомонӣ;

- ноҳияи Нуробод - 32655 ҳазор сомонӣ;

- ноҳияи Сангвор - 16694 ҳазор сомонӣ;

- ноҳияи Тоҷикобод - 21013 ҳазор сомонӣ;

- ноҳияи Файзобод - 32789 ҳазор сомонӣ;

- ноҳияи Шаҳринав - 20509 ҳазор сомонӣ.

2. Ҳаҷми кумаки молиявии беподош (дотатсия) аз буҷети ҷумҳуриявӣ ба буҷетҳои маҳаллӣ барои пардохти хароҷоти ҷорӣ ба маблағи 4201 ҳазор сомонӣ тасдиқ карда шавад, аз ҷумла барои:

- ноҳияи Сангвор - 3678 ҳазор сомонӣ;

- ноҳияи Тоҷикобод - 523 ҳазор сомонӣ.

3. Мусоидати молиявӣ (субвенсия) ва кумаки молиявии беподош (дотатсия) ба фондҳои мақсадноки давлатӣ, ба буҷети вилоятии Вилояти Мухтори Кӯҳистони Бадахшон, вилояти Хатлон, шаҳру ноҳияҳои тобеи вилоятҳо ва ҷумҳурӣ аз рӯи иҷрои воқеии буҷети ҷумҳуриявӣ мустақиман аз буҷети ҷумҳуриявӣ ҷудо карда мешавад.

Моддаи 11. Маблағҳои нақди гардони хазинавии буҷети ҷумҳуриявӣ

Маблағҳои нақди гардони хазинавии буҷети ҷумҳуриявӣ ба 1 январи соли 2020 ба маблағи 131157 ҳазор сомонӣ тасдиқ карда шаванд.

Моддаи 12. Ҳаҷми умумии даромад ва хароҷоти буҷетҳои маҳаллӣ

1. Дар соли 2019 ҳаҷми умумии буҷетҳои маҳаллӣ аз рӯи даромад бо дар назар доштани мусоидати молиявӣ (субвенсия) ва кумаки молиявии беподош (дотатсия), ки аз буҷети ҷумҳуриявӣ ҷудо карда мешаванд, ба маблағи 6768603 ҳазор сомонӣ, хароҷот ба маблағи 6780322 ҳазор сомонӣ ва касри буҷет ба маблағи 11719 ҳазор сомонӣ, аз ҷумла дар буҷети Вилояти Мухтори Кӯҳистони Бадахшон - 1406 ҳазор сомонӣ, вилояти Хатлон - 8574 ҳазор сомонӣ, ноҳияи Варзоб - 205 ҳазор сомонӣ, ноҳияи Рашт347 ҳазор сомонӣ, ноҳияи Лахш - 217 ҳазор сомонӣ, ноҳияи Нуробод - 205 ҳазор сомонӣ, ноҳияи Сангвор - 125 ҳазор сомонӣ, ноҳияи Тоҷикобод - 139 ҳазор сомонӣ, ноҳияи Файзобод - 254 ҳазор сомонӣ ва ноҳияи Шаҳринав - 247 ҳазор сомонӣ муайян карда шавад.

2. Касри буҷетҳои маҳаллӣ дар соли 2019 аз ҳисоби таъмини иҷрои барзиёдии даромад ва маблағҳои озоди буҷет ба ҳолати 1 январи соли 2019 пӯшонида мешавад.

Моддаи 13. Таносуби воридоти андозӣ ва ғайриандозӣ ба буҷетҳои ҷумҳуриявӣ ва маҳаллӣ

1. Дар соли 2019 ба буҷети ҷумҳуриявӣ даромади андозӣ ва ғайриандозии зерин ворид карда шавад:

- андоз аз фурӯши алюминийи аввалия - 100 фоиз;

- боҷҳои гумрукӣ - 100 фоиз;

- андоз аз арзиши иловашуда ва аксизи беруна - 100 фоиз;

- дигар пардохтҳои ҳатмӣ ва даромадҳои ғайриандозии умумидавлатӣ (инчунин муҷозоти ҷаримавии онҳо), хироҷ барои ҳаракати воситаҳои нақлиёти автомобилии хориҷӣ дар ҳудуди Ҷумҳурии Тоҷикистон - 100 фоиз;

- аз Ширкати саҳомии холдингии кушодаи "Барқи Тоҷик" - андоз аз арзиши иловашуда, андоз аз истифодабарандагони роҳҳои автомобилгард, андоз аз фоида, инчунин андозҳо барои захираҳои табиӣ (роялти барои об) - 100 фоиз;

- аз Ҷамъияти саҳомии кушодаи "Неругоҳи барқи обии Сангтӯда-1" андозҳо барои захираҳои табиӣ (роялти барои об) - 100 фоиз;

- аз Корхонаи воҳиди давлатии "Ширкати Алюминийи Тоҷик" - андоз аз арзиши иловашуда - 100 фоиз;

- аз Корхонаи воҳиди давлатии "Роҳи оҳани Тоҷикистон" ва Ҷамъияти саҳомии кушодаи "Тоҷиктелеком" - андоз аз арзиши иловашуда ва андоз аз фоида - 100 фоиз;

- аз Бонки давлатии амонатгузории Ҷумҳурии Тоҷикистон "Амонатбонк" - андоз аз фоида - 100 фоиз; - аз марказҳои идораи лоиҳаҳои сармоягузорӣ, намояндагиҳои дипломатӣ, консулгариҳо ва шахсони ба онҳо баробаркардашуда - андоз аз даромади шахсони воқеӣ - 100 фоиз;

- аз ширкатҳои алоқаи мобилӣ (ба истиснои Ҷамъияти саҳомии кушодаи "Тоҷиктелеком") - андоз аз арзиши иловашуда ва аксиз - 100 фоиз;

- аз Бонки миллии Тоҷикистон - андоз аз арзиши иловашуда, андоз аз даромади шахсони воқеӣ ва дигар пардохтҳои ҳатмӣ - 100 фоиз;

- аз Ҷамъияти дорои масъулияти маҳдуди Тоҷикистону Америка "Корхонаи муштараки Анзоб" - андоз аз фоида - 50 фоиз;

- пардохти бонуси обунавии яккаратаи истифодабарандагони сарватҳои зеризаминӣ аз ҳисоби истихроҷи маъданҳои фоиданок (ба ғайр аз канданиҳои фоиданоки маъмулӣ, обҳои зеризаминӣ ва лойи табобатӣ) - 100 фоиз;

2. Дар соли 2019 ҳиссаҷудокунии маблағ аз андоз ва даромадҳои умумидавлатӣ, ки аз андозсупорандагони дар ҳудуди Ҷумҳурии Тоҷикистон қарордошта ворид мегардад, ба буҷети ҷумҳуриявӣ ва буҷетҳои маҳаллӣ аз рӯи таносуби (фоизҳои) зерин тасдиқ карда шавад:

- андоз аз арзиши иловашуда:

- ба буҷети вилоятҳо, шаҳрҳо ва ноҳияҳо (ғайр аз вилояти Суғд ва шаҳрҳои Душанбе, Роғун, Турсунзода ва Ваҳдат) - 100 фоиз;

- аз вилояти Суғд - 50 фоиз ба буҷети вилоят ва 50 фоиз ба буҷети ҷумҳуриявӣ,

- аз шаҳри Душанбе - 50 фоиз ба буҷети шаҳр ва 50 фоиз ба буҷети ҷумҳуриявӣ,

- аз шаҳри Ваҳдат - 69 фоиз ба буҷети шаҳр ва 31 фоиз ба буҷети ҷумҳуриявӣ,

- аз шаҳри Роғун - 25 фоиз ба буҷети шаҳр ва 75 фоиз ба буҷети ҷумҳуриявӣ,

- аз шаҳри Турсунзода - 81 фоиз ба буҷети шаҳр ва 19 фоиз ба буҷети ҷумҳуриявӣ;

- андоз аз фоида:

- ба буҷети вилоятҳо, шаҳрҳо ва ноҳияҳо (ғайр аз шаҳри Роғун) - 100 фоиз;

- аз шаҳри Роғун - 100 фоиз ба буҷети ҷумҳуриявӣ;

- андоз аз даромад:

- ба буҷети вилоятҳо, шаҳрҳо ва ноҳияҳо (ғайр аз вилояти Суғд ва шаҳрҳои Душанбе, Роғун, Ҳисор)100 фоиз,

- аз вилояти Суғд - 52 фоиз ба буҷети вилоят ва 48 фоиз ба буҷети ҷумҳуриявӣ,

- аз шаҳри Душанбе - 38 фоиз ба буҷети шаҳр ва 62 фоиз ба буҷети ҷумҳуриявӣ,

- аз шаҳри Роғун - 20 фоиз ба буҷети шаҳр ва 80 фоиз ба буҷети ҷумҳуриявӣ,

- аз шаҳри Ҳисор - 94 фоиз ба буҷети шаҳр ва 6 фоиз ба буҷети ҷумҳуриявӣ,

- андоз аз истифодабарандагони роҳҳои автомобилгард ба буҷети вилоятҳо, шаҳрҳо ва ноҳияҳо (ғайр аз вилояти Суғд ва шаҳри Душанбе) - 100 фоиз;

- аз вилояти Суғд - 100 фоиз ба буҷети ҷумҳуриявӣ,

- аз шаҳри Душанбе - 100 фоиз ба буҷети ҷумҳуриявӣ.

- аксизҳои дохилӣ:

- ба буҷети вилоятҳо, шаҳрҳо ва ноҳияҳо - 100 фоиз;

- низомҳои махсуси андозбандӣ:

- ба буҷетҳои вилоятҳо, шаҳрҳо ва ноҳияҳо - 100 фоиз;

- андозҳои маҳаллӣ, боҷи давлатӣ, дигар пардохтҳои ҳатмии маҳаллӣ ва воридоти ғайриандозии маҳаллии дигар:

- ба буҷети вилоятҳо, шаҳрҳо ва ноҳияҳо - 100 фоиз.

3. Воридоти андозҳои танзимшавандае, ки ҳиссаи он ба даромади буҷети ҷумҳуриявӣ пешбинӣ шудааст, сараввал ба буҷети ҷумҳуриявӣ дохил гардида, ҳиссаи буҷетҳои маҳаллӣ сари вақт гузаронида мешаванд.

4. Воридоти андоз аз истифобарандагони роҳҳои автомобилгард, ки аз нақшаи тасдиқгардида барзиёд ба буҷетҳои маҳаллӣ дохил шудааст, ба буҷети ҷумҳуриявӣ гузаронида мешавад.

5. Воридоти як намуди андоз ба ҳисоби дигар намуди андоз ва гузаронидани андозҳои танзимшаванада ба буҷетҳои маҳаллӣ бе амалиёти Сарраёсати хазинадории марказии Вазорати молияи Ҷумҳурии Тоҷикистон қатъиян манъ аст.

Моддаи 14. Буҷети суғуртаи иҷтимоӣ ва нафақа

1. Буҷети суғуртаи иҷтимоӣ ва нафақа барои соли 2019 аз рӯи даромад ба маблағи 3014202 ҳазор сомонӣ, аз ҷумла аз ҳисоби андози иҷтимоӣ ба маблағи 2949202 ҳазор сомонӣ ва мусоидати молиявӣ (субвенсия) аз ҳисоби буҷети ҷумҳуриявӣ ба маблағи 65000 ҳазор сомонӣ ва хароҷот ба маблағи 3014202 ҳазор сомонӣ мувофиқи замимаи 3 тасдиқ карда шавад.

2. Мусоидати молиявӣ (субвенсия) аз ҳисоби буҷети ҷумҳуриявӣ дар ҳолате ҷудо карда мешавад, ки агар даромади буҷети суғуртаи иҷтимоӣ ва нафақа талаботи воқеии пардохти нафақа ва кумакпулиҳоро пурра таъмин карда натавонад.

3. Дар соли 2019 даромади буҷети суғуртаи иҷтимоӣ ва нафақа аз ҳисоби андози иҷтимоӣ, хароҷоти он барои пардохти нафақа ва кумакпулиҳои иҷтимоӣ дар Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ ва ҳаҷми мусоидати молиявӣ (субвенсия), ки ба вилоят ва шаҳру ноҳияҳои ҷумҳурӣ ҷудо карда мешавад, мувофиқи замимаи 4 тасдиқ карда шавад.

4. Дар соли 2019 ҳиссаҷудокунии маблағ аз андози иҷтимоӣ, ки аз андозсупорандагони дар ҳудуди Ҷумҳурии Тоҷикистон қарордошта ворид мешавад, барои пардохти нафақа ва кумакпулиҳои иҷтимоӣ аз рӯи таносуби (фоизҳои) зерин тасдиқ карда шавад:

- аз Корхонаи воҳиди давлатии "Ширкати Алюминийи Тоҷик" 100 фоиз ба суратҳисоби Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон;

- дар шаҳри Душанбе 36,6 фоиз ба суратҳисоби Раёсати Агентии суғуртаи иҷтимоӣ ва нафақаи шаҳр ва 63,4 фоиз ба Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон;

- дар шаҳри Роғун 20,5 фоиз ба суратҳисоби шуъбаи Агентии суғуртаи иҷтимоӣ ва нафақаи шаҳр ва 79,5 фоиз ба суратҳисоби Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон;

- дар Вилояти Мухтори Кӯҳистони Бадахшон, вилоятҳо ва шаҳру ноҳияҳои дигари тобеи ҷумҳурӣ 100 фоиз ба суратҳисоби раёсат ва шуъбаҳои дахлдори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон.

Моддаи 15. Имтиёзҳои андозӣ барои корхонаю ташкилотҳои алоҳида дар соли 2019

1. Андоз аз арзиши иловашуда дар соли 2019 барои воридоти гандум (ба истиснои воридоти гандум барои истеҳсоли молҳои зераксизӣ, таҳвили он ба корхонаҳои коркарди гандум, инчунин фурӯши маҳсулоти аз гандум коркардшуда) ба меъёри 10 фоиз муқаррар карда шавад. Баҳисобгирии андоз аз арзиши иловашудае, ки ҳангоми хариди (воридоти) дигар молу маҳсулоти (кору хизматрасониҳои) барои таҳвили минбаъдаи гандум ва (ё) коркард ва фурӯши маҳсулоти аз гандуми коркардшуда истифодашаванда пардохта шудааст, наметавонад аз 10 фоиз зиёд бошад (ҚҶТ аз 19.04.2019 с., № 1604).

2. Дар соли 2019 воридоти техника ва воситаҳои нақлиёти махсус, қисмҳои эҳтиётии он, ки номгӯй ва миқдори онҳо аз тарафи Ҳукумати Ҷумҳурии Тоҷикистон тасдиқ гардида, аз ҳисоби буҷети шаҳри Душанбе харидорӣ мешаванд ва барои пурра намудани парки нақлиёти мусофиркашонӣ ва беҳтар гардонидани таъминоти соҳаи алоҳидаи шаҳри Душанбе равона мегарданд, аз андоз аз арзиши иловашуда ва боҷи гумрукӣ, ҳамчунин воридоти қувваи барқ ва гази табиӣ аз андоз аз арзиши иловашуда озод карда мешаванд.

3. Дар соли 2019 Корхонаи воҳиди давлатӣ "Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе" ҳангоми фурӯши озуқа, инчунин воридоти маҳсулоте, ки номгӯйи он аз ҷониби Ҳукумати Ҷумҳурии Тоҷикистон тасдиқ мегардад, аз андоз аз арзиши иловашуда озод карда мешавад.

4. Воридоти мазути камсулфур барои эҳтиёҷоти Ҷамъияти саҳомии шакли кушодаи "Маркази барқу гармидиҳӣ"-и Душанбе, ки миқдори он аз тарафи Ҳукумати Ҷумҳурии Тоҷикистон муқаррар карда мешавад, аз андоз аз арзиши иловашуда, аксизҳо ва боҷи гумрукӣ озод карда мешавад.

5. Дар соли 2019 иҷрои кор ва хизматрасонии фармоишгар ва пудратчии асосӣ оид ба сохтмони меҳмонхонаи "Исмоили Сомонӣ", воқеъ дар хиёбони Рӯдакии шаҳри Душанбе ва сохтмони муассисаҳои таълимӣ барои 1200 ҷойи нишаст дар деҳаи Элоки ноҳияи Файзобод, барои 1200 ҷойи нишаст дар маҳаллаи Чордаи шаҳри Ваҳдат аз ҷониби ширкати хитоии "ТВЕА", барои 360 ҷойи нишаст дар шаҳри Бохтар, барои 360 ҷойи нишаст дар шаҳри Левакант, барои 640 ҷойи нишаст дар ноҳияи Данғара аз ҷониби ширкати хитоии "Синохайдро", барои 540 ҷой нишаст дар хоҷагии Эргаш Султонови ноҳияи Дӯстӣ аз ҷониби Сафоратхонаи Туркманистон, барои 630 ҷойи нишаст аз ҷониби Ҷумҳурии ӯзбекистон дар ноҳияи Спитамен (ҷамъияти саҳомии "ӯзбек темир йулларӣ"), маҷмааи тандурустӣ барои 200 кат дар ноҳияи Қубодиёни вилояти Хатлон (пудратчии генералӣ ва зерпудратчии сохтмонии Ҷумҳурии ӯзбекистон) ва оид ба сохтмони долонҳои иловагии зиддитармавӣ дар қитъаи муайяншудаи роҳи автомобилгарди Душанбе-Хуҷанд-Чанак, ки аз ҳисоби маблағгузории кумаки башардӯстонаи Ҳукумати Ҷумҳурии Исломии Покистон амалӣ карда мешавад, аз пардохти андоз аз арзиши иловашуда, андоз аз истифодабарандагони роҳҳои автомобилгард ва андоз аз фоида озод карда мешаванд. Воридоти мол аз ҷониби фармоишгар ва пудратчии асосӣ барои сохтмони иншооти мазкур тибқи номгӯй ва дар ҳаҷми тасдиқнамудаи Ҳукумати Ҷумҳурии Тоҷикистон аз андоз аз арзиши иловашуда ва боҷи гумрукӣ озод карда мешаванд. (ҚҶТ аз 20.06.2019 с., №1606)

6. Дар соли 2019 воридоти ангишт аз хориҷи кишвар ба ҷумҳурӣ ба миқдори 7200 тонна барои қонеъ гардонидани талаботи шахсони воқеӣ ва ҳуқуқии ноҳияи Мурғоби Вилояти Мухтори Кӯҳистони Бадахшон аз андоз аз арзиши иловашуда ва боҷи гумрукӣ озод карда мешаванд.

7. Дар соли 2019 иҷрои кор ва хизматрасонии фармоишгар ва пудратчии асосӣ оид ба сохтмони Театри миллии Тоҷикистон дар шаҳри Душанбе аз андоз аз арзиши иловашуда ва андоз аз фоида озод карда мешаванд.

8. Дар соли 2019 ба маблағи қарзи андозҳои Ҷамъияти саҳомии кушодаи "Неругоҳи барқи обии Сангтӯда-1", ки аз ҳисоби таҳвили қувваи барқ ба Ширкати саҳомии холдингии кушодаи "Барқи Тоҷик" ба вуҷуд омадааст, фоизҳои тибқи моддаи 73 Кодекси андози Ҷумҳурии Тоҷикистон муқарраргардида ҳисоб карда намешаванд.

9. (На барои нашр).

10. Дар соли 2019 корҳои сохтмонӣ, молу масолеҳ, локомотивҳо ва вагонҳои замонавии мусофиркашонӣ, ки аз ҷониби Корхонаи воҳиди давлатии "Роҳи оҳани Тоҷикистон" барои сохтмони роҳи оҳани Ваҳдат - Ёвон ва барқарорсозии фосилаи Ёвон - Вахш, инчунин баланд бардоштани сатҳу сифати хизматрасонӣ ба мусофирон ворид мегарданд, аз пардохти андоз аз арзиши иловашуда ва боҷи гумрукӣ озод карда мешаванд. Номгӯй ва миқдори молу масолеҳи сохтмониро Ҳукумати Ҷумҳурии Тоҷикистон муқаррар менамояд.

11. Дар соли 2019 Федератсияи футболи Тоҷикистон, сохторҳои зертобеи он ва клубҳои футболи Тоҷикистон аз пардохти андозҳо аз молу мулки ғайриманқул, андоз аз воситаҳои нақлиёт ва инчунин мураббиён аз бозингарони хориҷӣ, ки барои рушди фаъолияти федератсия ва клубҳои футбол ҷалб карда мешаванд, аз пардохти андоз аз даромад озод карда мешаванд (ҚҶТ аз 19.04.2019 с., № 1604).

12. Дар соли 2019 воридоти бланкҳои шиносномаҳои дорои ҳомили электронии иттилоот, ки аз ҷониби Вазорати корҳои хориҷии Ҷумҳурии Тоҷикистон ворид мегардад, аз пардохтҳои гумрукӣ ва хироҷи гумрукӣ озод карда мешавад (ҚҶТ аз 19.04.2019 с., № 1604).

