Рушди устувори сиёсиву иқтисодӣ ва иҷтимоиву фарҳангии кишвар аз заминаҳои мустаҳками меъёрии ҳуқуқӣ вобаста аст.
Эмомалӣ Раҳмон
Дар бораи Марказ
Санадҳои ҳуқуқии байналмилалӣ
Консепсия ва барномаҳои давлатӣ
Паёмҳои Президенти Ҷумҳурии Тоҷикистон
Корҳои илмӣ ва таҳлилӣ
Маҷаллаи "Қонунгузорӣ"
Ҳамкорӣ
Сафарҳои омӯзишӣ ва таҷрибаомӯзӣ
Китобхона
Шарикон
 
 
ТАҶЛИЛИ РӮЗИ АРТИШИ МИЛЛӢ

22 феврали соли 2019 дар Маркази миллии қонунгузории назди Президенти Ҷумҳурии Тоҷикистон бахшида ба 26-умин солгарди таъсисёбии Қувваҳои Мусаллаҳи Ҷумҳурии Тоҷикистон бо иштироки сардори Донишкадаи олии сарҳадии Кумитаи давлатии амнияти миллии Ҷумҳурии Тоҷикистон, полковник Мирзоев Бадриддин, муовини раиси Кумитаи иҷроияи ҲХДТ дар ноҳияи Шоҳмансури шаҳри Душанбе Иззатуллои Ҳабибзод, роҳбарият ва кормандони Марказ ҷамъомади тантанавӣ баргузор гардид.

Дар оғози ҷамъомад директори Маркази миллии қонунгузорӣ Саидзода Иззатулло Ҳабибулло ҳозиринро ба муносибати 26-умин солгарди таъсисёбии Қувваҳои Мусаллаҳи Ҷумҳурии Тоҷикистон таҳният гуфта, изҳор дошт, ки Артиши миллии Ҷумҳурии Тоҷикистон дар натиҷаи тадбирҳои мунтазам андешидаи роҳбарияти давлату Ҳукумати Ҷумҳурии Тоҷикистон, махсусан Президенти Ҷумҳурии Тоҷикистон, Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон марҳила ба марҳила пуриқтидор гардидааст.

Сардори Донишкадаи олии сарҳадии КДАМ Ҷумҳурии Тоҷикистон, полковник Мирзоев Б. зимни суханронии худ иброз намуд, ки Артиши ҷавони Тоҷикистон дар солҳои душвори фоҷеабори ҷанги шаҳрвандӣ якҷо бо мақомоти ