Роҳбарият ва кормандони Маркази миллии қонунгузории назди Президенти Ҷумҳурии Тоҷикистон ҳамаи ҳамватанон, бахусус родмардони Ватанро ба ифтихори 28-умин солгарди таъсисёбии Қувваҳои Мусаллаҳи Ҷумҳурии Тоҷикистон самимона шодбош мегӯянд!

Имрӯз Қувваҳои Мусаллаҳи Ҷумҳурии Тоҷикистон ҳамчун мактаби бузурги мардонагӣ, матонату шуҷоат ва кафолати зиндагии орому осудаи халқ ба сохтори муташаккилу муҷаҳҳаз табдил ёфтааст, ки дар ҳифзи Ватан, ҳимояи манфиати давлат, таҳкими Истиқлолият, амният ва иқтидори мудофиавии он нақши бузургу созанда дорад.

Таҷлили Рӯзи Қувваҳои Мусаллаҳи Ҷумҳурии Тоҷикистон арҷгузорӣ ба Артиши миллӣ ва хизматҳои содиқонаву шоёни сарсупурдагони Ватан мебошад, ки баҳри осудагии диёр ва ҳаёти осоиштаи ҳар як сокини кишвар ҷони хешро сипар кардаанд.

Бахшида ба Рӯзи Қувваҳои Мусаллаҳи Ҷумҳурии Тоҷикистон ба Шумо саломатии бардавом, умри дароз, комёбиҳои беназир ва хушбахтиҳои ҷовидонӣ, дар анҷом додани қарзи шаҳрвандӣ ва рисолати ватандорӣ бошад, музаффариятҳои нав ба нав таманно дорем!