Бо мақсади шарҳу тавзеҳинуктаҳои асосии Паёми Президенти Ҷумҳурии Тоҷикистон, Пешвои миллат ба Маҷлиси Олии Ҷумҳурии Тоҷикистон аз 26 декабри соли 2018 «Дар бораи самтҳои асосии сиёсати дохилию хориҷии ҷумҳурӣ» кормандони Марказ ба шаҳри Кӯлоб ва ноҳияи Балҷувони вилояти Хатлон аз 12 то 16 марти соли 2019 сафари хизматӣ анҷом доданд.

Муовини сардори шуъбаи ќонунгузорӣ оид ба сохтори давлатӣ, мақомоти судӣ ва ҳифзи ҳуқуқ – Дилшод Носиров ва сармутахассиси шуъбаи қонунгузории кишоварзӣ, истифодаи сарватҳои табиӣ ва ҳифзи муҳити зист – Манучеҳр Ҳамидзод бо кормандони дастгоҳҳои раисони шаҳр ваноҳияи мазкур, намояндагони касбу корҳои гуногун, донишҷӯён, сокинони деҳотҳои шаҳру ноҳияи зикргардида, вохӯриҳо барпо намуда, оид ба масъалаҳои ҳуқуқии Паёми Президенти Ҷумҳурии Тоҷикистон «Дар бораи самтҳои асосии сиёсати дохилию хориҷии ҷумҳурӣ» суханронӣ намуданд.

Ҳамзамон, бо мақсади баланд бардоштани маърифати ҳуқуқии шаҳрвандонмуқаррароти Кодексҳои оила, тандурустӣ, ҷиноятӣ ва ҳуқуқвайронкунии маъмурии Ҷумҳурии Тоҷикистон, Қонунҳои Ҷумҳурии Тоҷикистон «Дар бораи танзиму анъана ва ҷашну маросим дар Ҷумҳурии Тоҷикистон», «Дар бораи ҷавонон ва сиёсати давлатии ҷавонон», «Дар бораи мубориза бар зидди коррупсия», «Дар бораи мубориза бар зидди экстремизм (ифротгароӣ)» ва «Дар бораи мубориза бар зидди тероризм» ва ғайра ба иштирокчиёни ҷамъомадҳо фаҳмонида шуд.