13. Дар соли 2019 арзиши умумии кор ва хизматрасониҳои аз ҷониби ширкати «Пойри Энерҷи ЛТД Швейтсария» («Poyry Energy LTD Switzerland») оид ба сохтмони иншооти Неругоҳи барқи обии Роғун дар асоси шартномаи тарафайн амалишаванда, воридоти муваққатии молу таҷҳизот бо мақсади амалисозии лоиҳа, инчунин воридоти муваққатии молу мулки ширкат ё ҳайати кории он аз пардохти ҳамаи намудҳои андозу боҷҳои гумрукӣ, ба истиснои андоз аз даромад ва андози иҷтимоии шаҳрвандони Ҷумҳурии Тоҷикистон ва хароҷоти вобаста ба ҷалби зерпудратчиён ва филиали ширкат, ки ба арзиши қарордод дохил карда шудааст, озод карда мешаванд. (ҚҶТ аз 02.07.2019 с., №1630)

14. Аз 1 августи соли 2019 воридоти чорвои хушзот ва гӯштӣ, инчунин ҳама намуди хӯроки чорво аз андоз аз арзиши иловашуда ва боҷи гумрукӣ озод карда мешаванд. (ҚҶТ аз 08.10.19 с., №1647)

15. Дар соли 2019 қисмҳои эҳтиётӣ ва ҷузъҳои алоҳидаи барои васлкунии техника ва мошинолоти кишоварзӣ таъингардида, ки аз ҷониби Ҷамъияти саҳомии шакли пӯшидаи «Агротехсервис»-и шаҳри Ҳисор ворид карда мешаванд ва таҳвили минбаъдаи техника ва мошинолоти кишоварзии истеҳсоли ҷамъияти мазкур аз пардохти андоз аз арзиши иловашуда ва боҷи гумрукӣ озод карда шаванд. (ҚҶТ аз 14.11.19с., №1649)

16. Дар соли 2019 воридоти пойгоҳҳои обкашӣ ва шабакаҳои обёрӣ, таҷҳизоти зеристгоҳи барқӣ, қисмҳои эҳтиётии онҳо ва қубурҳои баландфишори пластикии аз ҷониби ширкати муштараки Тоҷикистону Хитой «Чжунтай Хатлон Син Силу» ва Ҷамъияти дорои масъулияти маҳдуди «Иттиҳоди аграрии «Водии Заррин», ки номгӯйи онҳо аз ҷониби Ҳукумати Ҷумҳурии Тоҷикистон муайян мегардад, аз пардохти андоз аз арзиши иловашуда ва боҷи гумрукй озод карда мешавад. (ҚҶТ аз 18.12.19с., №1651)

17. Дар соли 2019 воридоти дарахт ва гулу буттаҳои ороишӣ аз ҷониби Агентии захираҳои моддии давлатии назди Ҳукумати Ҷумҳурии Тоҷикистон, ки барои муассисаи давлатии маҷмааи «Қасри миллат»-и Дастгоҳи иҷроияи Президенти Ҷумҳурии Тоҷикистон, муассисаи давлатии «Маҷмӯи меҳмонхонаҳои Дастгоҳи иҷроияи Президенти Ҷумҳурии Тоҷикистон», муассисаи давлатии «Боғи миллӣ»-и муассисаи давлатии «Маҷмӯи меҳмонхонаҳои Дастгоҳи иҷроияи Президенти Ҷумҳурии Тоҷикистон», муассисаи давлатии «Қасри ҷумҳуриявии фарҳанги Данғара»-и Вазорати фарҳанги Ҷумҳурии Тоҷикистон, раёсати иттифоқи «Тоҷикматлубот», мақомоти иҷроияи ҳокимияти давлатии шаҳри Душанбе, қароргоҳи беруназшаҳрии мақомоти иҷроияи ҳокимияти давлатии шаҳри Душанбе, маркази фароғатии «Хуррамшаҳр», «Боги Куруши Кабир» ва масҷиди ҷомеи марказии шаҳри Душанбе пешбинӣ гардидаанд, аз андоз аз арзиши иловашуда ва боҷи гумрукӣ озод карда мешаванд. (ҚҶТ аз 31.12.19с., №1654)

 

Моддаи 16. Ҳиссагузорӣ ба Фонди стабилизатсионӣ оид ба рушди иқтисодиёт аз ҳисоби иҷрои барзиёдии даромади буҷетҳои ҷумҳуриявӣ ва маҳаллӣ

Муқаррар карда шавад, ки дар соли 2019 аз ҳисоби иҷрои барзиёди қисми даромади буҷетҳои тасдиқшудаи Вилояти Мухтори Кӯҳистони Бадахшон, вилоятҳо, шаҳри Душанбе, шаҳр ва ноҳияҳо баъд аз пӯшонидани касри буҷет ва иҷрои барзиёди қисми даромади буҷети тасдиқшудаи ҷумҳуриявӣ 20 фоизи маблағ ба Фонди стабилизатсионӣ оид ба рушди иқтисодиёт равона карда мешавад.

Моддаи 17. Муқаррарот оид ба ҷойгиронии депозитҳои буҷети ҷумҳуриявӣ ва буҷети суғуртаи иҷтимоӣ ва нафақа дар бонкҳо

Дар соли 2019 бо мақсади зиёд намудани даромади буҷет, маблағҳои озоди буҷети ҷумҳуриявӣ ва буҷети суғуртаи иҷтимоӣ ва нафақа, ки ба 1 январи соли 2019 ба вуҷуд меоянд, ҳамчун депозит бо фармоиши Ҳукумати Ҷумҳурии Тоҷикистон дар бонкҳои Ҷумҳурии Тоҷикистон ба давраи кӯтоҳмуддат дар давоми соли буҷетӣ ҷойгир карда мешаванд.

Моддаи 18. Моддаҳои ҳимояшавандаи Буҷети давлатӣ

1. Дар соли 2019 ба моддаҳои ҳимояшавандаи хароҷоти музди меҳнат, маблағҷудокуниҳо ба эҳтиёҷоти иҷтимоӣ, стипендия, нафақа, кумакпулӣ, ҷубронпулӣ ва пардохти хизматрасонии коммуналӣ дохил карда шаванд.

2. Дар сурати зарурат ва мавҷуд будани сарфа аз рӯи моддаҳои дахлдори хароҷот, дар ҳолати набудани қарз аз рӯи онҳо, Вазорати молияи Ҷумҳурии Тоҷикистон, сохторҳои маҳаллии он ва Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон метавонанд бо тартиби муқарраргардида ба нақшаи тасдиқшудаи моддаҳои хароҷот тағйироти дахлдор ворид намоянд.

Моддаи 19. Воридот ба Буҷети давлатӣ аз ҳисоби маблағҳои махсуси муассисаю ташкилотҳои буҷетӣ ва муқаррарот оид ба хароҷоти маблағҳои махсус

1. Маблағҳои махсуси вазорату идораҳо, муассисаю ташкилотҳои аз ҳисоби Буҷети давлатӣ маблағгузоришаванда дар даромаду хароҷоти муассисаю ташкилотҳои дахлдори буҷетӣ ба ҳисоб гирифта мешаванд. Ҳамзамон, 45 фоизи маблағҳои махсуси Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, 55 фоизи маблағҳои махсуси Хадамоти давлатии назорат ва танзим дар соҳаи нақлиёт, 5 фоизи маблағҳои махсуси муассисаҳои томактабӣ, таҳсилоти умумӣ, ибтидоӣ ва миёнаи касбӣ, муассисаҳои тандурустӣ ва ҳифзи иҷтимоии аҳолӣ, 15 фоизи маблағҳои махсуси муассисаҳои таҳсилоти олии касбӣ, дастгоҳҳои марказӣ ва мақомоти Вазорати адлияи Ҷумҳурии Тоҷикистон, Вазорати энергетика ва захираҳои оби Ҷумҳурии Тоҷикистон, Вазорати саноат ва технологияҳои нави Ҷумҳурии Тоҷикистон ва Вазорати корҳои хориҷии Ҷумҳурии Тоҷикистон, 10 фоизи дигар муассисаҳои соҳаи маориф, илм, фарҳанг, 20 фоизи маблағҳои махсуси дигар муассисаю ташкилотҳои буҷетӣ, ба истиснои маблағҳои грантӣ, сарпарастӣ, мақсадноки супоришӣ аз ҳисоби Буҷети давлатӣ, маблағҳои аз ҳисоби хироҷ барои додани шиносномаи шаҳрвандии Ҷумҳурии Тоҷикистон воридгардида ва Хазинаи сарватҳои давлатии назди Вазорати молияи Ҷумҳурии Тоҷикистон ҳар семоҳа ба буҷети дахлдор ворид карда мешаванд.

2. Ба муассисаю ташкилотҳои буҷетӣ истифодаи маблағҳои махсус (ба истиснои маблағҳои грантӣ ва сарпарастӣ) берун аз низоми хазинадорӣ тавассути ташкилотҳои қарзӣ манъ аст. Дар ҳолати риоя нагардидани низоми мазкур маблағҳои ошкоргардида пурра ба даромади буҷети дахлдор ситонида мешаванд.

3. Дар сурати аз ҳаҷми маблағи дар буҷети давлатӣ тасдиқшуда кам ва ё зиёд ворид гардидани маблағҳои махсуси муассисаю ташкилотҳои буҷетӣ, Вазорати молияи Ҷумҳурии Тоҷикистон ва мақомоти маҳаллии он метавонанд ба сметаи даромад ва хароҷоти онҳо ва ба қисми даромад ва хароҷоти Буҷети давлатӣ тағйироти дахлдор ворид намоянд.

4. Дар соли 2019:

- дар ҳолати иҷро нагардидани қисми даромади Буҷети давлатӣ ва норасоии маблағ барои пардохти хароҷоти дар буҷет пешбинигардида, аз он ҷумла пардохти музди меҳнат, хизматрасонӣ аз рӯи истифодабарии қувваи барқ, об ва хизматрасонии дигари коммуналии вазорату идораҳо ва муассисаю ташкилотҳое, ки маблағҳои махсус доранд, аз ҳисоби ин маблағҳо амалӣ карда мешавад;

- 50 фоизи маблағҳои аз ҳисоби додани сертификат бадастовардаи Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва маблағҳои аз ҳисоби истифодабарии захираҳои рақамгузории бадастовардаи Хадамоти алоқаи назди Ҳукумати Ҷумҳурии Тоҷикистон ба даромади буҷети ҷумҳуриявӣ гузаронида мешавад. 50 фоизи маблағҳои боқимонда дар ихтиёри Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон монда шуда, тибқи Кодекси андози Ҷумҳурии Тоҷикистон андозбандӣ карда мешаванд ва 50 фоизи маблағ дар ихтиёри Хадамоти алоқаи назди Ҳукумати Ҷумҳурии Тоҷикистон монда шуда, тартиби дар қисми 1 моддаи мазкур пешбинигардида нисбат ба он татбиқ намегардад;

- маблағҳое, ки аз ҳисоби хизматрасонии консулии (ба истиснои пардохт барои додани шиносномаҳои хориҷии дорои ҳомили электронии иттилоотӣ) Вазорати корҳои хориҷии Ҷумҳурии Тоҷикистон, намояндагиҳои дипломатӣ ва консулгариҳои дар хориҷи Ҷумҳурии Тоҷикистон ворид мегарданд, баъди пардохт ба буҷет мутобиқи қисми 1 ҳамин модда дар сметаи ягонаи даромаду хароҷоти идораҳои мазкур ба ҳисоб гирифта шуда, барои маблағгузории фаъолияти онҳо ва сохтмону таъмири биноҳои маъмурӣ равона карда мешаванд;

- маблағҳои аз ҳисоби додани шиносномаҳои хориҷии дорои ҳомили электронии иттилоотӣ бадастовардаи Вазорати корҳои хориҷии Ҷумҳурии Тоҷикистон ба андозаи 100 фоиз ба фонди андӯхтии дар Сарраёсати хазинадории марказии Вазорати молияи Ҷумҳурии Тоҷикистон қарордошта гузаронида шуда, хароҷоти он тибқи фармоиши Ҳукумати Ҷумҳурии Тоҷикистон амалӣ гардонида мешаванд;

- дар ҳолати норасоии маблағҳои дар буҷет барои нигоҳдории намояндагиҳои дипломатӣ, консулгариҳо ва намояндагиҳои дар хориҷи Ҷумҳурии Тоҷикистон пешбинигардида, фарқияти он аз ҳисоби маблағҳои махсуси вазорату идораҳои дахлдор амалӣ карда мешавад.

5. Бақияи маблағҳои буҷетӣ ва маблағҳои махсуси дар суратҳисобҳои намояндагиҳои дипломатӣ ва консулгариҳои дар хориҷи Ҷумҳурии Тоҷикистон, ки ба 1 январи соли 2019 ба вуҷуд омадааст, ба буҷети ҷумҳуриявӣ баргардонида намешаванд ва хусусияти мақсаднок дошта, барои маблағгузории хароҷоти буҷети соли 2019 пешбинишуда равона карда мешаванд.

6. (На барои нашр)

Моддаи 20. Суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ

1. Дар соли 2019 воридот ба суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ ба андозаи 5 фоиз аз ҳисоби иҷрои барзиёдии қисми даромади буҷетҳои тасдиқшудаи Вилояти Мухтори Кӯҳистони Бадахшон, вилоятҳо, шаҳри Душанбе, шаҳр ва ноҳияҳо, инчунин 10 фоизи маблағҳои махсуси Кумитаи андози назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, 5 фоизи маблағҳои махсуси муассисаҳои таҳсилоти олии касбӣ, Раёсати бозрасии давлатии автомобилии Вазорати корҳои дохилии Ҷумҳурии Тоҷикистон, Хадамоти шиносномадиҳию бақайдгирии Вазорати корҳои дохилии Ҷумҳурии Тоҷикистон, ташкилоту муассисаҳои Вазорати корҳои хориҷии Ҷумҳурии Тоҷикистон ва ташкилоту муассисаҳои дигари буҷетӣ, ба истиснои муассисаҳои томактабӣ, таҳсилоти умумӣ, ибтидоӣ ва миёнаи касбӣ, муассисаҳои тандурустӣ ва ҳифзи иҷтимоии аҳолӣ муқаррар карда шавад. Ворид намудани маблағҳо ба суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ бо тартиби муқарраргардида тибқи дастурамали аз ҷониби Вазорати молияи Ҷумҳурии Тоҷикистон тасдиқгардида амалӣ карда мешавад.

2. Хароҷоти маблағҳо аз суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ бо фармоишҳои дахлдори Ҳукумати Ҷумҳурии Тоҷикистон амалӣ карда мешавад.

Моддаи 21. Имтиёзҳо барои хизматчиёни ҳарбӣ, кормандони мақомоти ҳифзи ҳуқуқ ва мақомоти қудратии дигар

1. Имтиёзи рафтуомад ба маҳалли гузаронидани рухсатӣ барои хизматчиёни ҳарбӣ ва кормандони мақомоти ҳифзи ҳуқуқ, ки барои хизматчиёни онҳо дар асоси қонунгузории Ҷумҳурии Тоҷикистон чунин имтиёз муқаррар гардидааст, дар як сол як маротиба дар доираи маблағҳои пешбинигардида танҳо дар ҳудуди Ҷумҳурии Тоҷикистон бо пешниҳод намудани ҳуҷҷатҳои тасдиқкунанда пардохта мешавад.

2. (На барои нашр).

3. Пардохти ҷубронпулӣ дар сурати бо амри Президенти Ҷумҳурии Тоҷикистон ба ҳолати казармавӣ гузаронидани хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, кормандони мақомоти дигаре, ки дар ҳифзи тартиботи ҷамъиятӣ ва амният иштирок мекунанд, дар доираи маблағе, ки тибқи Қонуни мазкур барои фонди музди меҳнат дар сметаҳои ягонаи даромад ва хароҷоти вазорату идораҳои дахлдор тасдиқ шудааст, анҷом дода мешавад.

Моддаи 22. Муқаррарот оид ба ҳавасмандгардонии кормандон ва таҳкими заминаи моддию техникии Кумитаи андози назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон

1. Аз 1 январи соли 2019 барои ҳавасмандгардонии кормандон ва таҳкими заминаи моддию техникии Кумитаи андози назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон 30 фоизи маблағҳои умумии пинҳонкардашудаи (кам нишондодашудаи) андоз, фоиз ва ҷарима аз рӯи онҳо, ба истиснои андози иҷтимоӣ, низомҳои махсуси андозбандӣ ва андозҳои маҳаллӣ, ки дар ҷараёни фаъолияти назоратӣ ошкор гардидаанд, ба Кумитаи андози назди Ҳукумати Ҷумҳурии Тоҷикистон ва 30 фоизи маблағҳои хироҷи гумрукӣ ба Хадамоти гумруки назди Ҳукумати Ҷумҳурии Тоҷикистон равона карда мешаванд.

2. Маблағҳо аз ҳисоби даромадҳои андозӣ, ба истиснои андозҳо ва низомҳои махсуси дар қисми 1 моддаи мазкур нишондодашуда, бо тартиби марказонидашуда 100 фоиз ба буҷети ҷумҳуриявӣ бо намудҳои андоз ворид карда шуда, ҳиссаи он мутобиқи қисми 1 моддаи мазкур ба Кумитаи андози назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон гузаронида шуда, барои маблағгузории тадбирҳои пешбинишуда истифода мешаванд. Тартиби дар моддаи 19 Қонуни мазкур пешбинигардида нисбат ба онҳо татбиқ намегардад.

3. Маблағҳое, ки дар ҷараёни фаъолияти назоратӣ аз ҳисоби андози иҷтимоӣ, адозҳои маҳаллӣ ва низомҳои махсуси андозбандӣ ошкор гардидаанд, аз рӯи таъйиноташон пурра ба буҷети суғуртаи иҷтимоӣ ва нафақа ва буҷетҳои маҳаллӣ гузаронида шаванд.

Моддаи 23. Андозаи нишондиҳанда барои ҳисобҳо

Аз 1 январи соли 2019 нишондиҳанда барои ҳисобҳо ҷиҳати ҳисобкунии андоз, боҷ, дигар пардохтҳои ҳатмӣ, муҷозоти ҷаримавӣ, пардохтҳои иҷтимоӣ, инчунин барои ҳисобкунии ин ё он бузургиҳои арзишии ҳадди ниҳоӣ (поёнӣ ё болоӣ), ки мутобиқи қонунгузории Ҷумҳурии Тоҷикистон татбиқ карда мешаванд, дар ҳаҷми 55 сомонӣ муқаррар карда шавад.

Моддаи 24. Муқаррарот оид ба пардохти маблағ тибқи ҳалномаҳои суд ва ба буҷет ворид намудани ҷаримаҳо ва дигар пардохтҳо ҳангоми риоя накардани қонунгузории Ҷумҳурии Тоҷикистон

1. Муқаррар карда шавад, ки иҷрои ҳалномаҳои суд дар бораи рӯёнидани зарари моддию маънавии аз тарафи кормандони мақомоти идоракунии давлатӣ ва ҳифзи ҳуқуқ ҳангоми адои вазифаҳои хизматӣ расонидашуда аз ҳисоби маблағҳои сметаи ягонаи даромад ва хароҷоти онҳо амалӣ карда мешаванд.

2. Муқаррар карда шавад, ки маблағҳои аз ҳисоби татбиқи чораҳои маҷбуркунӣ барои риоя накардани қонунгузории Ҷумҳурии Тоҷикистон, аз ҷумла аз ҳисоби мусодираи молу мулк, ҷарима, пеня, ҷубронпулӣ воридшуда ва ҳамчунин ҷуброни зарари молиявии дар натиҷаи риоя накардани интизоми молиявӣ ба буҷети ҷумҳуриявӣ расонидашуда, ба истиснои маблағҳое, ки аз вайронкунандагони қонунгузории замин ситонида мешаванд, ба даромади буҷети ҷумҳуриявӣ гузаронида шаванд.

Моддаи 25. Тасдиқи ҳисобот оид ба иҷрои Буҷети давлатии Ҷумҳурии Тоҷикистон дар соли 2017

1. Ҳисобот оид ба иҷрои Буҷети давлатии Ҷумҳурии Тоҷикистон дар соли 2017 аз рӯи даромад ба маблағи 19955467 ҳазор сомонӣ, аз рӯи хароҷот ба маблағи 22264184 ҳазор сомонӣ бо барзиёдии хароҷот нисбат ба даромад ба маблағи 2308717 ҳазор сомонӣ тасдиқ карда шавад.

2. Хароҷоти воқеии Буҷети давлатии Ҷумҳурии Тоҷикистон дар соли 2017 барои пардохти уҳдадориҳои қарзии Ҷумҳурии Тоҷикистон оид ба пардохти қарзи асосии беруна, бо дар назар доштани хизматрасонии он ба маблағи 1220533 ҳазор сомонӣ тасдиқ карда шавад.

Моддаи 26. Муқаррарот оид ба ворид намудани тағйирот ба Буҷети давлатӣ

1. Дар ҳолати барзиёд ё кам иҷро гардидани қисми даромади Буҷети давлатии Ҷумҳурии Тоҷикистон барои соли 2019 Ҳукумати Ҷумҳурии Тоҷикистон метавонад ба қисмҳои даромад ва хароҷоти Буҷети давлатии Ҷумҳурии Тоҷикистон, аз ҷумла ба қисмҳои даромад ва хароҷоти буҷети ҷумҳуриявӣ барои соли 2019 мувофиқи Қонуни Ҷумҳурии Тоҷикистон "Дар бораи молияи давлатии Ҷумҳурии Тоҷикистон" бе тағйир додани ҳаҷми касри буҷет тағйирот ворид намояд.

2. Бо сабаби тағйир ёфтани ҳаҷми истеҳсолот (кор ва хизматрасонӣ), андозаи нарх, меъёри андоз, заминаи андозбандӣ, инчунин тағйирёбии сохтории ташкилоту муассисаҳои буҷетӣ, ки аз санадҳои меъёрии ҳуқуқии қабулнамудаи мақомоти давлатӣ бармеоянд, Вазорати молияи Ҷумҳурии Тоҷикистон ба қисмҳои даромад ва хароҷоти буҷетҳои дахлдор тағйирот ворид намуда, бо тартиби муқарраргардида дар байни буҷети ҷумҳуриявӣ, буҷети суғуртаи иҷтимоӣ ва нафақа ва буҷетҳои маҳаллӣ ҳисоби байниҳамдигарӣ мегузаронад.

3. Мақомоти молия дар Вилояти Мухтори Кӯҳистони Бадахшон, вилоятҳо ва шаҳри Душанбе чунин ҳисоби байниҳамдигариро метавонанд байни буҷетҳои маҳаллии дахлдор амалӣ намоянд.

Моддаи 27. Тартиби мавриди амал қарор додани Қонуни мазкур

Қонуни мазкур аз 1 январи соли 2019 мавриди амал қарор дода шавад.

