Пешрафти тамоми соҳаҳои ҳаёти кишвар ба суботу оромии ҷомеа ва таъмини волоияти қонун вобастагии бевосита дорад.
Эмомалӣ Раҳмон
Дар бораи Марказ
Санадҳои ҳуқуқии байналмилалӣ
Консепсия ва барномаҳои давлатӣ
Паёмҳои Президенти Ҷумҳурии Тоҷикистон
Корҳои илмӣ ва таҳлилӣ
Маҷаллаи "Қонунгузорӣ"
Ҳамкорӣ
Сафарҳои омӯзишӣ ва таҷрибаомӯзӣ
Китобхона
Шарикон
ТАҶЛИЛИ ҶАШНИ НАВРӮЗИ АҶАМ

 

20 марти соли 2019 дар толори Маркази миллии қонунгузории назди Президенти Ҷумҳурии Тоҷикистон бахшида ба таҷлили ҷашни Наврӯзи байналмилалӣ бо иштироки роҳбарият ва кормандони Марказ ҷамъомади идона баргузор гардид.

Нахуст муовини якуми директори Марказ Баҳриддинзода Субҳиддин ҳозиринро бо фарорасии Соли нави миллӣ – Наврӯзи ҷаҳонӣ, иди аҷдодӣ, баробаршавии шабу рӯз ва эҳёи табиат шодбош гуфта, таманниёти неки худро аз номи роҳбарияти Марказ ба кормандон иброз намуд.

Зикр гардид, ки Ҷумҳурии Тоҷикистон яке аз кишварҳои ташаббускори ҷаҳонишавии иди Наврӯз маҳсуб ёфта, бо ибтикору пешниҳоди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ин ҷашни бошукуҳ мақоми байналмилалиро касб кард ва он дар ҷаҳон бо риояи суннатҳои неки Наврӯзӣ ҳамасола таҷлил мегардад, ки боиси ифтихори тоҷикон мебошад.

Сипас бо суханҳои шодбошӣ раиси Иттифоқи касабаи Маркази миллии қонунгузорӣ Каримова Нигора ва муовини раиси Ташкилоти ибтидоии ҳизбии “Қонунгузорӣ”-и ҲХДТ дар Марказ Манучеҳр Ҳамидзод бахшида ба фарорасии Наврӯзи хуҷастапай ҳозиринро табрику таҳният гуфта, беҳтарин таманниёти неки Наврӯзиро иброз доштанд.

Изҳори умед карда шуд, ки бо қудуми мубораки Наврӯз файзу баракат ва пешравию дастовардҳои бузург ба Тоҷикистони азиз ва хонадони ҳар як тоҷику тоҷикистонӣ чун армуғони баҳорӣ меҳмон шуда, шодиву нишот ва хушбахтиҳои ҷовидонӣ ҳамрадифи умр ва зиндагии ҳар фарди кишвар хоҳад гашт.

               Ҷамъомад дар фазои идона хотима ёфт.