 

 

Президенти

Ҷумҳурии Тоҷикистон                                               Эмомалӣ Раҳмон

 

ш. Душанбе,

26 ноябри соли 2018,

 № 1553

ҚОНУНИ ҶУМҲУРИИ ТОҶИКИСТОН ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2018

Ношир: Тоирзода Малика Тоир Санаи интишор: Чшб, 19/02/2020 - 12:15
Тоҷикӣ
Замима: 
Таснифгар: 
ҚОНУН
Рақам: 
1469
Мақомот: 
Маҷлиси Олии ҶТ
Ҳолат: 
Амалкунанда
Date: 
Панҷшанбе, 16 Ноябр, 2017

ҚОНУНИ

ҶУМҲУРИИ ТОҶИКИСТОН

ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2018

 (Ахбори Маҷлиси Олии Ҷумҳурии Тоҷикистон, с. 2017, № 11, мод. 781)

(ҚҶТ аз 5.02.2018 с., № 1504; аз 13.03.2018 с., № 1514; аз 19.06.2018 с., № 1536; аз 2.10.2018 с., № 1552; аз 03.01.2019 с., № 1587)

 

Моддаи 1. Ҳаҷми умумии даромади Буҷети давлатии Ҷумҳурии Тоҷикистон

Ҳаҷми умумии Буҷети давлатии Ҷумҳурии Тоҷикистон барои соли 2018 аз ҳисоби ҳамаи манбаъҳои даромад ба маблағи 21752289 ҳазор сомонӣ муқаррар карда шавад, аз ҷумла (ҚҶТ аз 2.10.2018 с., № 1552):

- даромади Буҷети давлатии Ҷумҳурии Тоҷикистон аз ҳисоби воридоти андозию ғайриандозӣ ва грантҳо 16921902 ҳазор сомонӣ, аз онҳо (ҚҶТ аз 2.10.2018 с., № 1552):

воридоти андозӣ                                                     - 14743919 ҳазор сомонӣ;

воридоти ғайриандоз                                              - 1772983 ҳазор сомонӣ         (ҚҶТ аз 2.10.2018 с., № 1552);

грантҳо барои дастгирии буҷет аз ҳисоби

 созмонҳои байналмилалии молиявӣ                    - 405000 ҳазор сомонӣ;

- буҷети лоиҳаҳои давлатии сармоягузорӣ

 бо ҷалби захираҳои молиявии беруна                   - 3274477 ҳазор сомонӣ,

аз онҳо:

қарзҳо                                                                        - 1764612 ҳазор сомонӣ;

грантҳо                                                                      - 1509865 ҳазор сомонӣ;

- маблағҳои махсуси ташкилоту

муассисаҳои буҷетӣ                                                 - 1555910 ҳазор сомонӣ.

Моддаи 2. Ҳаҷми умумии хароҷоти Буҷети давлатии Ҷумҳурии Тоҷикистон

Ҳаҷми умумии хароҷоти Буҷети давлатии Ҷумҳурии Тоҷикистон барои соли 2018 ба маблағи 24557052 ҳазор сомонӣ муқаррар карда шавад, аз ҷумла барои маблағгузории (ҚҶТ аз 2.10.2018 с., № 1552):

- мақомоти ҳокимият ва

идоракунии давлатӣ                                               - 1120829 ҳазор сомонӣ;

- мудофиа (на барои нашр);

         - мақомоти ҳифзи ҳуқуқ, тартиботи ҳуқуқӣ ва судҳо (на барои нашр);

- маориф                                                                  - 3863064 ҳазор сомонӣ;

- тандурустӣ                                                            - 1550944 ҳазор сомонӣ;

- суғуртаи иҷтимоӣ ва ҳифзи иҷтимоӣ                 - 3357910 ҳазор сомонӣ;

- фарҳанг ва варзиш                                                - 648729 ҳазор сомонӣ;

- хоҷагии манзилию коммуналӣ, ҳифзи муҳити

зист ва хоҷагии ҷангал                                           - 851712 ҳазор сомонӣ;

- комплекси сӯзишворию энергетикӣ                   - 6702808 ҳазор сомонӣ (ҚҶТ аз 2.10.2018 с., № 1552);

- соҳаи кишоварзӣ, моҳидорӣ ва шикор               - 676081 ҳазор сомонӣ;

- саноат ва сохтмон                                                 - 132376 ҳазор сомонӣ;

- нақлиёт ва коммуникатсия                                   - 1462898 ҳазор сомонӣ;

- дигар соҳаҳои иқтисодиёт ва хизматрасонӣ       - 57297 ҳазор сомонӣ;

- хароҷоти дигар                                                       - 2476547 ҳазор сомонӣ.

Моддаи 3. Ҳаҷми умумии касри буҷети давлатӣ ва манбаъҳои пӯшонидани он

1. Ҳаҷми умумии касри Буҷети давлатии Ҷумҳурии Тоҷикистон барои соли 2018 ба андозаи 4,2 фоизи Маҷмӯи маҳсулоти дохилӣ ё ба маблағи 2804763 ҳазор сомонӣ муқаррар карда шавад (ҚҶТ аз 2.10.2018 с., № 1552).

2. Манбаи пӯшонидани касри буҷети давлатӣ ба таври зерин муайян карда шавад:

- даромад аз хусусигардонӣ ва истифодаи

 моликияти давлатӣ                                                - 26000 ҳазор сомонӣ;

- даромад аз фурӯши векселҳои хазинадорӣ       - 95000 ҳазор сомонӣ;

- иҷрои барзиёди нақшаи даромади буҷетҳои

 маҳаллӣ                                                                   - 10152 ҳазор сомонӣ;

- аз ҳисоби қарзҳои (грантҳои) созмонҳои

байналмилалии молиявӣ                                        - 203181 ҳазор сомонӣ;

- аз ҳисоби коғазҳои қиматноки давлатӣ

 (евробондҳо)                                                           - 2470430 ҳазор сомонӣ (ҚҶТ аз 2.10.2018 с., № 1552).

3. Маблағгузории пардохти қарзи асосии берунаи Ҷумҳурии Тоҷикистон ба андозаи 1,6 фоизи Маҷмӯи маҳсулоти дохилӣ ё ба маблағи 1105088 ҳазор сомонӣ, аз ҷумла аз ҳисоби хароҷоти ҷории буҷети ҷумҳуриявӣ 538680 ҳазор сомонӣ ва аз ҳисоби барориши векселҳои давлатӣ, ҷалби қарзҳои (грантҳои) созмонҳои байналмилалии молиявӣ, маблағҳои баргардонидашуда аз рӯи созишномаҳои зерқарзӣ, бақияи маблағҳои озоди буҷети ҷумҳуриявӣ ба 1 январи соли 2018 дар Бонки миллии Тоҷикистон ва Фонди стабилизатсионӣ оид ба рушди иқтисодиёт 566408 ҳазор сомонӣ муайян карда шавад.

4. Маблағгузории хизматрасонии қарзи дохилии Ҷумҳурии Тоҷикистон ба андозаи 384587 ҳазор сомонӣ, аз ҷумла аз ҳисоби хароҷоти ҷории буҷети ҷумҳуриявӣ 179577 ҳазор сомонӣ, аз ҳисоби баргардонидани қарзҳои Ҷамъияти саҳомии кушодаи "Агроинвестбонк" ба суратҳисоби Вазорати молияи Ҷумҳурии Тоҷикистон 40000 ҳазор сомонӣ ва аз ҳисоби бақияи маблағҳои озоди буҷети ҷумҳуриявӣ дар Бонки миллии Тоҷикистон ба 1 январи соли 2018 ва Фонди стабилизатсионӣ оид ба рушди иқтисодиёт 165010 ҳазор сомонӣ муайян карда шавад.

Моддаи 4. Ҳаҷми умумии даромад ва хароҷоти буҷети ҷумҳуриявӣ

Буҷети ҷумҳуриявӣ барои соли 2018 аз рӯи даромад ба маблағи 10282004 ҳазор сомонӣ, аз рӯи хароҷот ба маблағи 13076615 ҳазор сомонӣ ва касри он ба маблағи 2794611 ҳазор сомонӣ тасдиқ карда шавад (ҚҶТ аз 2.10.2018 с., № 1552).

Моддаи 5. Даромади буҷети ҷумҳуриявӣ аз рӯи манбаъҳои даромад

Дар буҷети ҷумҳуриявӣ барои соли 2018 воридоти даромад аз ҳисоби субъектҳои хоҷагидории дар ҳудуди Ҷумҳурии Тоҷикистон қарордошта ба маблағи умумии 10282004 ҳазор сомонӣ муқаррар карда шавад, аз ҷумла (ҚҶТ аз 2.10.2018 с., № 1552):

- андоз аз арзиши иловашуда                                - 4909992 ҳазор сомонӣ;

- аксизҳо                                                                  - 403492 ҳазор сомонӣ;

- андоз аз фурӯш                                                     - 19600 ҳазор сомонӣ;

- андоз барои захираҳои табиӣ                              - 193827 ҳазор сомонӣ;

- андоз аз фоида                                                      - 640134 ҳазор сомонӣ;

- андоз аз даромад                                                  - 813640 ҳазор сомонӣ;

- боҷҳои гумрукӣ                                                    - 842789 ҳазор сомонӣ;

- андоз аз истифодабарандагони

роҳҳои автомобилгард                                           - 360000 ҳазор сомонӣ;

- даромадҳои дигари ғайриандозӣ                        - 1693530 ҳазор сомонӣ (ҚҶТ аз 2.10.2018 с., № 1552);

- грантҳои созмонҳои байналмилалии молиявӣ  - 405000 ҳазор сомонӣ.

Моддаи 6. Хароҷоти буҷети ҷумҳуриявӣ аз рӯи гурӯҳбандии вазифавӣ

Хароҷоти буҷети ҷумҳуриявӣ барои соли 2018 аз рӯи гурӯҳбандии вазифавӣ дар ҳаҷми зерин тасдиқ карда шавад:

Маблағгузории бахши ҳокимияти давлатӣ ва

идоракунӣ                                                                - 720113 ҳазор сомонӣ,

аз ҷумла:

- мақомоти иҷроия ва қонунгузорӣ                       - 157744 ҳазор сомонӣ;

- сиёсати молиявӣ ва андозию буҷетӣ                  - 107832 ҳазор сомонӣ;

- фаъолияти сиёсати берунӣ                                  - 240176 ҳазор сомонӣ;

- мақомоти дигари давлатӣ                                    - 214361 ҳазор сомонӣ.

 - фаъолияти сиесати берунӣ                                 - 240176 ҳазор сомонӣ;

 - мақомоти дигари давлатӣ                                   - 214361 ҳазор сомонӣ.

         - Мудофиа (на барои нашр).

         - Мақомоти ҳифзи ҳуқуқ, судҳо ва прокуратура (на барои нашр).

Маориф                                                                    - 705808 ҳазор сомонӣ,

аз ҷумла:

- таҳсилоти умумӣ                                                  - 155742 ҳазор сомонӣ;

- таҳсилоти касбӣ                                                    - 387490 ҳазор сомонӣ;

- фаъолияти дигар дар соҳаи маориф                   - 162576 ҳазор сомонӣ.

Тандурустӣ                                                              - 275530 ҳазор сомонӣ,

аз ҷумла:

- беморхонаҳо                                                          - 159636 ҳазор сомонӣ;

- марказҳои саломатӣ                                              - 4979 ҳазор сомонӣ;

- ҳифзи саломатии аҳолӣ                                        - 32350 ҳазор сомонӣ;

- фаъолияти дигар дар соҳаи тандурустӣ             - 78566 ҳазор сомонӣ.

Суғуртаи иҷтимоӣ ва ҳифзи иҷтимоӣ                  - 507191 ҳазор сомонӣ,

аз ҷумла:

- суғуртаи иҷтимоӣ                                                - 336666 ҳазор сомонӣ;

- ҳифзи иҷтимоӣ                                                     - 50984 ҳазор сомонӣ;

- фаъолияти дигар дар соҳаи суғуртаи

 иҷтимоӣ ва ҳифзи иҷтимоӣ                                  - 119541 ҳазор сомонӣ.

Фарҳанг ва варзиш                                                 - 286298 ҳазор сомонӣ,

аз ҷумла:

- чорабиниҳо оид ба тарбияи ҷисмонӣ

ва варзиш                                                                - 4394 ҳазор сомонӣ;

- муассисаҳои фарҳангию маърифатӣ                 - 70624 ҳазор сомонӣ;

- воситаҳои ахбори омма                                      - 112607 ҳазор сомонӣ;

- фаъолияти дигар дар соҳаи фарҳанг ва

варзиш                                                                     - 98672 ҳазор сомонӣ.

Хоҷагии манзилию коммуналӣ, муҳити

 зист ва хоҷагии ҷангал                                          - 68935 ҳазор сомонӣ.

Комплекси сӯзишворию энергетикӣ                    - 5296457 ҳазор сомонӣ (ҚҶТ аз 2.10.2018 с., № 1552).

Кишоварзӣ, моҳидорӣ ва шикор                          - 160037 ҳазор сомонӣ,

аз ҷумла:

- барои рушди соҳаи чорводорӣ                           - 4000 ҳазор сомонӣ;

- барои рушди соҳаи растанипарварӣ                  - 4300 ҳазор сомонӣ;

- барои рушди муносибатҳои лизингӣ ва

таъсису мукаммал намудани марказҳои

хизматрасонӣ дар шаҳру ноҳияҳои ҷумҳурӣ       - 30000 ҳазор сомонӣ.

Саноат ва сохтмон                                                  - 133083 ҳазор сомонӣ.

Нақлиёт ва коммуникатсия                                    - 172764 ҳазор сомонӣ.

Фаъолияти дигари иқтисодӣ ва хизматрасонӣ     - 56300 ҳазор сомонӣ.

Хароҷоте, ки ба категорияҳои дигар дохил

карда нашудаанд                                                     - 3276794 ҳазор сомонӣ,

аз ҷумла:

- амалиёт бо уҳдадориҳои қарзии давлатӣ           - 1413448 ҳазор сомонӣ;

аз онҳо:

- амалиёт бо уҳдадориҳои қарзии дохилии давлатӣ   - 179577 ҳазор сомонӣ;

- амалиёт бо уҳдадориҳои қарзии берунаи давлатӣ    - 1233871 ҳазор сомонӣ;

- хароҷоти шаҳри Душанбе барои амалӣ

намудани вазифаҳои пойтахт                                        - 25000 ҳазор сомонӣ;

- Фонди хароҷоти пешбининамудаи

Ҳукумати Ҷумҳурии Тоҷикистон                                 - 78839 ҳазор сомонӣ;

- хароҷоти дигаре, ки аз рӯи соҳаҳои

иқтисодиёт гурӯҳбандӣ нашудаанд                             - 1759507 ҳазор сомонӣ.

Моддаи 7. Хароҷоти буҷети ҷумҳуриявӣ аз рӯи гурӯҳбандии идоравӣ ва барномавӣ
1. На барои нашр.
2. Хароҷоти буҷети ҷумҳуриявӣ дар соли 2018 аз рӯи гурӯҳбандии барномавӣ дар соҳаҳои маориф, тандурустӣ, суғуртаи иҷтимоӣ ва ҳифзи иҷтимоӣ, комплески сӯзишворию энергетикӣ, кишоварзӣ, моҳидорӣ ва шикор, нақлиет ва коммуникатсия тибқи замимаи 2 муқаррар карда шавад.

 

Моддаи 8. Хароҷоти буҷети ҷумҳуриявӣ аз рӯи гурӯҳбандии иқтисодӣ

Дар соли 2018 хароҷоти вазорату идораҳо, ташкилоту муассисаҳо аз ҳисоби буҷети ҷумҳуриявӣ аз рӯи гурӯҳбандии иқтисодӣ дар ҳаҷми зерин муқаррар карда шавад:

Хароҷот                                                                  - 13076615 ҳазор сомонӣ (ҚҶТ аз 2.10.2018 с., № 1552),

аз ҷумла:

Пардохти музди меҳнат                                       - 1541731 ҳазор сомонӣ,

аз онҳо:

- музди меҳнати кормандони асосӣ                         - 1471163 ҳазор сомонӣ;

- музди меҳнати кормандони ҳайати

техникӣ ва хизматрасонӣ                                         - 70568 ҳазор сомонӣ.

Маблағҷудокуниҳо ба эҳтиёҷоти иҷтимоӣ            - 204615 ҳазор сомонӣ,

аз онҳо:

- аз ҳисоби музди меҳнати кормандони асосӣ       - 179646 ҳазор сомонӣ;

- аз ҳисоби музди меҳнати кормандони

ҳайати техникӣ ва хизматрасонӣ                             - 17661 ҳазор сомонӣ;

- суғуртаи тиббӣ ва суғуртаҳои дигар                     - 7308 ҳазор сомонӣ.

Хариди мол ва хизматрасонӣ                                   - 2161776 ҳазор сомонӣ,

аз онҳо:

- пардохти хизматрасонии коммуналӣ                   - 145526 ҳазор сомонӣ;

- пардохти хизматрасонии алоқа                            - 72621 ҳазор сомонӣ;

- дигар хариди мол ва хизматрасонӣ                     - 1943629 ҳазор сомонӣ.

Хизматрасонии қарзҳои дохилӣ ва беруна           - 1413448 ҳазор сомонӣ,

аз онҳо:

- пардохти фоизҳои қарзи дохилӣ                         - 179577 ҳазор сомонӣ;

- пардохти қарзи берунаи асосӣ                            - 538680 ҳазор сомонӣ;

- пардохти фоизҳои қарзи берунаи асосӣ             - 695191 ҳазор сомонӣ.

Хароҷоти пардохти кумакпулиҳо (субсидияҳо)   - 87680 ҳазор сомонӣ.

Хароҷот барои трансфертҳо                                   - 1014933 ҳазор сомонӣ.

Кумакпулиҳои иҷтимоӣ                                           - 175294 ҳазор сомонӣ.

Трансфертҳои дигар                                                 - 295068 ҳазор сомонӣ.

Амалиёт бо дороиҳо, уҳдадориҳо ва

сармоягузорӣ                                                             - 6182073 ҳазор сомонӣ (ҚҶТ аз 2.10.2018 с., № 1552),

аз ҷумла:

- маблағгузории асосии мутамарказ                      - 5864803 ҳазор сомонӣ (ҚҶТ аз 2.10.2018 с., № 1552);

- хариди мошинҳо ва таҷҳизот                               - 65715 ҳазор сомонӣ;

- дигар дороиҳои ғайримолиявӣ                             - 242796 ҳазор сомонӣ;

- хариди дороиҳои молиявии дохилӣ                     - 8759 ҳазор сомонӣ.

Моддаи 9. Фонди захиравии Президенти Ҷумҳурии Тоҷикистон

Фонди захиравии Президенти Ҷумҳурии Тоҷикистон барои соли 2018 ба маблағи 315354 ҳазор сомонӣ тасдиқ карда шавад.

Моддаи 10. Мусоидати молиявӣ (субвенсия) ва кумаки молиявии беподош (дотатсия) аз буҷети ҷумҳуриявӣ                    ба буҷети Вилояти Мухтори Кӯҳистони Бадахшон, вилояти Хатлон ва шаҳру ноҳияҳои тобеи ҷумҳурӣ ҷудошаванда

1. Ҳаҷми мусоидати молиявӣ (субвенсия) аз буҷети ҷумҳуриявӣ барои буҷетҳои Вилояти Мухтори Кӯҳистони Бадахшон, вилояти Хатлон ва шаҳру ноҳияҳои тобеи ҷумҳурӣ барои фонди музди меҳнат ба маблағи 820797 ҳазор сомонӣ тасдиқ карда шавад, аз ҷумла барои:

- Вилояти Мухтори Кӯҳистони Бадахшон            - 174057 ҳазор сомонӣ;

- вилояти Хатлон                                                     - 461007 ҳазор сомонӣ;

- ноҳияи Варзоб                                                       - 12307 ҳазор сомонӣ;

- ноҳияи Рашт                                                          - 41498 ҳазор сомонӣ;

- ноҳияи Лахш                                                         - 28886 ҳазор сомонӣ;

- ноҳияи Нуробод                                                   - 26983 ҳазор сомонӣ;

- ноҳияи Сангвор                                                    - 14185 ҳазор сомонӣ;

- ноҳияи Тоҷикобод                                                - 18559 ҳазор сомонӣ;

- ноҳияи Файзобод                                                  - 26296 ҳазор сомонӣ;

- ноҳияи Шаҳринав                                                 - 17019 ҳазор сомонӣ.

2. Ҳаҷми кумаки молиявии беподош (дотатсия) аз буҷети ҷумҳуриявӣ барои буҷетҳои маҳаллӣ барои пардохти хароҷоти ҷорӣ ба маблағи 4239 ҳазор сомонӣ тасдиқ карда шавад, аз ҷумла барои:

- ноҳияи Сангвор                                                     - 3785 ҳазор сомонӣ;

- ноҳияи Тоҷикобод                                                - 454 ҳазор сомонӣ.

3. Мусоидати молиявӣ (субвенсия) ва кумаки молиявии беподош (дотатсия) ба фондҳои мақсадноки давлатӣ, ба буҷети вилоятии Вилояти Мухтори Кӯҳистони Бадахшон, вилояти Хатлон, шаҳру ноҳияҳои тобеи вилоятҳо ва ҷумҳурӣ аз рӯи иҷрои воқеии буҷети ҷумҳуриявӣ мустақиман аз буҷети ҷумҳуриявӣ ҷудо карда мешавад.

Моддаи 11. Маблағҳои нақди гардони хазинавии буҷети ҷумҳуриявӣ

Маблағҳои нақди гардони хазинавии буҷети ҷумҳуриявӣ ба 1 январи соли 2019 ба маблағи 239313 ҳазор сомонӣ тасдиқ карда шаванд.

Моддаи 12. Ҳаҷми умумии даромад ва хароҷоти буҷетҳои маҳаллӣ

1. Дар соли 2018 ҳаҷми умумии буҷетҳои маҳаллӣ аз рӯи даромад бо дарназардошти мусоидати молиявӣ (субвенсия) ва кумаки молиявии беподош (дотатсия), ки аз буҷети ҷумҳуриявӣ ҷудо карда мешаванд, ба маблағи 5782934 ҳазор сомонӣ, хароҷот ба маблағи 5793086 ҳазор сомонӣ ва касри буҷет ба маблағи 10152 ҳазор сомонӣ, аз ҷумла дар буҷети Вилояти Мухтори Кӯҳистони Бадахшон - 1254 ҳазор сомонӣ, вилояти Хатлон7367 ҳазор сомонӣ, ноҳияи Варзоб - 180 ҳазор сомонӣ, ноҳияи Рашт - 311 ҳазор сомонӣ, ноҳияи Лахш - 193 ҳазор сомонӣ, ноҳияи Нуробод - 176 ҳазор сомонӣ, ноҳияи Сангвор - 111 ҳазор сомонӣ, ноҳияи Тоҷикобод - 123 ҳазор сомонӣ, ноҳияи Файзобод - 220 ҳазор сомонӣ ва ноҳияи Шаҳринав - 217 ҳазор сомонӣ муайян карда шавад.

2. Касри буҷетҳои маҳаллӣ дар соли 2018 аз ҳисоби таъмини иҷрои барзиёдии даромад ва маблағҳои озоде, ки ба ҳолати 1 январи соли 2018 ба вуҷуд омадааст, пӯшонида мешавад.

Моддаи 13. Таносуби воридоти андозӣ ва ғайриандозӣ ба буҷетҳои ҷумҳуриявӣ ва маҳаллӣ

1. Дар соли 2018 ба буҷети ҷумҳуриявӣ даромадҳои андозӣ ва ғайриандозии зерин ворид карда шаванд:

- андоз аз фурӯши алюминийи аввалия                                                             100 фоиз;  

- боҷҳои гумрукӣ                                                                                                 100 фоиз;

- андоз аз арзиши иловашуда ва аксизи беруна                                               100 фоиз;

- дигар пардохтҳои ҳатмӣ ва даромадҳои ғайриандозии

умумидавлатӣ (инчунин муҷозоти ҷаримавии онҳо), хироҷ

барои ҳаракати воситаҳои нақлиёти автомобилии хориҷӣ

дар ҳудуди Ҷумҳурии Тоҷикистон                                                                    100 фоиз;

- аз Ширкати саҳомии холдингии кушодаи "Барқи Тоҷик"

- андоз аз арзиши иловашуда, андоз аз фоида, инчунин

 андозҳо барои захираҳои табиӣ (роялти  барои об)                                        100 фоиз;

- аз Ҷамъияти саҳомии кушодаи "Неругоҳи барқи

обии Сангтӯда-1" андозҳо барои захираҳои

табиӣ (роялти барои об)                                                                                      100 фоиз;

- аз Корхонаи воҳиди давлатии "Ширкати алюминийи

Тоҷик" - андоз аз арзиши иловашуда                                                                100 фоиз;

- аз Корхонаи воҳиди давлатии "Роҳи оҳани

Тоҷикистон" ва Ҷамъияти саҳомии кушодаи

"Тоҷиктелеком" - андоз аз арзиши иловашуда

 ва андоз аз фоида                                                                                                100 фоиз;

- аз Бонки давлатии амонатгузории Ҷумҳурии

 Тоҷикистон "Амонатбонк" - андоз аз фоида                                                    100 фоиз;

- аз марказҳои идораи лоиҳаҳои сармоягузорӣ,

намояндагиҳои дипломатӣ, консулгариҳо ва шахсони

ба онҳо баробаркардашуда - андоз аз даромади шахсони воқеӣ                    100 фоиз;

- аз ширкатҳои алоқаи мобилӣ (ба истиснои Ҷамъияти саҳомии

 кушодаи "Тоҷиктелеком") - андоз аз арзиши иловашуда ва аксиз                100 фоиз;

- аз Бонки миллии Тоҷикистон - андоз аз арзиши иловашуда,

андоз аз даромади шахсони воқеӣ ва дигар пардохтҳои ҳатмӣ                       100 фоиз;

- аз Ҷамъияти дорои масъулияти маҳдуди Тоҷикистону

Америка "Корхонаи муштараки Анзоб" - андоз аз фоида                                50 фоиз;

- пардохти бонуси обунавии яккаратаи истифодабарандагони

 сарватҳои зеризаминӣ аз ҳисоби истихроҷи маъданҳои

фоиданок (ба ғайр аз канданиҳои фоиданоки маъмулӣ,

обҳои зеризаминӣ ва лойи табобатӣ)                                                                 100 фоиз;

- на барои нашр.

2. Дар соли 2018 ҳиссаҷудокунии маблағ аз андоз ва даромади умумидавлатӣ, ки аз андозсупорандагони дар ҳудуди Ҷумҳурии Тоҷикистон қарордошта ворид мегардад, ба буҷети ҷумҳуриявӣ ва буҷетҳои маҳаллӣ аз рӯи таносуби (фоизҳои) зерин тасдиқ карда шавад:

- андоз аз арзиши иловашуда:

- ба буҷети вилоятҳо, шаҳрҳо ва ноҳияҳо (ғайр аз вилояти Суғд ва шаҳрҳои Роғун,  Турсунзода ва Ҳисор) – 100 фоиз;

- аз вилояти Суғд – 60 фоиз ба буҷети вилоят ва 40 фоиз ба буҷети ҷумҳуриявӣ;

- аз шаҳри Роғун – 25 фоиз ба буҷети шаҳр ва 75 фоиз ба буҷети ҷумҳуриявӣ;

- аз шаҳри Турсунзода – 81 фоиз ба буҷети шаҳр ва 19 фоиз ба буҷети ҷумҳуриявӣ;

- аз шаҳри Ҳисор – 89 фоиз ба буҷети шаҳр ва 11 фоиз ба буҷети ҷумҳуриявӣ;

- андоз аз фоида:

- ба буҷети вилоятҳо, шаҳрҳо ва ноҳияҳо (ғайр аз шаҳрҳои Душанбе, Ваҳдат ва Роғун) – 100 фоиз;

- аз шаҳри Душанбе – 33 фоиз ба буҷети шаҳр ва 67 фоиз ба буҷети ҷумҳуриявӣ;

- аз шаҳри Ваҳдат – 42 фоиз ба буҷети шаҳр ва 58 фоиз ба буҷети ҷумҳуриявӣ;

- аз шаҳри Роғун – 100 фоиз ба буҷети ҷумҳуриявӣ.

- андоз аз даромад:

- ба буҷети вилоятҳо, шаҳрҳо ва ноҳияҳо (ғайр аз вилояти Суғд, шаҳрҳои Душанбе, Ваҳдат ва Роғун) – 100 фоиз;

- аз вилояти Суғд – 58 фоиз ба буҷети вилоят ва 42 фоиз ба буҷети ҷумҳуриявӣ;

- аз шаҳри Душанбе – 30 фоиз ба буҷети шаҳр ва 70 фоиз ба буҷети ҷумҳуриявӣ;

- аз шаҳри Ваҳдат – 30 фоиз ба буҷети шаҳр ва 70 фоиз ба буҷети ҷумҳуриявӣ;

- аз шаҳри Роғун – 50 фоиз ба буҷети шаҳр ва 50 фоиз ба буҷети ҷумҳуриявӣ;

- андоз аз истифодабарандагони роҳҳои автомобилгард:

ба буҷети ҷумҳуриявӣ                                                                                          100 фоиз;

- аксизҳо:

ба буҷети вилоятҳо, шаҳрҳо ва ноҳияҳо                                                             100 фоиз;

- низомҳои махсуси андозбандӣ:

ба буҷетҳои вилоятҳо, шаҳрҳо ва ноҳияҳо                                                         100 фоиз;

- андозҳои маҳаллӣ, дигар пардохтҳои ҳатмии маҳаллӣ ва воридоти дигари ғайриандозии маҳаллӣ:

ба буҷети вилоятҳо, шаҳрҳо ва ноҳияҳо                                                             100 фоиз.

3. Воридоти андозҳои танзимшавандае, ки ҳиссаи он ба даромади буҷети ҷумҳуриявӣ пешбинӣ шудааст, сараввал ба буҷети ҷумҳуриявӣ дохил гардида, ҳиссаи буҷетҳои маҳаллӣ сари вақт гузаронида мешаванд.

4. Воридоти андозҳои танзимшавандае, ки ба буҷети ҷумҳуриявӣ аз шаҳри Душанбе аз нақшаи умумии тасдиқгардида барзиёд дохил шудааст, ба буҷети шаҳри Душанбе гузаронида мешавад.

Моддаи 14. Буҷети суғуртаи иҷтимоӣ ва нафақа

1. Буҷети суғуртаи иҷтимоӣ ва нафақа барои соли 2018 аз рӯи даромад ба маблағи 2730823 ҳазор сомонӣ, аз ҷумла аз ҳисоби андози иҷтимоӣ ба маблағи 2665823 ҳазор сомонӣ ва мусоидати молиявӣ (субвенсия) аз ҳисоби буҷети ҷумҳуриявӣ ба маблағи 65000 ҳазор сомонӣ ва хароҷот ба маблағи 2730823 ҳазор сомонӣ мувофиқи замимаи 3 тасдиқ карда шавад.

2. Мусоидати молиявӣ (субвенсия) аз ҳисоби буҷети ҷумҳуриявӣ дар ҳолате ҷудо карда мешавад, агар даромади буҷети суғуртаи иҷтимоӣ ва нафақа талаботи воқеии пардохти нафақа ва кумакпулиҳоро қонеъ карда натавонад.

3. Дар соли 2018 даромади буҷети суғуртаи иҷтимоӣ ва нафақа аз ҳисоби андози иҷтимоӣ, хароҷоти он барои пардохти нафақа ва кумакпулиҳои иҷтимоӣ дар Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ ва ҳаҷми мусоидати молиявӣ (субвенсия), ки ба вилоят ва шаҳру ноҳияҳои ҷумҳурӣ ҷудо карда мешавад, мувофиқи замимаи 4 тасдиқ карда шавад.

4. Дар соли 2018 ҳиссаҷудокунии маблағ аз андози иҷтимоӣ, ки аз андозсупорандагони дар ҳудуди Ҷумҳурии Тоҷикистон қарордошта ворид мешавад, барои пардохти нафақа ва кумакпулиҳои иҷтимоӣ аз рӯи таносуби (фоизҳои) зерин тасдиқ карда шавад:

- аз Корхонаи воҳиди давлатии "Ширкати алюминийи Тоҷик" 100 фоиз ба суратҳисоби Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон;

 - дар шаҳри Душанбе 33 фоиз ба суратҳисоби Раёсати Агентии суғуртаи иҷтимоӣ ва нафақаи шаҳр ва 67 фоиз ба Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон;

- дар шаҳри Роғун 22 фоиз ба суратҳисоби шуъбаи Агентии суғуртаи иҷтимоӣ ва нафақаи шаҳр ва 78 фоиз ба суратҳисоби Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон;

- дар Вилояти Мухтори Кӯҳистони Бадахшон, вилоятҳо ва шаҳру ноҳияҳои дигари тобеи ҷумҳурӣ 100 фоиз ба суратҳисоби раёсат ва шуъбаҳои дахлдори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон.

Моддаи 15. Имтиёзҳои андозӣ барои корхонаю ташкилотҳои алоҳида дар соли 2018

1. Андоз аз арзиши иловашуда дар соли 2018 барои воридоти гандум (ба истиснои воридоти гандум барои истеҳсоли молҳои зераксизӣ), таҳвили он ба корхонаҳои коркарди гандум, инчунин фурӯши маҳсулоти аз гандум коркардшуда ба меъёри 10 фоиз муқаррар карда шавад. Баҳисобгирии андоз аз арзиши иловашудае, ки ҳангоми хариди (воридоти) дигар молу маҳсулоти (кору хизматрасониҳои) барои таҳвили минбаъдаи гандум ва (ё) коркард ва фурӯши маҳсулоти аз гандуми коркардшуда истифодашаванда пардохта шудааст, наметавонад аз 10 фоиз зиёд бошад.

2. Дар соли 2018 воридоти нақлиёти махсуси коммуналию мусофиркашонии ҷамъиятӣ, ёрии таъҷилӣ ва автомобилҳои сабукрави назоратӣ, ки номгӯй ва миқдори онҳо аз тарафи Ҳукумати Ҷумҳурии Тоҷикистон тасдиқ гардида, аз ҳисоби буҷети шаҳри Душанбе харидорӣ мешаванд ва барои пурра намудани парки нақлиёти мусофиркашонӣ ва беҳтар гардонидани таъминоти соҳаи тандурустии шаҳри Душанбе равона мегарданд, аз андоз аз арзиши иловашуда ва боҷи гумрукӣ, ҳамчунин воридоти қувваи барқ аз андоз аз арзиши иловашуда озод карда мешаванд.

3. Дар соли 2018 Корхонаи воҳиди давлатӣ "Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе" ҳангоми фурӯши озуқа, инчунин воридоти маҳсулот, ки номгӯйи он аз ҷониби Ҳукумати Ҷумҳурии Тоҷикистон тасдиқ мегардад, аз андоз аз арзиши иловашуда озод карда шавад ҶТ аз 13.03.2018 с., № 1514).

4. Воридоти мазути камсулфур барои эҳтиёҷоти Ҷамъияти саҳомии шакли кушодаи "Маркази барқу гармидиҳӣ"-и Душанбе, ки миқдори он аз тарафи Ҳукумати Ҷумҳурии Тоҷикистон муқаррар карда мешавад, аз андоз аз арзиши иловашуда, аксизҳо ва боҷи гумрукӣ озод карда мешавад.

5. Дар соли 2018 иҷрои кор ва хизматрасонии фармоишгарон ва пудратчиёни асосӣ оид ба сохтмони меҳмонхонаи "Исмоили Сомонӣ", воқеъ дар хиёбони Рӯдакии шаҳри Душанбе ва муассисаҳои таълимӣ барои 1200 ҷойи нишаст дар деҳаи Элоки Ҷамоати деҳоти Қалъаи Дашти ноҳияи Файзобод, барои 1200 ҷойи нишаст дар маҳаллаи Чордаи шаҳри Ваҳдат, сохтмон ва таҷдиди 20 км роҳи автомобилгард дар ноҳияи Данғара, намояндаи фармоишгар Консорсиуми байналмилалии "COYENE ET BELLIER", сохтмони ду муассисаи таҳсилоти миёнаи умумӣ дар шаҳри Душанбе аз ҷониби ширкати хитоӣ "Синзиян Бенсин" ва сохтмони муассисаҳои таълимӣ дар шаҳри Қӯрғонтеппа барои 320 ҷойи нишаст, шаҳри Сарбанд барои 320 ҷойи нишаст, ноҳияи Данғара барои 640 ҷойи нишаст аз ҷониби ширкати хитоии "Синохайдро" аз пардохти андоз аз арзиши иловашуда, андоз аз истифодабарандагони роҳҳои автомобилгард ва андоз аз фоида озод карда мешаванд. Воридоти мол аз ҷониби фармоишгарон ва пудратчиёни асосӣ барои сохтмони иншооти мазкур тибқи номгӯй ва ҳаҷми тасдиқнамудаи Ҳукумати Ҷумҳурии Тоҷикистон аз андоз аз арзиши иловашуда ва боҷи гумрукӣ озод карда мешаванд.

6. Дар соли 2018 воридоти ангишт ба ҷумҳурӣ ба миқдори 7200 тонна барои қонеъ гардонидани талаботи шахсони воқеию ҳуқуқии ноҳияи Мурғоби Вилояти Мухтори Кӯҳистони Бадахшон аз андоз аз арзиши иловашуда ва боҷи гумрукӣ озод карда мешаванд.

7. Дар соли 2018 иҷрои кор ва хизматрасонии фармоишгар ва пудратчии асосӣ оид ба сохтмони Театри миллии Тоҷикистон дар шаҳри Душанбе аз андоз аз арзиши иловашуда ва андоз аз фоида озод карда мешаванд.

8. Дар соли 2018 ба маблағи қарзи андозҳои Ҷамъияти саҳомии кушодаи "Неругоҳи барқи обии Сангтӯда-1", ки аз ҳисоби таҳвили қувваи барқ ба Ширкати саҳомии холдингии кушодаи "Барқи Тоҷик" ба вуҷуд омадааст, фоизҳои тибқи моддаи 73 Кодекси андози Ҷумҳурии Тоҷикистон муқарраргардида, ҳисоб карда намешаванд.

9. На барои нашр.

10. Воридоти маснуоти заргарӣ то 30 июни соли 2018 аз андоз аз арзиши иловашуда, аксиз ва боҷи гумрукӣ озод карда шуда, бар ивази онҳо пардохти махсуси гумрукӣ ба андозаи зерин муқаррар карда шавад:

- барои воридоти 1 (як) грамм маснуоти заргарӣ аз метали тилло – 18,0 сомонӣ;

- барои воридоти 1 (як) грамм маснуоти заргарӣ аз метали нуқра – 3,06 сомонӣ.

11. Дар соли 2018 воридоти ҳамаи намудҳои чорвои зотӣ (таъйиноти гӯштӣ, ширӣ ва пашмӣ), тухмии элита ва репродуксионии навъҳои зироатҳои кишоварзӣ дар асоси ҳуҷҷатҳои тасдиқкунандаи зот ва сифати тухмӣ аз хориҷи кишвар бо мақсади парвариш ва истеҳсоли маҳсулот, инчунин тухмии кирмак барои пиллапарварӣ аз андоз аз арзиши иловашуда ва боҷи гумрукӣ озод карда мешаванд.

12. Воридоти таҳвили ашёи хом (фурнитура) барои истеҳсоли либоси мактабӣ ба корхонаҳои дӯзандагие, ки номгӯи онҳо аз ҷониби Ҳукумати Ҷумҳурии Тоҷикистон муайян карда мешавад, аз андоз аз арзиши иловашуда ва боҷи гумрукӣ озод карда мешаванд.

13. Дар соли 2018 ҷиҳати навсозии техникии Ҷамъияти саҳомии кушодаи "Тоҷик Эйр", Корхонаи воҳиди давлатии "Роҳи оҳани Тоҷикистон" ва баланд бардоштани сатҳу сифати хизматрасонӣ ба мусофирон воридоти ҳавопаймоҳо, локомотивҳо ва вагонҳои замонавии мусофиркашонӣ аз пардохти андоз аз арзиши иловашуда ва боҷи гумрукӣ озод карда мешаванд (ҚҶТ аз 5.02.2018 с., № 1504).

14. Дар соли 2018 воридоти таҷҳизоти муосири радиоэлектронӣ, ки номгӯй ва миқдори он аз тарафи Ҳукумати Ҷумҳурии Тоҷикистон тасдиқ гардида, аз ҷониби Корхонаи воҳиди давлатии "Тоҷикаэронавигатсия" харидорӣ карда мешавад, аз пардохти андоз аз арзиши иловашуда ва боҷи гумрукӣ озод карда мешавад (ҚҶТ аз 19.06.2018 с., № 1536).

15. На барои нашр.

16. Дар соли 2018 воридоти дарахтон, гулу буттаҳои ороишӣ аз ҷониби Агентии захираҳои моддии давлатии назди Ҳукумати Ҷумҳурии Тоҷикистон, ки барои маҷмааи “Нишони давлатӣ” ва мақомоти иҷроияи ҳокимияти давлатии шаҳри Душанбе пешбинӣ гардиданд, аз андоз аз арзиши иловашуда ва боҷи гумрукӣ озод карда мешавад (ҚҶТ аз 03.01.2019 с., № 1587).

Моддаи 16. Ҳиссагузорӣ ба Фонди стабилизатсионӣ оид ба рушди иқтисодиёт аз ҳисоби иҷрои барзиёдии даромади буҷетҳои ҷумҳуриявӣ ва маҳаллӣ

Дар соли 2018 аз ҳисоби иҷрои барзиёди қисми даромади буҷетҳои тасдиқшудаи Вилояти Мухтори Кӯҳистони Бадахшон, вилоятҳо, шаҳри Душанбе ва дигар шаҳру ноҳияҳо баъд аз пӯшонидани касри буҷет ва иҷрои барзиёди қисми даромади буҷети тасдиқшудаи ҷумҳуриявӣ 20 фоизи маблағ ба Фонди стабилизатсионӣ оид ба рушди иқтисодиёт равона карда мешавад.

Моддаи 17. Муқаррарот оид ба ҷойгиронии депозитҳои буҷети ҷумҳуриявӣ ва буҷети суғуртаи иҷтимоӣ ва нафақа дар бонкҳо

Дар соли 2018 бо мақсади зиёд намудани даромади буҷет, маблағҳои озоди буҷети ҷумҳуриявӣ ва буҷети суғуртаи иҷтимоӣ ва нафақа, ки ба ҳолати 1 январи соли 2018 ба вуҷуд меоянд, ҳамчун депозит бо фармоиши Ҳукумати Ҷумҳурии Тоҷикистон дар бонкҳои Ҷумҳурии Тоҷикистон ба муҳлати кӯтоҳмуддат дар давоми соли буҷетӣ ҷойгир карда мешаванд.

Моддаи 18. Моддаҳои ҳимояшавандаи буҷети давлатӣ

1. Дар соли 2018 ба моддаҳои ҳимояшавандаи хароҷот музди меҳнат, маблағҷудокуниҳо ба эҳтиёҷоти иҷтимоӣ, идрорпулӣ, нафақа, кумакпулӣ, ҷубронпулӣ ва пардохти хизматрасониҳои коммуналӣ дохил карда шаванд.

2. Дар сурати зарурат ва мавҷуд будани сарфа аз рӯи моддаҳои дахлдори хароҷот, дар ҳолати набудани қарз аз рӯи онҳо, Вазорати молияи Ҷумҳурии Тоҷикистон, сохторҳои маҳаллии он ва Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон метавонанд бо тартиби муқарраргардида ба нақшаи тасдиқшудаи моддаҳои хароҷот тағйироти дахлдор ворид намоянд.

Моддаи 19. Воридот ба буҷети давлатӣ аз ҳисоби маблағҳои махсуси ташкилоту муассисаҳои буҷетӣ ва муқаррарот оид ба хароҷоти маблағҳои махсус

1. Маблағҳои махсуси вазорату идораҳо, ташкилоту муассисаҳои аз ҳисоби буҷети давлатӣ маблағгузоришаванда дар даромаду хароҷоти ташкилоту муассисаҳои дахлдори буҷетӣ ба ҳисоб гирифта мешаванд. Ҳамзамон, 40 фоизи маблағҳои махсуси Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, 50 фоизи маблағҳои махсуси Хадамоти давлатии назорат ва танзим дар соҳаи нақлиёт, 5 фоизи маблағҳои махсуси муассисаҳои томактабӣ, таҳсилоти умумӣ, ибтидоӣ ва миёнаи касбӣ, муассисаҳои тандурустӣ ва ҳифзи иҷтимоии аҳолӣ, 10 фоизи маблағҳои махсуси муассисаҳои таҳсилоти олии касбӣ ва дигар муассисаҳои соҳаи маориф, илм, фарҳанг, дастгоҳҳои марказӣ ва мақомоти Вазорати адлияи Ҷумҳурии Тоҷикистон, Вазорати энергетика ва захираҳои оби Ҷумҳурии Тоҷикистон, Вазорати саноат ва технологияҳои нави Ҷумҳурии Тоҷикистон ва Вазорати корҳои хориҷии Ҷумҳурии Тоҷикистон, 20 фоиз маблағҳои махсуси дигар ташкилоту муассисаҳои буҷетӣ, ба истиснои маблағҳои грантӣ, сарпарастӣ, мақсадноки супоришӣ аз ҳисоби буҷети давлатӣ ва Хазинаи сарватҳои давлатии назди Вазорати молияи Ҷумҳурии Тоҷикистон ҳар семоҳа ба буҷети дахлдор ворид карда мешаванд.

2. Ба муассисаю ташкилотҳои буҷетӣ истифодаи маблағҳои махсус (ба истиснои маблағҳои грантӣ ва сарпарастӣ) берун аз низоми хазинадорӣ тавассути ташкилотҳои қарзӣ манъ аст. Дар ҳолати риоя нагардидани низоми мазкур маблағҳои ошкоргардида пурра ба даромади буҷети дахлдор ситонида мешаванд.

3. Дар сурати аз ҳаҷми маблағи дар буҷети давлатӣ тасдиқшуда кам ва ё зиёд ворид гардидани маблағҳои махсуси ташкилоту муассисаҳои буҷетӣ Вазорати молияи Ҷумҳурии Тоҷикистон ва мақомоти маҳаллии он метавонанд ба сметаи даромад ва хароҷоти онҳо ва ба қисми даромад ва хароҷоти буҷети давлатӣ тағйироти дахлдор ворид намоянд.

4. Дар соли 2018:

- дар ҳолати иҷро нагардидани қисми даромади буҷети давлатӣ ва норасоии маблағ барои пардохти хароҷоти дар буҷет пешбинигардида, маблағгузории пардохти музди меҳнат, хизматрасониҳо аз рӯи истифодабарии қувваи барқ, об ва дигар хизматрасониҳои коммуналии вазорату идораҳо ва ташкилоту муассисаҳое, ки маблағҳои махсус доранд, аз ҳисоби ин маблағҳо амалӣ карда мешавад;

- 50 фоизи маблағҳои аз ҳисоби додани сертификат бадастовардаи Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва маблағҳои аз ҳисоби истифодабарии захираҳои рақамгузорӣ бадастовардаи Хадамоти алоқаи назди Ҳукумати Ҷумҳурии Тоҷикистон ба даромади буҷети ҷумҳуриявӣ гузаронида мешаванд. 50 фоизи маблағҳои боқимонда дар ихтиёри Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон гузошта шуда, тибқи Кодекси андози Ҷумҳурии Тоҷикистон андозбандӣ карда мешаванд ва 50 фоизи маблағ дар ихтиёри Хадамоти алоқаи назди Ҳукумати Ҷумҳурии Тоҷикистон гузошта шуда, тартиби дар қисми 1 моддаи мазкур пешбинигардида нисбат ба он татбиқ намегардад;

- маблағҳое, ки аз ҳисоби хизматрасонии консулии (ба истиснои пардохт барои додани шиносномаҳои хориҷии дорои ҳомили электронии иттилоотӣ) Вазорати корҳои хориҷии Ҷумҳурии Тоҷикистон, намояндагиҳои дипломатӣ ва консулгариҳои Ҷумҳурии Тоҷикистон дар хориҷа ворид мегарданд, баъди пардохт ба буҷет мутобиқи қисми 1 ҳамин модда, дар сметаи ягонаи даромаду хароҷоти идораҳои мазкур ба ҳисоб гирифта шуда, барои маблағгузории фаъолияти онҳо ва сохтмону таъмири биноҳои маъмурӣ равона карда мешаванд;

- маблағҳои аз ҳисоби додани шиносномаҳои хориҷии дорои ҳомили электронии иттилоотӣ бадастовардаи Вазорати корҳои хориҷии Ҷумҳурии Тоҷикистон ба андозаи 100 фоиз ба фонди андӯхтии дар сарраёсати хазинадории марказии Вазорати молияи Ҷумҳурии Тоҷикистон қарордошта гузаронида шуда, хароҷоти он тибқи фармоиши Ҳукумати Ҷумҳурии Тоҷикистон амалӣ гардонида мешаванд;

- дар ҳолати норасоии маблағҳои дар буҷет барои нигоҳдории намояндагиҳои дипломатӣ, консулгариҳо ва намояндагиҳои Ҷумҳурии Тоҷикистон дар хориҷа пешбинигардида, фарқияти он аз ҳисоби маблағҳои махсуси вазорату идораҳои дахлдор амалӣ карда мешаванд.

5. Бақияи маблағҳои буҷетӣ ва маблағҳои махсуси дар суратҳисобҳои намояндагиҳои дипломатӣ ва консулгариҳои Ҷумҳурии Тоҷикистон дар хориҷа, ки ба ҳолати 1 январи соли 2018 ба вуҷуд омадааст, ба буҷети ҷумҳуриявӣ баргардонида намешаванд ва хусусияти мақсаднок дошта, барои маблағгузории хароҷоти буҷети соли 2018 пешбинишуда равона карда мешаванд.

6. На барои нашр.

Моддаи 20. Суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ

1. Дар соли 2018 воридот ба суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ ба андозаи 5 фоиз аз ҳисоби иҷрои барзиёдии қисми даромади буҷетҳои тасдиқшудаи Вилояти Мухтори Кӯҳистони Бадахшон, вилоятҳо, шаҳри Душанбе ва дигар шаҳру ноҳияҳо, инчунин 10 фоизи маблағҳои махсуси Кумитаи андози назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон, 5 фоизи маблағҳои махсуси муассисаҳои таҳсилоти олии касбӣ, Раёсати бозрасии давлатии автомобилии Вазорати корҳои дохилии Ҷумҳурии Тоҷикистон, Хадамоти шиносномадиҳию бақайдгирии Вазорати корҳои дохилии Ҷумҳурии Тоҷикистон, ташкилоту муассисаҳои Вазорати корҳои хориҷии Ҷумҳурии Тоҷикистон ва дигар ташкилоту муассисаҳои буҷетӣ, ба истиснои муассисаҳои томактабӣ, таҳсилоти умумӣ, ибтидоӣ ва миёнаи касбӣ, муассисаҳои тандурустӣ ва ҳифзи иҷтимоии аҳолӣ муқаррар карда шавад. Ворид намудани маблағҳо ба суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ бо тартиби муқарраргардида тибқи дастурамали аз ҷониби Вазорати молияи Ҷумҳурии Тоҷикистон тасдиқгардида амалӣ карда мешавад.

2. Хароҷоти маблағҳо аз суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ бо фармоишҳои дахлдори Ҳукумати Ҷумҳурии Тоҷикистон амалӣ карда мешаванд.

Моддаи 21. Имтиёзҳо барои хизматчиёни ҳарбӣ, кормандони мақомоти ҳифзи ҳуқуқ ва дигар мақомоти    қудратӣ

1. Маблағи рафтуомад ба маҳалли гузаронидани рухсатӣ ба хизматчиёни ҳарбӣ ва кормандони мақомоти ҳифзи ҳуқуқ, ки барои хизматчиёни онҳо дар асоси қонунгузории Ҷумҳурии Тоҷикистон чунин имтиёз муқаррар гардидааст, дар як сол як маротиба, дар доираи маблағҳои пешбинигардида, танҳо дар ҳудуди Ҷумҳурии Тоҷикистон бо пешниҳод намудани ҳуҷҷатҳои тасдиқкунанда пардохта мешавад.

2. На барои нашр.

3. Пардохти ҷубронпулӣ дар сурати бо амри Президенти Ҷумҳурии Тоҷикистон ба ҳолати казармавӣ гузаронидани хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, кормандони дигар мақомоте, ки дар ҳифзи тартиботи ҷамъиятӣ ва амният иштирок мекунанд, дар доираи маблағе, ки тибқи Қонуни мазкур барои фонди музди меҳнат дар сметаҳои ягонаи даромад ва хароҷотии вазорату идораҳои дахлдор тасдиқ шудааст, анҷом дода мешавад.

Моддаи 22. Муқаррарот оид ба ҳавасмандгардонии кормандон ва таҳкими заминаи моддию техникии Кумитаи андози назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон

1. Аз 1 январи соли 2018 барои ҳавасмандгардонии кормандон ва таҳкими заминаи моддию техникии Кумитаи андози назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон 30 фоизи маблағҳои умумии пинҳонкардашудаи (кам нишондодашудаи) андоз, фоиз ва ҷарима аз рӯи онҳо, ба истиснои андози иҷтимоӣ, низомҳои махсуси андозбандӣ ва андозҳои маҳаллӣ, ки дар ҷараёни фаъолияти назоратӣ ошкор гардидаанд, ба Кумитаи андози назди Ҳукумати Ҷумҳурии Тоҷикистон ва 30 фоизи маблағҳои хироҷи гумрукӣ ба Хадамоти гумруки назди Ҳукумати Ҷумҳурии Тоҷикистон равона карда мешаванд.

2. Маблағҳо аз ҳисоби даромадҳои андозӣ, ба истиснои андозҳо ва низомҳои махсуси қисми 1 моддаи мазкур нишондодашуда бо тартиби марказонидашуда 100 фоиз ба буҷети ҷумҳуриявӣ бо намуди андоз ворид карда шуда, ҳиссаи он мутобиқи қисми 1 моддаи мазкур ба Кумитаи андози назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон гузаронида шуда, барои маблағгузории тадбирҳои муқарраргардида истифода мешаванд. Тартиби дар моддаи 19 Қонуни мазкур пешбинигардида нисбат ба мақомоти мазкур татбиқ намегардад.

Моддаи 23. Андозаи нишондиҳанда барои ҳисобҳо

Аз 1 январи соли 2018 нишондиҳанда барои ҳисобҳо ҷиҳати ҳисобкунии андоз, боҷ, дигар пардохтҳои ҳатмӣ, муҷозоти ҷаримавӣ, пардохтҳои иҷтимоӣ, инчунин барои ҳисобкунии дигар бузургиҳои арзишии ҳадди ниҳоӣ (поёнӣ ё болоӣ), ки мутобиқи қонунгузории Ҷумҳурии Тоҷикистон татбиқ карда мешаванд, дар ҳаҷми 50 сомонӣ муқаррар карда шавад.

Моддаи 24. Муқаррарот оид ба пардохти маблағ тибқи ҳалномаҳои суд ва ба буҷет ворид намудани ҷаримаҳо ва дигар пардохтҳо ҳангоми риоя накардани қонунгузории Ҷумҳурии Тоҷикистон

1. Иҷрои ҳалномаҳои суд дар бораи рӯёнидани зарари моддию маънавии аз тарафи кормандони мақомоти идоракунии давлатӣ ва ҳифзи ҳуқуқ ҳангоми адои вазифаҳои хизматӣ расонидашуда, аз ҳисоби маблағҳои сметаи ягонаи даромад ва хароҷоти онҳо амалӣ карда мешаванд.

2. Маблағҳои аз ҳисоби татбиқи чораҳои маҷбуркунӣ барои риоя накардани қонунгузории Ҷумҳурии Тоҷикистон, аз ҷумла аз ҳисоби мусодираи молу мулк, ҷарима, пеня, ҷубронпулӣ воридшуда ва ҳамчунин ҷуброни зарари молиявии дар натиҷаи риоя накардани интизоми молиявӣ ба буҷети ҷумҳуриявӣ расонидашуда, ба истиснои маблағҳое, ки аз вайронкунандагони қонунгузории Ҷумҳурии Тоҷикистон оид ба замин ситонида мешаванд, ба даромади буҷети ҷумҳуриявӣ гузаронида мешаванд.

Моддаи 25. Тасдиқи ҳисобот оид ба иҷрои Буҷети давлатии Ҷумҳурии Тоҷикистон дар соли 2016

1. Ҳисобот оид ба иҷрои Буҷети давлатии Ҷумҳурии Тоҷикистон дар соли 2016 аз рӯи даромад ба маблағи 18483788 ҳазор сомонӣ, аз рӯи хароҷот ба маблағи 18294331 ҳазор сомонӣ бо барзиёдии даромад нисбат ба хароҷот ба маблағи 189457 ҳазор сомонӣ тасдиқ карда шавад.

2. Хароҷоти воқеии Буҷети давлатии Ҷумҳурии Тоҷикистон дар соли 2016 барои пардохти уҳдадориҳои қарзии Ҷумҳурии Тоҷикистон оид ба пардохти қарзи асосии беруна бо дарназардошти хизматрасонии он ба маблағи 1105804 ҳазор сомонӣ тасдиқ карда шавад.

Моддаи 26. Муқаррарот оид ба ворид намудани тағйирот ба Буҷети давлатии Ҷумҳурии Тоҷикистон

1. Дар мавриди барзиёд ё кам иҷро гардидани қисми даромади Буҷети давлатии Ҷумҳурии Тоҷикистон барои соли 2018 Ҳукумати Ҷумҳурии Тоҷикистон метавонад ба қисмҳои даромад ва хароҷоти Буҷети давлатии Ҷумҳурии Тоҷикистон, аз ҷумла ба қисмҳои даромад ва хароҷоти буҷети ҷумҳуриявӣ барои соли 2018, мувофиқи Қонуни Ҷумҳурии Тоҷикистон "Дар бораи молияи давлатии Ҷумҳурии Тоҷикистон" бе тағйир додани ҳаҷми касри буҷет тағйирот ворид намояд.

2. Бо сабаби тағйир ёфтани ҳаҷми истеҳсолот (кор ва хизматрасонӣ), андозаи нарх, меъёри андоз, заминаи андозбандӣ, инчунин тағйирёбии сохтори ташкилоту муассисаҳои буҷетӣ, ки аз санадҳои меъёрии ҳуқуқии қабулнамудаи мақомоти давлатӣ бармеоянд, Вазорати молияи Ҷумҳурии Тоҷикистон ба қисмҳои даромад ва хароҷоти буҷетҳои дахлдор тағйирот ворид намуда, бо тартиби муқарраргардида дар байни буҷети ҷумҳуриявӣ, буҷети суғуртаи иҷтимоӣ ва нафақа ва буҷетҳои маҳаллӣ ҳисоби байниҳамдигарӣ мегузаронад.

3. Мақомоти молия дар Вилояти Мухтори Кӯҳистони Бадахшон, вилоятҳо ва шаҳри Душанбе чунин ҳисоби байниҳамдигариро метавонанд байни буҷетҳои маҳаллии дахлдор амалӣ намоянд.

Моддаи 27. Тартиби мавриди амал қарор додани Қонуни мазкур

Қонуни мазкур аз 1 январи соли 2018 мавриди амал қарор дода шавад.

 

Президенти

Ҷумҳурии Тоҷикистон                                           Эмомалӣ Раҳмон

ш. Душанбе, 16 ноябри соли 2017,

№ 1469

 

 

ҚОНУНИ ҶУМҲУРИИ ТОҶИКИСТОН ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2016

Ношир: Тоирзода Малика Тоир Санаи интишор: Чшб, 19/02/2020 - 12:13
Тоҷикӣ
Замима: 
Таснифгар: 
ҚОНУН
Рақам: 
1257
Мақомот: 
Маҷлиси Олии ҶТ
Ҳолат: 
Амалкунанда
Date: 
Чоршанбе, 19 Феврал, 2020

ҚОНУНИ

ҶУМҲУРИИ ТОҶИКИСТОН

 

ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2016

 

(Ахбори Маҷлиси Олии Ҷумҳурии Тоҷикистон, с. 2015, №11, мод. 978; Қонуни ҶТ аз 09.06.2016 с., №1321; аз 04.07.2016 с., № 1322)

 

Моддаи 1. Ҳаҷми умумии даромади Буҷети давлатии Ҷумҳурии Тоҷикистон

 

Ҳаҷми умумии Буҷети давлатии Ҷумҳурии Тоҷикистон барои соли 2016 аз ҳисоби ҳамаи манбаъҳои маблағгузорӣ ба маблағи 18305842 ҳазор сомонӣ муқаррар карда шавад, аз ҷумла:

- даромади Буҷети давлатии Ҷумҳурии Тоҷикистон аз ҳисоби воридоти андозию ғайриандозӣ ва грантҳо 13938178 ҳазор сомонӣ, аз онҳо:

воридоти андозӣ                                                                                                                             - 12522793 ҳазор сомонӣ;

воридоти ғайриандозӣ - 1067385 ҳазор сомонӣ;

грантҳо барои дастгирии буҷет аз ҳисоби ташкилотҳои байналмилалии

молиявӣ                                                                                                                                              - 348000 ҳазор сомонӣ;

- буҷети лоиҳаҳои давлатии сармоягузорӣ бо ҷалби захираҳои молиявии

берунӣ                                                                                                                                 - 3429512 ҳазор сомонӣ;

аз онҳо:

қарзҳо                                                                                                                                                  - 2046831 ҳазор сомонӣ;

грантҳо                                                                                                                                - 1382681 ҳазор сомонӣ;

- маблағҳои махсуси ташкилотҳои буҷетӣ                                                                            - 938152 ҳазор сомонӣ.

 

Моддаи 2. Ҳаҷми умумии хароҷоти Буҷети давлатии Ҷумҳурии  Тоҷикистон

 

Ҳаҷми умумии хароҷоти Буҷети давлатии Ҷумҳурии Тоҷикистон барои соли 2016 ба маблағи 18594441 ҳазор сомонӣ муқаррар карда шавад, аз ҷумла барои маблағгузории:

- мақомоти ҳокимияти давлатӣ ва идоракунӣ                                                    - 1035946 ҳазор сомонӣ;

- маориф                                                                                                                                             - 3146229 ҳазор сомонӣ;

- тандурустӣ                                                                                                                                      - 1263882 ҳазор сомонӣ;

- ҳифзи иҷтимоии аҳолӣ                                                                                                              - 3098037 ҳазор сомонӣ;

- чорабиниҳои фарҳангию оммавӣ  ва солимгардонӣ                                     - 825316 ҳазор сомонӣ;

- хоҷагии манзилию коммуналӣ, ҳифзи муҳити зист ва хоҷагии ҷангал                 - 661830 ҳазор сомонӣ;

- комплекси сӯзишворию энергетикӣ                                                                    - 4069007 ҳазор сомонӣ;

- соҳаи кишоварзӣ, заминсозӣ ва хоҷагии об                                                                      - 430204 ҳазор сомонӣ;

- истихроҷ ва коркарди канданиҳои фоиданок, саноати истихроҷи

маъданҳои кӯҳӣ ва сохтмон                                                                                                                       - 121156 ҳазор сомонӣ;

- нақлиёт ва коммуникатсия                                                                                                      - 864484 ҳазор сомонӣ;

- дигар соҳаҳои иқтисодиёт ва хизматрасонӣ                                                                      - 38376 ҳазор сомонӣ;

- хароҷоти дигар                                                                                                                              - 1569069 ҳазор сомонӣ.

 

Моддаи 3. Ҳаҷми умумии касри Буҷети давлатӣ ва манбаъҳои пӯшонидани он

 

1. Андозаи ниҳоии ҳаҷми умумии касри Буҷети давлатии Ҷумҳурии Тоҷикистон барои соли 2016 ба андозаи 0,5 фоизи Маҷмӯи маҳсулоти дохилӣ ё ба маблағи 288599 ҳазор сомонӣ муқаррар карда шавад.

2. Манбаи пӯшонидани касри буҷет ба таври зайл муайян карда шавад:

- даромад аз хусусигардонӣ ва истифодаи моликияти давлатӣ                  - 25000 ҳазор сомонӣ;

- даромад аз фурӯши векселҳои хазинадорӣ                                                                      - 90000 ҳазор сомонӣ;

- аз ҳисоби депозитҳои буҷети ҷумҳуриявӣ, иҷрои барзиёди  нақшаи даромади буҷет, қарзҳо (грантҳо) аз ташкилотҳои байналмилалии молиявӣ ва

Фонди авруосиёгии стабилизатсия ва рушд                                                                                       - 173599 ҳазор сомонӣ.

3. Маблағгузории пардохти қарзи асосии берунии Ҷумҳурии Тоҷикистон ба андозаи 1,4 фоизи Маҷмӯи маҳсулоти дохилӣ ё ба маблағи 818379 ҳазор сомонӣ, аз ҷумла аз ҳисоби хароҷоти ҷории буҷети ҷумҳуриявӣ 409782 ҳазор сомонӣ ва аз ҳисоби депозитҳои буҷети ҷумҳуриявӣ ба 1 январи соли 2016 дар Бонки миллии Тоҷикистон ҷойгиркунонидашуда, Фонди стабилизатсионӣ оид ба рушди иқтисодиёт, барориши векселҳои давлатӣ, ҷалби қарзҳои (грантҳои) ташкилотҳои байналмилалии молиявӣ ва маблағҳои баргардонидашуда аз рӯи созишномаҳои зерқарзӣ 408597 ҳазор сомонӣ муайян карда шавад.

4. Маблағгузории хизматрасонии қарзи дохилии Ҷумҳурии Тоҷикистон ба андозаи 177645 ҳазор сомонӣ, аз ҷумла аз ҳисоби хароҷоти ҷории буҷети ҷумҳуриявӣ 78635 ҳазор сомонӣ, аз ҳисоби депозити буҷети ҷумҳуриявӣ дар Бонки миллии Тоҷикистон ба 1 январи соли 2016 ҷойгиркунонидашуда, Фонди стабилизатсионӣ оид ба рушди иқтисод 59010 ҳазор сомонӣ ва аз ҳисоби баргардонидани қарзҳои Ҷамъияти саҳомии кушодаи «Агроинвестбонк» ба суратҳисоби Вазорати молияи Ҷумҳурии Тоҷикистон 40000 ҳазор сомонӣ муайян карда шавад.

 

Моддаи 4. Ҳаҷми умумии даромад ва хароҷоти буҷети ҷумҳуриявӣ

 

Буҷети ҷумҳуриявӣ барои соли 2016 аз рӯи даромад ба маблағи 8150977 ҳазор сомонӣ, аз рӯи хароҷот ба маблағи 8430489 ҳазор сомонӣ ва касри он ба маблағи 279512 ҳазор сомонӣ тасдиқ карда шавад.

 

Моддаи 5. Даромади буҷети ҷумҳуриявӣ аз рӯи манбаъҳои даромад

 

Дар буҷети ҷумҳуриявӣ барои соли 2016 воридоти даромад аз ҳисоби  субъектҳои хоҷагидорӣ дар қаламрави Ҷумҳурии Тоҷикистон қарордошта ба маблағи умумии 8150977 ҳазор сомонӣ муқаррар карда шавад, аз ҷумла:

- андоз аз арзиши иловашуда                                                                                                   - 4620839 ҳазор сомонӣ;

- аксизҳо                                                                                                                                              - 356000 ҳазор сомонӣ;

- андоз аз фурӯши нахи пахта ва алюминийи аввалия                                   - 114008 ҳазор сомонӣ;

- андоз барои захираҳои табиӣ                                                                                  - 60450 ҳазор сомонӣ;

- андоз аз фоида                                                                                                                              - 240248 ҳазор сомонӣ;

- андоз аз даромад                                                                                                                          - 507187 ҳазор сомонӣ;

- боҷи гумрукӣ                                                                                                                  - 684670 ҳазор сомонӣ;

- андоз аз истифодабарандагони роҳҳои автомобилгард                                               - 225422 ҳазор сомонӣ;

- даромадҳои дигари ғайриандозӣ                                                                                          - 994153 ҳазор сомонӣ;

- грантҳои ташкилотҳои байналмилалии молиявӣ                                                          - 348000 ҳазор сомонӣ.

 

Моддаи 6. Хароҷоти буҷети ҷумҳуриявӣ аз рӯи гурӯҳбандии вазифавӣ

 

Хароҷоти буҷети ҷумҳуриявӣ барои соли 2016 аз рӯи гурӯҳбандии вазифавӣ ба андозаҳои зерин тасдиқ карда шавад:

Маблағгузории бахши ҳокимияти давлатӣ ва идоракунӣ                                             - 702048 ҳазор сомонӣ,

аз ҷумла:

- мақомоти иҷроия ва қонунгузорӣ                                                                                        - 172118 ҳазор сомонӣ; 

- сиёсати молиявӣ ва андозию буҷетӣ                                                                    - 104946 ҳазор сомонӣ;

- фаъолияти сиёсати берунӣ                                                                                                      - 188875 ҳазор сомонӣ;

- мақомоти дигари давлатӣ                                                                                                        - 236109 ҳазор сомонӣ.

Маориф                                                                                                                                              - 554685 ҳазор сомонӣ,

аз ҷумла:

- таҳсилоти умумӣ                                                                                                                          - 117804 ҳазор сомонӣ;

- таҳсилоти касбӣ                                                                                                                            - 351452 ҳазор сомонӣ;

- фаъолияти дигар дар соҳаи маориф                                                                    - 85429 ҳазор сомонӣ.

Тандурустӣ                                                                                                                                        - 215197 ҳазор сомонӣ,

аз ҷумла:

- беморхонаҳо                                                                                                                                   - 118445 ҳазор сомонӣ;

- марказҳои саломатӣ                                                                                                                   - 4663 ҳазор сомонӣ;

- ҳифзи саломатии аҳолӣ                                                                                                             - 22659 ҳазор сомонӣ;

- фаъолияти дигар дар соҳаи тандурустӣ                                                                             - 69430 ҳазор сомонӣ.

Суғуртаи иҷтимоӣ ва ҳифзи иҷтимоӣ                                                                    - 437648 ҳазор сомонӣ,

аз ҷумла:

- суғуртаи иҷтимоӣ                                                                                                                        - 268744 ҳазор сомонӣ;

- ҳифзи иҷтимоӣ                                                                                                                              - 35339 ҳазор сомонӣ;

- фаъолияти дигар дар соҳаи суғуртаи иҷтимоӣ ва ҳифзи иҷтимоии аҳолӣ          - 133565 ҳазор сомонӣ.

Фарҳанг ва варзиш                                                                                                                         - 288683 ҳазор сомонӣ,

аз ҷумла:

- чорабиниҳо оид ба тарбияи ҷисмонӣ ва варзиш - 4231 ҳазор сомонӣ;

- муассисаҳои фарҳангию маърифатӣ                                                                  - 57137 ҳазор сомонӣ;

- воситаҳои ахбори омма                                                                                                             - 95539 ҳазор сомонӣ;

- фаъолияти дигар дар соҳаи фарҳанг ва варзиш                                                             - 131776 ҳазор сомонӣ.

Хоҷагии манзилию коммуналӣ, муҳити зист ва хоҷагии ҷангал                                - 85791 ҳазор сомонӣ.

Комплекси сӯзишворию энергетикӣ                                                                                      - 2026195 ҳазор сомонӣ.

Кишоварзӣ, моҳидорӣ ва шикор                                                                                             - 124995 ҳазор сомонӣ,

аз ҷумла: 

- барои рушди муносибатҳои лизингӣ ва таъсису мукаммал намудани марказҳои хизматрасонӣ дар шаҳру ноҳияҳои ҷумҳурӣ                                                                                                                       - 15000 ҳазор сомонӣ;

- чорабиниҳои зиддиэпизоотикӣ                                                                                             - 2500 ҳазор сомонӣ;

- хизматрасониҳои дигар дар соҳаи кишоварзӣ, моҳидорӣ ва шикор      - 107495 ҳазор сомонӣ.

Саноат ва сохтмон                                                                                                                          - 127025 ҳазор сомонӣ.

Нақлиёт ва коммуникатсия                                                                                                       - 128417 ҳазор сомонӣ.

Фаъолияти дигари иқтисодӣ ва хизматрасониҳо                                                              - 38001 ҳазор сомонӣ.

Хароҷоте, ки ба категорияҳои дигар дохил карда нашудаанд                     - 2424922 ҳазор сомонӣ,

аз ҷумла: 

- амалиётҳо бо уҳдадориҳои қарзии давлатӣ                                                       - 758672 ҳазор сомонӣ;

аз онҳо:

амалиётҳо бо уҳдадориҳои қарзии дохилии давлатӣ                                       - 78635 ҳазор сомонӣ;

амалиётҳо бо уҳдадориҳои қарзии берунии давлатӣ                                                       - 680037 ҳазор сомонӣ;

- хароҷоти шаҳри Душанбе барои амалӣ намудани вазифаҳои пойтахт               - 11000 ҳазор сомонӣ.

Фонди хароҷоти пешбининашудаи Ҳукумати Ҷумҳурии Тоҷикистон    - 67951 ҳазор сомонӣ.

Хароҷоти дигаре, ки аз рӯи соҳаҳои иқтисодиёт гурӯҳбандӣ нашудаанд               - 1587299 ҳазор сомонӣ.

 

Моддаи 8. Хароҷоти буҷети ҷумҳуриявӣ аз рӯи гурӯҳбандии иқтисодӣ

 

Дар соли 2016 хароҷоти вазорату идораҳо, ташкилотҳо аз ҳисоби буҷети ҷумҳуриявӣ аз рӯи гурӯҳбандии иқтисодӣ дар ҳаҷми зерин муқаррар карда шавад: 

Хароҷот - 8430489 ҳазор сомонӣ,

аз ҷумла:

музди меҳнат  - 1174758 ҳазор сомонӣ;

маблағҷудокуниҳои андозӣ  - 179348 ҳазор сомонӣ;

хариди мол ва хизматрасониҳо - 2016579 ҳазор сомонӣ; 

аз онҳо:

- пардохти хизматрасониҳои коммуналӣ - 73653 ҳазор сомонӣ;

- пардохти хизматрасонии алоқа - 56842 ҳазор сомонӣ;

- хариди таҷҳизот ва хизматрасонӣ - 1886084 ҳазор сомонӣ;

хизматрасонии қарзҳои дохилӣ ва беруна - 758672 ҳазор сомонӣ;

аз онҳо:

- пардохти фоизҳои қарзи дохилӣ - 78635 ҳазор сомонӣ;

- пардохти қарзи берунии асосӣ - 409781 ҳазор сомонӣ;

- пардохти фоизҳои қарзи берунии асосӣ - 270256 ҳазор сомонӣ.

Кумаки молиявӣ (субсидия) ва интиқоли маблағҳои дигари ҷорӣ (трансферт) - 1567000 ҳазор сомонӣ,
аз ҷумла:

- кумаки молиявӣ (субсидия) - 84379 ҳазор сомонӣ;

- интиқоли маблағ (трансферт) - 1080262 ҳазор сомонӣ;

- пардохти нафақа - 167333 ҳазор сомонӣ;

- дигар кумакпулиҳои иҷтимоӣ - 235026 ҳазор сомонӣ.

Амалиётҳо бо дороиҳо ва уҳдадориҳо - 2734132 ҳазор сомонӣ,

аз ҷумла: 

- маблағгузории асосии мутамарказ - 2610101 ҳазор сомонӣ;

- хариди мошинҳо ва таҷҳизот - 64596 ҳазор сомонӣ;

- дороиҳои дигари ғайримолиявӣ - 53385 ҳазор сомонӣ;

- хариди дороиҳои молиявии дохилӣ - 6050 ҳазор сомонӣ.

 

Моддаи 9. Фонди захиравии Президенти Ҷумҳурии Тоҷикистон

 

Фонди захиравии Президенти Ҷумҳурии Тоҷикистон барои соли 2016 ба маблағи 271804 ҳазор сомонӣ тасдиқ карда шавад.

 

Моддаи 10. Мусоидати молиявии (субвенсияи) аз буҷети ҷумҳуриявӣ ба буҷетҳои Вилояти Мухтори Кӯҳистони Бадахшон, вилояти Хатлон ва шаҳру ноҳияҳои тобеи ҷумҳурӣ ҷудошаванда

 

1. Ҳаҷми маблағи мусоидати молиявии (субвенсияи) аз буҷети ҷумҳуриявӣ ба буҷетҳои Вилояти Мухтори Кӯҳистони Бадахшон, вилояти Хатлон ва шаҳру ноҳияҳои тобеи ҷумҳурӣ ҷудошаванда ба маблағи 876261 ҳазор сомонӣ тасдиқ карда шавад, аз ҷумла барои:

- Вилояти Мухтори Кӯҳистони Бадахшон - 168177 ҳазор сомонӣ;

- вилояти Хатлон - 529190 ҳазор сомонӣ;

- ноҳияи Варзоб - 13504 ҳазор сомонӣ;

- ноҳияи Рашт - 36798 ҳазор сомонӣ;

- ноҳияи Ҷиргатол - 27184 ҳазор сомонӣ;

- ноҳияи Нуробод - 24815 ҳазор сомонӣ;

- ноҳияи Тавилдара - 15673 ҳазор сомонӣ;

- ноҳияи Тоҷикобод - 16672 ҳазор сомонӣ;

- ноҳияи Файзобод - 21544 ҳазор сомонӣ;

- ноҳияи Шаҳринав - 15670 ҳазор сомонӣ;

- ноҳияи Ҳисор - 2870 ҳазор сомонӣ;

- шаҳри Турсунзода - 4164 ҳазор сомонӣ.

2. Мусоидати молиявии (субвенсияи) аз буҷети ҷумҳуриявӣ ба буҷети Вилояти Мухтори Кӯҳистони Бадахшон, вилояти Хатлон ва шаҳру ноҳияҳои тобеи ҷумҳурӣ барои мувозинати қисми даромад ва қисми хароҷот, аз рӯи иҷрои воқеии буҷети ҷумҳуриявӣ ҷудо карда шавад.

 

Моддаи 11. Маблағи нақди гардони хазинавии буҷети ҷумҳуриявӣ

 

Маблағи нақди гардони хазинавии буҷети ҷумҳуриявӣ ба 1 январи соли 2017 ба маблағи 211651 ҳазор сомонӣ тасдиқ карда шавад.

 

Моддаи 12. Ҳаҷми умумии даромад ва хароҷоти буҷетҳои маҳаллӣ

 

1. Дар соли 2016 ҳаҷми умумии буҷетҳои маҳаллӣ аз рӯи даромад бо дарназардошти мусоидати молиявие (субвенсияе), ки аз буҷети ҷумҳуриявӣ ҷудо карда мешавад, ба маблағи 4963462 ҳазор сомонӣ, хароҷот ба маблағи 4972550 ҳазор сомонӣ ва касри буҷет ба маблағи 9088 ҳазор сомонӣ, аз ҷумла буҷети Вилояти Мухтори Кӯҳистони Бадахшон 1130 ҳазор сомонӣ, вилояти Хатлон 6602 ҳазор сомонӣ, ноҳияи Варзоб 160 ҳазор сомонӣ, ноҳияи Рашт 267 ҳазор сомонӣ, ноҳияи Ҷиргатол 179 ҳазор сомонӣ, ноҳияи Нуробод 160 ҳазор сомонӣ, ноҳияи Тавилдара 96 ҳазор сомонӣ, ноҳияи Тоҷикобод 108 ҳазор сомонӣ, ноҳияи Файзобод 194 ҳазор сомонӣ ва ноҳияи Шаҳринав 192 ҳазор сомонӣ муайян карда шавад.

2. Касри буҷетҳои маҳаллӣ дар соли 2016 аз ҳисоби таъмини иҷрои барзиёдии даромад ва маблағҳои озоде, ки ба ҳолати 1 январи соли 2016 ба вуҷуд меоянд, пӯшонида мешавад.

 

Моддаи 13. Таносуби воридоти андозӣ ва ғайриандозӣ ба буҷетҳои ҷумҳуриявӣ ва маҳаллӣ

 

1. Дар соли 2016 ба буҷети ҷумҳуриявӣ даромади андозӣ ва ғайриандозии зерин ворид карда шавад:

- андоз аз фурӯши нахи пахта ва алюминийи аввалия 100 фоиз;

- боҷи гумрукӣ  100 фоиз;

- андоз аз арзиши иловашуда ва аксиз, ки ба воситаи мақомоти гумрук ворид мешавад 100 фоиз;

- дигар пардохтҳои ҳатмӣ ва даромадҳои ғайриандозии умумидавлатӣ (инчунин муҷозоти ҷаримавии онҳо), хироҷи ҳаракати воситаҳои нақлиёти автомобилии хориҷӣ дар қаламрави Ҷумҳурии Тоҷикистон 100 фоиз;

- аз Ширкати саҳомии холдингии кушодаи «Барқи Тоҷик» - андоз аз арзиши иловашуда, андоз аз истифодабарандагони роҳҳои автомобилгард, андоз аз фоида, инчунин андозҳо барои захираҳои табиӣ (роялтӣ  барои об) аз Неругоҳи барқи обии «Сангтӯда - 1» 100 фоиз;

- аз Корхонаи воҳиди давлатии «Ширкати Алюминийи Тоҷик» - андоз аз арзиши иловашуда 100 фоиз;

- аз Корхонаи воҳиди давлатии «Роҳи оҳани Тоҷикистон» ва Ҷамъияти саҳомии кушодаи «Тоҷиктелеком» - андоз аз арзиши иловашуда  ва андоз аз фоида 100 фоиз;

- аз Бонки давлатии амонатгузории Ҷумҳурии Тоҷикистон «Амонатбонк» - андоз аз фоида 100 фоиз;

- аз марказҳои идораи лоиҳаҳои сармоягузорӣ, намояндагиҳои дипломатӣ, консулгариҳо ва шахсони ба онҳо баробаркардашуда - андоз аз даромад 100 фоиз;

- аз ширкатҳои алоқаи мобилӣ (ба истиснои ҶСК «Тоҷиктелеком») - андоз аз арзиши иловашуда ва аксиз 100 фоиз;

- аз Бонки миллии Тоҷикистон - андоз аз арзиши иловашуда, андоз аз даромад, андоз аз фоида ва дигар пардохтҳои ҳатмӣ 100 фоиз;

- пардохти бонуси обунавии яккаратаи истифодабарандагони сарватҳои зеризаминӣ аз ҳисоби истихроҷи маъданҳои фоиданок (ба ғайр аз канданиҳои фоиданоки маъмулӣ, обҳои зеризаминӣ ва лойқаҳои табобатӣ) 100 фоиз.

2. Дар соли 2016 ҳиссаҷудокунии маблағ аз андозҳо ва даромадҳои умумидавлатӣ, ки аз андозсупорандагони дар қаламрави Ҷумҳурии Тоҷикистон қарордошта ворид мегардад, ба буҷети ҷумҳуриявӣ ва буҷетҳои маҳаллӣ аз рӯи таносубҳои (фоизҳои) зерин тасдиқ карда шавад:

- андоз аз арзиши иловашуда:

ба буҷетҳои вилоятҳо, шаҳрҳо ва ноҳияҳо (ғайр аз шаҳрҳои Душанбе, Ваҳдат ва Роғун)  100 фоиз;

аз шаҳри Душанбе - 45 фоиз ба буҷети шаҳр ва 55 фоиз ба буҷети ҷумҳуриявӣ;

аз шаҳри Ваҳдат - 55 фоиз ба буҷети шаҳр ва 45 фоиз ба буҷети ҷумҳуриявӣ;

аз шаҳри Роғун - 53 фоиз ба буҷети шаҳр ва 47 фоиз ба буҷети ҷумҳуриявӣ;

- андоз аз фоида:

ба буҷетҳои вилоятҳо, шаҳрҳо ва ноҳияҳо (ғайр аз шаҳри Душанбе) - 100 фоиз;

аз шаҳри Душанбе - 70 фоиз ба буҷети шаҳр ва 30 фоиз ба буҷети ҷумҳуриявӣ;

- андоз аз даромад:

ба буҷетҳои вилоятҳо, шаҳрҳо ва ноҳияҳо (ғайр аз вилояти Суғд, шаҳрҳои Душанбе, Ваҳдат, Роғун ва ноҳияи Рӯдакӣ) - 100 фоиз;

аз вилояти Суғд - 70 фоиз ба буҷети вилоят ва 30 фоиз ба буҷети ҷумҳуриявӣ;

аз шаҳри Душанбе - 50 фоиз ба буҷети шаҳр ва 50 фоиз ба буҷети ҷумҳуриявӣ;

аз шаҳри Ваҳдат - 70 фоиз ба буҷети шаҳр ва 30 фоиз ба буҷети ҷумҳуриявӣ; 

аз шаҳри Роғун - 100 фоиз ба буҷети ҷумҳуриявӣ;

аз ноҳияи Рӯдакӣ - 87 фоиз ба буҷети ноҳия ва 13 фоиз ба буҷети ҷумҳуриявӣ;

- андоз аз истифодабарандагони роҳҳои автомобилгард:

ба буҷетҳои вилоятҳо, шаҳрҳо ва ноҳияҳо (ғайр аз вилояти Суғд ва шаҳри Душанбе)  100 фоиз;

аз вилояти Суғд - 57 фоиз ба буҷети вилоят ва 43 фоиз ба буҷети ҷумҳуриявӣ;

аз шаҳри Душанбе - 39 фоиз ба буҷети шаҳр ва 61 фоиз ба буҷети ҷумҳуриявӣ;

- аксизҳо:

ба буҷетҳои вилоятҳо, шаҳрҳо ва ноҳияҳо 100 фоиз;

- низомҳои махсуси андозбандӣ:

ба буҷетҳои вилоятҳо, шаҳрҳо ва ноҳияҳо 100 фоиз;

- андозҳои маҳаллӣ, пардохтҳои дигари ҳатмии маҳаллӣ ва воридоти дигари ғайриандозии маҳаллӣ:
ба буҷетҳои вилоятҳо, шаҳрҳо ва ноҳияҳо 100 фоиз.

3. Воридоти андозӣ, ки ба буҷети ҷумҳуриявӣ аз шаҳри Душанбе аз нақшаи тасдиқгардида барзиёд дохил шудааст, ба буҷети шаҳри Душанбе гузаронида мешавад.

 

Моддаи 14. Буҷети суғуртаи иҷтимоӣ ва нафақа

 

1. Буҷети суғуртаи иҷтимоӣ ва нафақа барои соли 2016 аз рӯи даромад ба маблағи 2634367 ҳазор сомонӣ, аз ҷумла аз ҳисоби андози иҷтимоӣ ба маблағи 2569367 ҳазор сомонӣ ва мусоидати молиявӣ (субвенсия) аз ҳисоби буҷети ҷумҳуриявӣ ба маблағи 65000 ҳазор сомонӣ ва хароҷот ба маблағи 2634367 ҳазор сомонӣ, мувофиқи замимаи 2 тасдиқ карда шавад. 

2. Дар соли 2016 даромади буҷети суғуртаи иҷтимоӣ ва нафақа аз ҳисоби андози иҷтимоӣ, хароҷоти он барои пардохти нафақа ва кумакпулиҳои иҷтимоӣ дар Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ ва ҳаҷми мусоидати молиявӣ (субвенсия), ки ба вилоят ва шаҳру ноҳияҳои ҷумҳурӣ ҷудо карда мешавад, мувофиқи замимаи 3 тасдиқ карда шавад.

3. Дар соли 2016 ҳиссаҷудокунии маблағ аз андози иҷтимоӣ, ки аз андозсупорандагони дар қаламрави Ҷумҳурии Тоҷикистон қарордошта ворид мешавад, барои пардохти нафақа ва кумакпулиҳои иҷтимоӣ аз рӯи таносуби (фоизҳои) зерин тасдиқ карда шавад:

- аз Корхонаи воҳиди давлатии «Ширкати Алюминийи Тоҷик» 100 фоиз ба суратҳисоби Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон;

- дар шаҳри Душанбе 32 фоиз ба суратҳисоби Раёсати Агентии суғуртаи иҷтимоӣ ва нафақаи шаҳр ва 68 фоиз ба Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон;

- дар шаҳри Роғун 22 фоиз ба суратҳисоби шуъбаи Агентии суғуртаи иҷтимоӣ ва нафақаи шаҳр ва 78 фоиз ба суратҳисоби Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон;

- дар Вилояти Мухтори Кӯҳистони Бадахшон, вилоятҳо ва дигар шаҳру ноҳияҳои тобеи ҷумҳурӣ 100 фоиз ба суратҳисоби раёсат ва шуъбаҳои дахлдори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон.

 

Моддаи 15. Имтиёзҳои андозӣ барои корхонаю ташкилотҳои алоҳида дар соли 2016

 

1. Дар соли 2016 барои воридоти гандум (ба истиснои воридоти гандум барои истеҳсоли молҳои зераксизӣ), таҳвили гандум, инчунин фурўши маҳсулоти аз гандум коркардшуда андоз аз арзиши иловашуда ба меъёри 10 фоиз муқаррар карда шавад. Баҳисобгирии андоз аз арзиши иловашудае, ки ҳангоми хариди (воридоти) дигар молу маҳсулоти (кору хизматрасониҳои) барои таҳвили минбаъдаи гандум ва (ё) коркард ва фурўши маҳсулоти аз гандуми коркардшуда истифодашаванда пардохта шудааст, наметавонад аз 10 фоиз зиёд бошад  (Қонуни ҶТ аз 09.06.2016 с., № 1321).

2. Дар соли 2016 воридоти нақлиёти коммуналию мусофиркашонӣ  ва ёрии таъҷилӣ, ки номгӯй ва миқдори онҳо аз тарафи Ҳукумати Ҷумҳурии Тоҷикистон тасдиқ гардида, аз ҳисоби буҷети шаҳри Душанбе харидорӣ мешаванд ва барои пурра намудани парки нақлиёти мусофиркашонӣ ва беҳтар гардонидани таъминоти соҳаи тандурустии шаҳри Душанбе равона мегарданд, ҳамчунин воридоти гази табиӣ ва барқ аз андоз аз арзиши иловашуда озод карда мешаванд.

3. Воридоти мазути камсулфур барои эҳтиёҷоти Ҷамъияти саҳомии шакли кушодаи «Маркази барқу гармидиҳӣ»-и шаҳри Душанбе, ки миқдори он аз тарафи Ҳукумати Ҷумҳурии Тоҷикистон муқаррар карда мешавад, аз андоз аз арзиши иловашуда, аксизҳо ва боҷи гумрукӣ озод карда мешавад.

4. Дар соли 2016 қисмҳои эҳтиётӣ ва ҷузъҳои алоҳидаи барои васлкунии тракторҳо ва мошинҳои кишоварзӣ таъйингардида, ки барои Ҷамъияти муштараки саҳомии пӯшидаи «ТоҷИрон» ворид мегарданд ва таҳвили тракторҳо, комбайнҳо ва мошинолоти кишоварзии истеҳсоли Ҷамъияти муштараки саҳомии пӯшидаи «ТоҷИрон» аз андоз аз арзиши иловашуда ва боҷи гумрукӣ озод карда мешаванд.

5. Дар соли 2016 иҷрои кор ва хизматрасонии фармоишгарон ва пудратчиёни асосӣ оид ба сохтмони: меҳмонхонаи «Исмоили Сомонӣ», воқеъ дар хиёбони Рӯдакии шаҳри Душанбе ва муассисаҳои таълимӣ: барои 1200 ҷойи нишаст дар маҳаллаи 104, ноҳияи Синои шаҳри Душанбе, барои 1200 ҷойи нишаст дар деҳаи Элоки Ҷамоати деҳоти «Қалъаи Дашт»-и ноҳияи Файзобод, барои 640 ҷойи нишаст дар деҳаи Гулбуттаи ноҳияи Рӯдакӣ, барои 640 ҷойи нишаст дар деҳаи Чиртаки шаҳри Ваҳдат, барои 640 ҷойи нишаст  дар мавзеи «Данғараи боло»-и ноҳияи Данғара, сохтмон ва азнавтаъмиркунии 20 км. роҳи автомобилгард дар ноҳияи Данғара аз пардохти андоз аз арзиши иловашуда, андоз аз истифодабарандагони роҳҳои автомобилгард ва андоз аз фоида озод карда мешаванд.

Воридоти мол аз ҷониби фармоишгарон ва пудратчиёни асосӣ барои сохтмони иншоотҳои мазкур тибқи номгӯй ва дар ҳаҷми тасдиқнамудаи Ҳукумати Ҷумҳурии Тоҷикистон аз андоз аз арзиши иловашуда ва боҷи гумрукӣ озод карда мешаванд.

6. Дар соли 2016 иҷрои корҳои сохтмонӣ (аз ҷумла сохтмони нақбу пулҳо ва корҳои лоиҳавию ҷустуҷӯӣ) ва воридоти молу масолеҳ барои сохтмони хатти нави роҳи оҳани Душанбе - Қӯрғонтеппа (қитъаи Ваҳдат - Ёвон, азнавсозии фосилаҳои Роҳатӣ - Ваҳдат - Ёвон) аз андоз аз арзиши иловашуда ва боҷи гумрукӣ озод карда мешаванд. Номгӯй ва миқдори молу маводи сохтмониро Ҳукумати Ҷумҳурии Тоҷикистон тасдиқ менамояд.

7. Қисми фаъолияти корхонаҳои дар минтақаи Хатлон ҷойгирбудаи Корхонаи воҳиди давлатии «Роҳи оҳани Тоҷикистон» (пойгоҳи вагонҳои боркашонии шаҳри Сарбанд, қитъаи роҳи Қӯрғонтеппа, истгоҳи роҳи оҳани Қӯрғонтеппа, Кӯлоб, Қурбоншаҳид, Олимтой, Данғара, Сангтӯда, Ёвон, Ҷалолиддини Румӣ, Бурёбоф, Қубодиён, Шаҳритуз, Ҳошадӣ, пойгоҳи гардиши локомотивии Қӯрғонтеппа, қитъаи алоқа ва мухобироти Хатлон, қитъаи барқрасонии Хатлон, қитъаи Корхонаи воҳиди «Мусофирбар»-и Хатлон), ки бевосита ба хизматрасонии минтақаи роҳи оҳани Ҳошадӣ - Қӯрғонтеппа - Кӯлоб тааллуқ дорад, аз пардохти андозҳо аз молу мулки ғайриманқул, аз воситаҳои нақлиёт, аз истифодабарандагони роҳҳои автомобилгард ва андоз аз фоида озод карда мешаванд.

8. Дар соли 2016 воридоти ангишт ба Ҷумҳурии Тоҷикистон ба миқдори 7200 тонна барои қонеъ гардонидани талаботи шахсони воқеию ҳуқуқии ноҳияи Мурғоби Вилояти Мухтори Кӯҳистони Бадахшон ва дарахтон, гулу буттаҳои ороишӣ аз ҷониби Агентии захираҳои моддии давлатии назди Ҳукумати Ҷумҳурии Тоҷикистон аз андоз аз арзиши иловашуда ва боҷи гумрукӣ озод карда мешавад (Қонуни ҶТ аз 09.06.2016 с., № 1321).

9. Дар соли 2016 иҷрои кор ва хизматрасонии фармоишгар ва пудратчии асосӣ оид ба сохтмони Театри миллии Тоҷикистон дар шаҳри Душанбе аз пардохти андозҳо аз арзиши иловашуда, аз истифодабарандагони роҳҳои автомобилгард ва андоз аз фоида озод карда мешаванд.

10. Дар соли 2016 ба маблағи қарзи андозҳои Ҷамъияти саҳомии кушодаи «Сангтӯда-1», ки аз ҳисоби таҳвили қувваи барқ ба Ширкати саҳомии холдингии кушодаи «Барқи Тоҷик» ба вуҷуд омадааст, фоизҳое, ки тибқи моддаи 73 Кодекси андози Ҷумҳурии Тоҷикистон муқаррар гардидаанд, ҳисоб карда нашаванд.

11. Ҳисоб ва пардохти андоз аз фурўши нахи пахта бекор карда шуда, бар ивази он боҷи содиротӣ барои нахи пахта ба андозаи 10 фоиз аз арзиши гумрукии нахи пахтаи содиротшаванда муқаррар карда шавад  (Қонуни ҶТ аз 09.06.2016 с., № 1321).

12. Барои корхонаҳои сохтмонӣ, муассисаҳои таълимӣ (ба истиснои муассисаҳои давлатии дар банди 6) қисми 2 моддаи 169 Кодекси андози Ҷумҳурии Тоҷикистон нишондодашуда) ва корхонаҳои хўроки умумӣ меъёри пасткардашудаи андоз аз арзиши иловашуда ба авдозаи 5 фоиз (ба истиснои воридоти андозбандишаванда) муқаррар карда шуда, ҳисобкунӣ ва пардохти он мутобиқи муқаррароти моддаи 181 Кодекси андози Ҷумҳурии Тоҷикистон амалӣ карда шавад  (Қонуни ҶТ аз 09.06.2016 с., № 1321).

13. (На барои нашр)  (Қонуни ҶТ аз 09.06.2016 с., № 1321).

14. Воридоти маснуоти заргарӣ аз андоз аз арзиши иловашуда, аксиз ва боҷи гумрукӣ озод карда шуда, бар ивази онҳо пардохти махсуси гумрукӣ ба андозаи зерин муқаррар карда шавад:

  • барои воридоти 1 (як) грамм маснуоти заргарӣ аз металли тилло 18,0 сомонӣ;
  • барои воридоти 1 (як) грамм маснуоти заргарӣ аз металли нуқра 3,06 сомонӣ  (Қонуни ҶТ аз 04.07.2016 с., № 1322).

 

Моддаи 16. Ҳиссагузорӣ ба Фонди стабилизатсионӣ оид ба рушди иқтисодиёт аз ҳисоби иҷрои барзиёди даромади буҷетҳои ҷумҳуриявӣ ва маҳаллӣ 

 

Муқаррар карда шавад, ки дар соли 2016 аз иҷрои барзиёди қисми даромади буҷетҳои тасдиқшудаи Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои дигар ва иҷрои барзиёди қисми даромади буҷети тасдиқшудаи ҷумҳуриявӣ 20 фоизи маблағ ба Фонди стабилизатсионӣ оид ба рушди иқтисодиёт равона карда мешавад.

 

Моддаи 17. Муқаррарот оид ба ҷойгиркунии депозитҳои буҷети  ҷумҳуриявӣ дар бонкҳо

 

Дар соли 2016 бо мақсади зиёд намудани даромади буҷет маблағҳои озоди буҷети ҷумҳуриявӣ, ки ба 1 январи соли 2016 ба вуҷуд омадаанд, бо фармоиши Ҳукумати Ҷумҳурии Тоҷикистон ҳамчун депозитҳо дар бонкҳои Ҷумҳурии Тоҷикистон ба муҳлати кӯтоҳ дар давоми соли буҷетӣ ҷойгир карда шаванд.

 

Моддаи 18. Моддаҳои ҳимояшавандаи Буҷети давлатӣ

 

1. Дар соли 2016 ба моддаҳои ҳимояшавандаи хароҷот музди меҳнат, маблағҷудокуниҳои андозӣ барои суғуртаи иҷтимоӣ, идрорпулӣ, нафақа, кумакпулӣ, ҷубронпулӣ ва пардохти хизматрасониҳои коммуналӣ дохил карда шаванд.

2. Дар сурати зарурат ва мавҷуд будани сарфа аз рӯи моддаҳои дахлдори хароҷот, дар ҳолати набудани қарз аз рӯи онҳо Вазорати молияи Ҷумҳурии Тоҷикистон ва сохторҳои маҳаллии он метавонанд бо тартиби муқарраргардида ба нақшаи тасдиқшудаи моддаҳои хароҷот тағйироти дахлдор ворид намоянд.

 

Моддаи 19. Воридот ба Буҷети давлатӣ аз ҳисоби маблағҳои махсуси  ташкилотҳои буҷетӣ ва муқаррарот оид ба хароҷоти   маблағҳои махсус

 

1. Маблағҳои махсуси вазоратҳо, идораҳо, ташкилотҳои аз ҳисоби Буҷети давлатӣ маблағгузоришаванда дар даромаду хароҷоти ташкилотҳои дахлдори буҷетӣ ба ҳисоб гирифта мешаванд. Ҳамзамон 35 фоизи маблағҳои махсуси Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, 20 фоизи маблағҳои махсуси Хадамоти давлатии назорат ва танзим дар соҳаи нақлиёт, 5 фоизи маблағи махсуси муассисаҳои таълимии томактабӣ, таҳсилоти умумӣ, ибтидоӣ ва миёнаи касбӣ, муассисаҳои тандурустӣ ва ҳифзи иҷтимоии аҳолӣ, 10 фоизи маблағҳои махсуси муассисаҳои таҳсилоти олии касбӣ ва дигар муассисаҳои соҳаи маориф, илм, фарҳанг, дастгоҳҳои марказӣ ва сохтори Вазорати адлияи Ҷумҳурии Тоҷикистон, Вазорати энергетика ва захираҳои оби Ҷумҳурии Тоҷикистон ва Вазорати саноат ва технологияҳои нави Ҷумҳурии Тоҷикистон, 15 фоизи маблағҳои махсуси дигар муассиса ва ташкилотҳои буҷетӣ, ба истиснои маблағҳои грантӣ ва сарпарастӣ, ҳар семоҳа ба буҷети дахлдор ворид карда мешаванд.

2. Ба муассисаҳои буҷетӣ истифодаи маблағҳои махсус (ба истиснои маблағҳои грантӣ ва сарпарастӣ) берун аз низоми хазинадорӣ манъ аст.

3. Вазорати молияи Ҷумҳурии Тоҷикистон дар сурати аз ҳаҷми маблағи дар Буҷети давлатӣ тасдиқшуда кам ва ё зиёд ворид гардидани маблағҳои махсуси муассисаҳои буҷетӣ мутаносибан дар сметаи даромад ва хароҷоти онҳо ва дар қисми даромад ва хароҷоти Буҷети давлатӣ метавонад тағйироти дахлдор ворид намояд.

4. Дар соли 2016 дар сурати иҷро нагардидани даромади Буҷети давлатӣ маблағгузории хароҷот, аз ҷумла пардохти музди меҳнати дар буҷет пешбинишудаи вазорату идораҳо ва ташкилотҳое, ки маблағҳои махсус доранд, аз ҳисоби ин маблағҳо амалӣ карда мешавад.

5. Дар соли 2016 дар сурати норасоии маблағҳои дар буҷет пешбинигардида барои пардохти хизматрасониҳо аз рӯи истифодабарии қувваи барқ, об ва дигар хизматрасониҳои коммуналӣ вазорату идораҳо ва ташкилотҳо маблағҳои махсусро барои пардохти  ин хароҷотҳо равона менамоянд.

6. Дар соли 2016 50 фоизи маблағи аз додани сертификат бадастовардаи Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва маблағ аз истифодабарии захираҳои рақамгузории бадастовардаи Хадамоти алоқаи назди Ҳукумати Ҷумҳурии Тоҷикистон ба даромади буҷети ҷумҳуриявӣ гузаронида шуда, 50 фоизи боқимондаи маблағ дар ихтиёри Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва Хадамоти алоқаи назди Ҳукумати Ҷумҳурии Тоҷикистон монда, тибқи Кодекси андози Ҷумҳурии Тоҷикистон андозбандӣ карда мешавад.

7. Дар соли 2016 маблағе, ки аз ҳисоби хизматрасонии консулии Вазорати корҳои хориҷии Ҷумҳурии Тоҷикистон, намояндагиҳои дипломатӣ ва консулгариҳои Ҷумҳурии Тоҷикистон дар хориҷа ворид мегардад, баъди пардохт ба буҷет мутобиқи қисми 1 ҳамин модда дар сметаи даромаду хароҷоти идораҳои мазкур ба ҳисоб гирифта, барои маблағгузории фаъолияти онҳо ва сохтмони биноҳои маъмурӣ равона карда мешавад.

8. Бақияи маблағи буҷетӣ ва маблағи махсуси дар суратҳисобҳои намояндагиҳои дипломатӣ ва консулгариҳои Ҷумҳурии Тоҷикистон дар хориҷа, ки ба 1 январи соли 2016 ба вуҷуд омадааст, ба буҷети ҷумҳуриявӣ баргардонида намешавад ва хусусияти мақсаднок дошта, барои маблағгузории хароҷоти буҷети соли 2016 пешбинишуда равона карда мешавад.

9. Дар соли 2016 дар сурати норасоии маблағҳои дар буҷет пешбинигардида барои нигоҳдории намояндагиҳои дипломатӣ, консулгариҳо ва намояндагиҳои Ҷумҳурии Тоҷикистон дар хориҷа, ки метавонад дар натиҷаи тағйирёбии қурби асъор ба миён ояд, пӯшонидани фарқияти он аз ҳисоби маблағҳои махсуси вазорату идораҳои дахлдор амалӣ карда мешавад. 

 

Моддаи 20. Суратҳисоби махсуси захираҳои иловагии молиявӣ барои маблағгузории  сохтмони иншооти муҳими давлатӣ

 

1.  Дар соли 2016 воридот ба суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ ба андозаи 5 фоиз аз иҷрои барзиёдии қисми даромади буҷетҳои тасдиқшудаи Вилояти Мухтори Кӯҳистони Бадахшон, вилоятҳо, шаҳри Душанбе ва дигар шаҳру ноҳияҳо, инчунин 10 фоизи маблағи махсуси Кумитаи андози назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон,  5 фоизи маблағи махсуси муассисаҳои таҳсилоти олии касбӣ, Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, Хадамоти шиносномадиҳию бақайдгирии Вазорати корҳои дохилии Ҷумҳурии Тоҷикистон, ташкилоту муассисаҳои Вазорати корҳои хориҷии Ҷумҳурии Тоҷикистон ва дигар ташкилоту муассисаҳои буҷетӣ, ба истиснои муассисаҳои таълимии томактабӣ, таҳсилоти умумӣ, ибтидоӣ ва миёнаи касбӣ, муассисаҳои тандурустӣ ва ҳифзи иҷтимоии аҳолӣ, муқаррар карда шавад. Ворид намудани маблағҳо ба суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ бо тартиби муқарраргардида тибқи дастурамали аз ҷониби Вазорати молияи Ҷумҳурии Тоҷикистон тасдиқгардида амалӣ карда мешавад.

2. Хароҷоти маблағҳо аз суратҳисоби махсуси захираҳои иловагии молиявӣ барои маблағгузории сохтмони иншооти муҳими давлатӣ бо фармоишҳои дахлдори Ҳукумати Ҷумҳурии Тоҷикистон амалӣ карда мешавад.

 

Моддаи 21. Имтиёзҳо барои хизматчиёни ҳарбӣ, кормандони мақомоти ҳифзи ҳуқуқ ва дигар мақомоти қудратӣ

 

1. Имтиёзи рафтуомад ба маҳали гузаронидани рухсатӣ барои хизматчиёни ҳарбӣ, кормандони мақомоти корҳои дохилӣ, прокуратура, гумрук, системаи иҷрои ҷазои ҷиноятӣ, Агентии назорати маводи нашъаовари назди Президенти Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва идораҳои дигар, ки барои хизматчиёни онҳо дар асоси қонунгузории Ҷумҳурии Тоҷикистон чунин имтиёз пешбинӣ шудааст, як маротиба дар як сол дар қаламрави Ҷумҳурии Тоҷикистон бо пешниҳод намудани ҳуҷҷатҳои тасдиқкунанда пардохт карда мешавад.

 

3. Пардохти ҷубронпулӣ дар сурати бо амри Президенти Ҷумҳурии Тоҷикистон ба ҳолати казармавӣ гузаронидани хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, кормандони мақомоти дигар, ки дар ҳифзи тартиботи ҷамъиятӣ ва амният иштирок мекунанд, дар доираи маблағе, ки тибқи Қонуни мазкур барои фонди музди меҳнат дар сметаҳои хароҷотии вазорату идораҳои дахлдор тасдиқ шудааст, анҷом дода мешавад.

 

Моддаи 22. Муқаррарот оид ба ҳавасмандгардонии кормандон ва  инкишофи заминаи моддию техникии Кумитаи андози назди Ҳукумати Ҷумҳурии Тоҷикистон ва Хадамоти

гумруки назди Ҳукумати Ҷумҳурии Тоҷикистон

 

Аз 1 январи соли 2016 барои ҳавасмандгардонии кормандон ва инкишофи заминаи моддию техникии Кумитаи андози назди Ҳукумати Ҷумҳурии Тоҷикистон ва Хадамоти гумруки назди Ҳукумати Ҷумҳурии Тоҷикистон 30 фоизи маблағи умумии пинҳонкардашудаи (кам нишондодашудаи) андоз, фоиз ва ҷарима аз рӯи онҳо, ба истиснои андози иҷтимоӣ, ки дар ҷараёни фаъолияти назоратӣ ошкор гардидаанд, ба Кумитаи андози назди Ҳукумати Ҷумҳурии Тоҷикистон ва 30 фоизи хироҷи гумрукӣ ба Хадамоти гумруки назди Ҳукумати Ҷумҳурии Тоҷикистон равон карда мешаванд. Маблағҳои зикргардида бо тартиби марказонидашуда 100 фоиз ба буҷети ҷумҳуриявӣ ворид гардида, барои маблағгузории тадбирҳои дар моддаи мазкур пешбинишуда истифода мешаванд ва тартиби дар моддаи 19 Қонуни мазкур пешбинигардида нисбат ба онҳо татбиқ намегардад.

 

Моддаи 23. Андозаи нишондиҳанда барои ҳисобҳо

 

Аз 1 январи соли 2016 нишондиҳанда барои ҳисобҳо ҷиҳати ҳисобкунии андоз, боҷ, дигар пардохтҳои ҳатмӣ, муҷозоти ҷаримавӣ, пардохтҳои иҷтимоӣ, инчунин барои ҳисобкунии ин ё он бузургиҳои арзишии ҳадди ниҳоӣ (поёнӣ ё болоӣ), ки мутобиқи қонунгузории Ҷумҳурии Тоҷикистон татбиқ карда мешаванд, дар ҳаҷми 40 сомонӣ муқаррар карда шавад.

 

Моддаи 24. Муқаррарот оид ба пардохти маблағ тибқи ҳалномаҳои суд ва ба буҷет ворид

                        намудани ҷаримаҳо ва дигар пардохтҳо ҳангоми риоя накардани қонунгузории

                        Ҷумҳурии Тоҷикистон

 

1. Муқаррар карда шавад, ки ҳалномаҳои суд дар бораи рӯёнидани зарари моддию маънавӣ, ки аз тарафи кормандони мақомоти давлатӣ ҳангоми адои вазифаҳои хизматӣ расонида шудааст, аз ҳисоби маблағи сметаи хароҷоти онҳо амалӣ карда мешавад.

2. Муқаррар карда шавад, ки маблағи аз ҳисоби татбиқи чораҳои маҷбуркунӣ барои риоя накардани қонунгузории Ҷумҳурии Тоҷикистон, аз ҷумла аз ҳисоби мусодираи молу мулк, ҷарима, пеня, ҷубронпулӣ, воридшуда ва ҳамчунин ҷуброни зарари молиявии дар натиҷаи риоя накардани интизоми молиявӣ ба буҷети ҷумҳуриявӣ расондашуда ба даромади буҷети ҷумҳуриявӣ гузаронида мешавад.

 

Моддаи 25. Тасдиқи ҳисобот оид ба иҷрои Буҷети давлатии Ҷумҳурии Тоҷикистон дар соли 2014

 

1. Ҳисобот оид ба иҷрои Буҷети давлатии Ҷумҳурии Тоҷикистон дар соли 2014 аз рӯи даромад ба маблағи 14427387 ҳазор сомонӣ, аз рӯи хароҷот ба маблағи 13190396 ҳазор сомонӣ бо барзиёдии даромад нисбат ба хароҷот ба маблағи 1236991 ҳазор сомонӣ тасдиқ карда шавад. 

2. Хароҷоти воқеии Буҷети давлатии Ҷумҳурии Тоҷикистон дар соли 2014 барои пардохти уҳдадориҳои қарзии Ҷумҳурии Тоҷикистон оид ба пардохти қарзи асосии берунӣ ба маблағи 472290 ҳазор сомонӣ тасдиқ карда шавад.

 

Моддаи 26. Муқаррарот оид ба ворид намудани тағйирот ба Буҷети давлатӣ

 

1. Дар мавриди барзиёд ё кам иҷро гардидани қисми даромади Буҷети давлатии Ҷумҳурии Тоҷикистон барои соли 2016 Ҳукумати Ҷумҳурии Тоҷикистон метавонад ба қисмҳои даромад ва хароҷоти Буҷети давлатии Ҷумҳурии Тоҷикистон, аз ҷумла ба қисмҳои даромад ва хароҷоти буҷети ҷумҳуриявӣ барои соли 2016, мувофиқи Қонуни Ҷумҳурии Тоҷикистон «Дар бораи молияи давлатии Ҷумҳурии Тоҷикистон» бе тағйир додани ҳаҷми касри буҷет тағйирот ворид намояд.

2. Бо сабаби тағйир ёфтани ҳаҷми истеҳсолот (кор ва хизматрасонӣ), андозаи нарх, заминаи андозбандӣ, инчунин тағйирёбии сохтории ташкилоту муассисаҳои буҷетӣ, ки аз санадҳои меъёрии ҳуқуқии қабулнамудаи мақомоти давлатӣ бармеоянд, Вазорати молияи Ҷумҳурии Тоҷикистон ба қисмҳои даромад ва хароҷоти буҷетҳои дахлдор тағйирот ворид намуда, бо тартиби муқарраргардида дар байни буҷети ҷумҳуриявӣ, буҷети суғуртаи иҷтимоӣ ва нафақа ва буҷетҳои маҳаллӣ ҳисобҳои байниҳамдигарӣ мегузаронад.

3. Мақомоти молия дар Вилояти Мухтори Кӯҳистони Бадахшон, вилоятҳо, шаҳри Душанбе чунин ҳисоби байниҳамдигариро метавонанд байни буҷетҳои маҳаллии дахлдор амалӣ намоянд. 

 

Моддаи 27. Тартиби мавриди амал қарор додани Қонуни мазкур 

 

Қонуни мазкур аз 1 январи соли 2016 мавриди амал қарор дода шавад.

 

 

Президенти 

Ҷумҳурии Тоҷикистон                                                                               Эмомалӣ РАҲМОН

 

ш. Душанбе, 25 ноябри соли 2015

№ 1257

 

 

ҚАРОРИ 
Маҷлиси намояндагони

Маҷлиси Олии

Ҷумҳурии Тоҷикистон

 

ОИД БА ҚАБУЛ КАРДАНИ ҚОНУНИ ҶУМҲУРИИ ТОҶИКИСТОН

«ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2016»
ВА НИШОНДИҲАНДАҲОИ БУҶЕТИ ДАВЛАТӢ БАРОИ СОЛҲОИ 2017-2018

 

Маҷлиси намояндагони Маҷлиси Олии Ҷумҳурии Тоҷикистон қарор мекунад:

 

1. Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2016» қабул карда шавад.

2. Нишондиҳандаҳои даромад ва хароҷоти Буҷети давлатӣ барои:

- соли 2017 аз рӯи даромад ба маблағи 19514008 ҳазор сомонӣ, аз рӯи хароҷот ба маблағи 19841069 ҳазор сомонӣ ва касри буҷет ба маблағи 327061 ҳазор сомонӣ ё 0,5 фоизи Маҷмӯи маҳсулоти дохилӣ;

- соли 2018 аз рӯи даромад ба маблағи 20464260 ҳазор сомонӣ, аз рӯи хароҷот ба маблағи 20830404 ҳазор сомонӣ ва касри буҷет ба маблағи 366144 ҳазор сомонӣ ё 0,5 фоизи Маҷмӯи маҳсулоти дохилӣ тасдиқ карда шаванд.

Ҳукумати Ҷумҳурии Тоҷикистон дар давраи миёнамуҳлат қарорҳоеро, ки аз ҳисоби Буҷети давлатӣ маблағгузориро талаб менамоянд, дар доираи нишондиҳандаҳои муқаррарнамудаи хароҷоти Буҷети давлатӣ барои солҳои 2016 -2018 қабул намояд. Ҳангоми пешниҳод намудани лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2017» мувофиқи тағйирёбии нишондиҳандаҳои макроиқтисодӣ ва тараққиёти соҳаҳои иқтисодиёт нишондиҳандаҳои Буҷети давлатиро барои солҳои 2018-2019 аниқ намояд.

3. Кумитаҳои Маҷлиси намояндагони Маҷлиси Олии Ҷумҳурии Тоҷикистон дар доираи салоҳияти худ назорати иҷрои буҷетро ба роҳ монда, истифодаи мақсадноку самарабахши маблағҳои буҷетиро аз ҷониби маблағгирандагон таҳлил ва ҳангоми зарурат натиҷаи таҳлилро барои баррасӣ ба Маҷлиси намояндагони Маҷлиси Олии Ҷумҳурии Тоҷикистон пешниҳод намоянд.

4. Ҳукумати Ҷумҳурии Тоҷикистон:

- ҳаҷми умумии Буҷети давлатии муқарраршудаи Ҷумҳурии Тоҷикистонро барои соли 2016 аз ҳисоби ҳамаи манбаъҳои маблағгузорӣ ба маблағи 18305842 ҳазор сомонӣ ва ҳаҷми умумии хароҷот ба маблағи 18594441 ҳазор сомонӣ бо барзиёдии хароҷот нисбат ба манбаъҳои маблағгузорӣ 288599 ҳазор сомонӣ барои иҷро қабул намояд;

- маблағгузории чорабиниҳои дар буҷети давлатӣ пешбинишударо дар доираи маблағҳои тасдиқшуда мутаносибан даромади воқеӣ таъмин намояд;

- бо мақсади кам кардани бақияпулӣ аз рӯи пардохти андозҳо ва пардохтҳои иҷтимоии солҳои гузашта, бо назардошти зарурати ихтисор кардани қарзи муассисаҳои буҷетӣ аз корхонаҳо ва ташкилотҳо, ки то 1 январи соли 2016 ба вуҷуд омадааст, инчунин қарзи ташкилотҳои буҷетӣ аз рӯи андозҳо, бо тартиби муқарраргардида бетағйир додани иҷрои воқеии даромад ва хароҷоти буҷет ҳисоббаробаркуниро байни онҳо гузаронад;

- оид ба иҷрои Буҷети давлатии Ҷумҳурии Тоҷикистон барои соли 2016 ҳар се моҳ ба Маҷлиси намояндагони Маҷлиси Олии Ҷумҳурии Тоҷикистон маълумот диҳад;

- дар бораи истифодаи маблағҳои Фонди стабилизатсионӣ оид ба рушди иқтисод ба Маҷлиси намояндагони Маҷлиси Олии Ҷумҳурии Тоҷикистон ҳисоботи солона пешниҳод намояд;

- тавассути воситаҳои ахбори омма ҳар се моҳ аз рафти иҷрои Буҷети давлатии Ҷумҳурии Тоҷикистон барои соли 2016 маълумот диҳад.

5. Ба Ҳукумати Ҷумҳурии Тоҷикистон иҷозат дода шавад, ки:

- пӯшонидани касри буҷети ҷумҳуриявиро ба маблағи 90,0 млн. сомонӣ бо роҳи барориши векселҳои давлатии хазинадорӣ, инчунин ҷалби қарзҳои имтиёзнок аз Фонди авруосиёгии стабилизатсия ва рушд ва дигар ташкилотҳои байналмилалии молиявӣ амалӣ намояд.

6. Бонки миллии Тоҷикистон:

- якҷоя бо Бонки давлатии амонатгузории Ҷумҳурии Тоҷикистон «Амонатбонк», Кумитаи андози назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон ва бонкҳои тиҷоратии ҷумҳурӣ аз рӯи меъёрҳои муқаррарнамудаи моддаи 13 Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2016» сари вақт ба буҷети ҷумҳуриявӣ ва буҷетҳои маҳаллӣ гузарондани андозу даромадҳоро таъмин намояд;

- аз рӯи амалиёти вобаста ба хизматрасонии уҳдадориҳои қарзии Ҷумҳурии Тоҷикистон ба сифати агенти Вазорати молияи Ҷумҳурии Тоҷикистон амал карда, иҷрои ҳисобу китоб ва пардохтҳоро оид ба уҳдадориҳои қарзи давлатии Ҷумҳурии Тоҷикистон таъмин намояд;

- барои сари вақт иҷро кардани пардохтҳои асъории Буҷети давлатии Ҷумҳурии Тоҷикистон барои соли 2016 мубодилаи маблағҳои буҷетиро ба асъори хориҷӣ мувофиқи дархости Вазорати молияи Ҷумҳурии Тоҷикистон аз рӯи қурби расмии бозори байнибонкии асъор таъмин намояд.

 

7. Назорати иҷрои Қарори мазкур ба зиммаи Кумитаи Маҷлиси намояндагони Маҷлиси Олии Ҷумҳурии Тоҷикистон оид ба иқтисод ва молия вогузор карда шавад.

 

Раиси

Маҷлиси намояндагони

Маҷлиси Олии Ҷумҳурии Тоҷикистон                                                           Ш. ЗУҲУРОВ

 

ш. Душанбе, 18 ноябри соли 2015,

№ 224

 

ҚОНУНИ ҶУМҲУРИИ ТОҶИКИСТОН    ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2017

Ношир: Тоирзода Малика Тоир Санаи интишор: Чшб, 19/02/2020 - 12:06
Тоҷикӣ
Замима: 
Таснифгар: 
ҚОНУН
Рақам: 
1137
Мақомот: 
Маҷлиси Олии ҶТ
Ҳолат: 
Амалкунанда
Date: 
Душанбе, 21 Ноябр, 2016

 

ҚОНУНИ ҶУМҲУРИИ ТОҶИКИСТОН 

 

ДАР БОРАИ БУҶЕТИ ДАВЛАТИИ

ҶУМҲУРИИ ТОҶИКИСТОН БАРОИ СОЛИ 2017

 

(Ахбори Маҷлиси Олии Ҷумҳурии Тоҷикистон, с. 2016, №11, мод. 893; с. 2017, №3-4, мод. 196, №6, қ. 1, мод. 468, №7-8, мод. 566; Қонуни ҶТ аз 09.10.2017 с., №1468; аз 05.12.2017 с., №1470)

 

Моддаи 1. Ҳаҷми умумии даромади Буҷети давлатии Ҷумҳурии Тоҷикистон

Ҳаҷми умумии даромади Буҷети давлатии Ҷумҳурии Тоҷикис­тон барои соли 2017 аз ҳисоби ҳамаи манбаъҳои маблағгузорӣ ба маблағи 19568614 ҳазор сомонӣ муқаррар карда шавад, аз ҷумла:

- даромади Буҷети давлатии Ҷумҳурии Тоҷикистон аз ҳисоби воридоти андозию ғайриандозӣ ва грантҳо 14704100 ҳазор сомонӣ, аз онҳо:

воридоти андозӣ                                                                                              - 13202026 ҳазор сомонӣ;

воридоти ғайриандозӣ                                                                                  - 1135674 ҳазор сомонӣ;

грантҳо барои дастгирии буҷет аз ҳисоби ташкилотҳои

байналмилалии молиявӣ                                                                             - 366400 ҳазор сомонӣ;

- буҷети лоиҳаҳои давлатии сармоягузорӣ

бо ҷалби захираҳои молиявии

берунӣ                                                                                                                 - 3492486 ҳазор сомонӣ;

аз онҳо:

қарзҳо                                                                                                                  - 1707527 ҳазор сомонӣ;

грантҳо                                                                                                                - 1784959 ҳазор сомонӣ;

- маблағҳои махсуси ташкилоту муассисаҳои

 буҷетӣ                                                                                                                 - 1372028 ҳазор сомонӣ.

 

Моддаи 2. Ҳаҷми умумии хароҷоти Буҷети давлатии Ҷумҳурии Тоҷикистон

Ҳаҷми умумии хароҷоти Буҷети давлатии Ҷумҳурии Тоҷикистон барои соли 2017 ба маблағи 19863163 ҳазор сомонӣ муқаррар карда шавад, аз ҷумла барои маблағгузории:

- мақомоти ҳокимият ва идоракунии

давлатӣ                                                                                                                - 1121235 ҳазор сомонӣ;

- маориф                                                                                                              - 3581017 ҳазор сомонӣ;

- тандурустӣ                                                                                                       - 1440782 ҳазор сомонӣ;

- суғуртаи иҷтимоӣ ва ҳифзи

иҷтимоӣ                                                                                                               - 3249339 ҳазор сомонӣ;

- чорабиниҳои фарҳангию оммавӣ

ва солимгардонӣ                                                                                              - 822111 ҳазор сомонӣ;

- хоҷагии манзилию коммуналӣ, ҳифзи

муҳити зист ва хоҷагии ҷангал                                                                  - 702861 ҳазор сомонӣ;

- комплекси сӯзишворию

энергетикӣ                                                                                                          - 3323512 ҳазор сомонӣ;

- соҳаи кишоварзӣ, моҳидорӣ

ва шикор                                                                                                             - 583400 ҳазор сомонӣ;

- саноат ва сохтмон                                                                                          - 137098 ҳазор сомонӣ;

- нақлиёт ва коммуникатсия                                                                       - 1399626 ҳазор сомонӣ;

- дигар соҳаҳои иқтисодиёт ва

хизматрасонӣ                                                                                                   - 39627 ҳазор сомонӣ;

- хароҷоти дигар                                                                               - 1977525 ҳазор сомонӣ.

 

Моддаи 3. Ҳаҷми умумии касри Буҷети давлатӣ ва манбаъҳои пӯшонидани он

1. Андозаи ниҳоии ҳаҷми умумии касри Буҷети давлатии Ҷумҳурии Тоҷикистон барои соли 2017 ба андозаи 0,5 фоизи Маҷмӯи маҳсулоти дохилӣ ё ба маблағи 294549 ҳазор сомонӣ муқаррар карда шавад.

2. Манбаи пӯшонидани касри буҷет ба таври зерин муайян карда шавад:

- даромад аз хусусигардонӣ ва истифодаи

моликияти давлатӣ                                                                                         - 25300 ҳазор сомонӣ;

- даромад аз фурӯши векселҳои

хазинадорӣ                                                                                                         - 95000 ҳазор сомонӣ;

- иҷрои барзиёдии нақшаи даромади

буҷетҳои маҳаллӣ                                                                                            - 10321 ҳазор сомонӣ;

- аз ҳисоби фоизи депозитҳои буҷети

ҷумҳуриявӣ, қарзҳо (грантҳо) аз ташкилотҳои

байналмилалии молиявӣ                                                                             - 163928 ҳазор сомонӣ.

3. Маблағгузории пардохти қарзи асосии берунаи Ҷумҳурии Тоҷикистон ба андозаи 1,9 фоизи Маҷмӯи маҳсулоти дохилӣ ё ба маблағи 1090276 ҳазор сомонӣ, аз ҷумла аз ҳисоби хароҷоти ҷории буҷети ҷумҳуриявӣ 539310 ҳазор сомонӣ ва аз ҳисоби бақияи маблағҳои озоди буҷети ҷумҳуриявӣ ба 1 январи соли 2017 дар Бонки миллии Тоҷикистон, Фонди стабилизатсионӣ оид ба рушди иқтисодиёт, барориши векселҳои давлатӣ, ҷалби қарзҳои (грантҳои) ташкилотҳои байналмилалии молиявӣ ва маблағҳои баргардонидашуда аз рӯи созишномаҳои зерқарзӣ 550966 ҳазор сомонӣ муайян карда шавад.

4. Маблағгузории хизматрасонии қарзи дохилии Ҷумҳурии Тоҷикистон ба андозаи 221293 ҳазор сомонӣ, аз ҷумла аз ҳисоби хароҷоти ҷории буҷети ҷумҳуриявӣ 122283 ҳазор сомонӣ, аз ҳисоби бақияи маблағҳои озоди буҷети ҷумҳуриявӣ дар Бонки миллии Тоҷикистон ба 1 январи соли 2017, Фонди стабилизатсионӣ оид ба рушди иқтисодиёт 59010 ҳазор сомонӣ ва аз ҳисоби баргардонидани қарзҳои Ҷамъияти саҳомии кушодаи «Агроинвестбонк» ба суратҳисоби Вазорати молияи Ҷумҳурии Тоҷикистон 40000 ҳазор сомонӣ муайян карда шавад.

 

Моддаи 4. Ҳаҷми умумии даромад ва хароҷоти буҷети ҷумҳуриявӣ

Буҷети ҷумҳуриявӣ барои соли 2017 аз рӯи даромад ба маб­лағи 8649887 ҳазор сомонӣ, аз рӯи хароҷот ба маблағи 8934115 ҳазор сомонӣ ва касри он ба маблағи 284228 ҳазор сомонӣ тасдиқ карда шавад.

 

Моддаи 5. Даромади буҷети ҷумҳуриявӣ аз рӯи манбаъҳои даромад

Дар буҷети ҷумҳуриявӣ барои соли 2017 воридоти даромад аз ҳисоби субъектҳои хоҷагидорӣ дар ҳудуди Ҷумҳурии Тоҷикистон қарордошта ба маблағи умумии 8649887 ҳазор сомонӣ муқаррар карда шавад, аз ҷумла:

- андоз аз арзиши иловашуда                                                                    - 4560016 ҳазор сомонӣ;

- аксизҳо                                                                                                              - 378700 ҳазор сомонӣ;

- андоз аз фурӯш                                                                                              - 19439 ҳазор сомонӣ;

- андоз барои захираҳои

табиӣ                                                                                                                    - 135500 ҳазор сомонӣ;

- андоз аз фоида                                                                                               - 225283 ҳазор сомонӣ;

- андоз аз даромад                                                                                           - 763930 ҳазор сомонӣ;

- боҷҳои гумрукӣ                                                                                              - 800796 ҳазор сомонӣ;

- андоз аз истифодабарандагони

роҳҳои автомобилгард                                                                                  - 347209 ҳазор сомонӣ;

- даромадҳои дигари

ғайриандозӣ                                                                                                      - 1052614 ҳазор сомонӣ;

- грантҳои ташкилотҳои байналмилалии

молиявӣ                                                                                                               - 366400 ҳазор сомонӣ.

 

Моддаи 6. Хароҷоти буҷети ҷумҳуриявӣ аз рӯи гурӯҳбандии вазифавӣ

Хароҷоти буҷети ҷумҳуриявӣ барои соли 2017 аз рӯи гурӯҳбандии вазифавӣ ба андозаҳои зерин тасдиқ карда шавад:

Маблағгузории бахши ҳокимияти давлатӣ

ва идоракунӣ                                                                                                    - 744265 ҳазор сомонӣ,

аз ҷумла:

- мақомоти иҷроия ва қонунгузорӣ                                                         - 192629 ҳазор сомонӣ;

- сиёсати молиявӣ ва андозию

буҷетӣ                                                                                                                  - 108274 ҳазор сомонӣ;

- фаъолияти сиёсати

берунӣ                                                                                                                 - 241713 ҳазор сомонӣ;

- мақомоти дигари давлатӣ                                                                         - 201649 ҳазор сомонӣ.

Маориф                                                                                                               - 662978 ҳазор сомонӣ,

аз ҷумла:

- таҳсилоти умумӣ                                                                                           - 156824 ҳазор сомонӣ;

- таҳсилоти касбӣ                                                                                             - 418687 ҳазор сомонӣ;

- фаъолияти дигар дар соҳаи

маориф                                                                                                                - 87467 ҳазор сомонӣ.

Тандурустӣ                                                                                                         - 242417 ҳазор сомонӣ,

аз ҷумла:

- беморхонаҳо                                                                                                   - 137390 ҳазор сомонӣ;

- марказҳои саломатӣ                                                                                    - 4754 ҳазор сомонӣ;

- ҳифзи саломатии аҳолӣ                                                                              - 27269 ҳазор сомонӣ;

- фаъолияти дигар дар соҳаи

тандурустӣ                                                                                                         - 73004 ҳазор сомонӣ.

Суғуртаи иҷтимоӣ ва ҳифзи

иҷтимоӣ                                                                                                              - 477795 ҳазор сомонӣ,

аз ҷумла:

- суғуртаи иҷтимоӣ                                                                                         - 315325 ҳазор сомонӣ;

- ҳифзи иҷтимоӣ                                                                                               - 43537 ҳазор сомонӣ;

- фаъолияти дигар дар соҳаи суғуртаи

иҷтимоӣ ва ҳифзи иҷтимоӣ                                                                        - 118933 ҳазор сомонӣ.

Фарҳанг ва варзиш                                                                                          - 285272 ҳазор сомонӣ,

аз ҷумла:

- чорабиниҳо оид ба тарбияи ҷисмонӣ

ва варзиш                                                                                                            - 4394 ҳазор сомонӣ;

- муассисаҳои фарҳангию

маърифатӣ                                                                                                         - 60583 ҳазор сомонӣ;

- воситаҳои ахбори омма                                                                              - 107411 ҳазор сомонӣ;

- фаъолияти дигар дар соҳаи фарҳанг

ва варзиш                                                                                                            - 112884 ҳазор сомонӣ.

Хоҷагии манзилию коммуналӣ,

муҳити зист ва хоҷагии ҷангал                                                                   - 70095 ҳазор сомонӣ.

Комплекси сӯзишворию энергетикӣ                                                       - 1776658 ҳазор сомонӣ.

Кишоварзӣ, моҳидорӣ ва шикор                                                              - 168275 ҳазор сомонӣ,

аз ҷумла:              

- барои рушди со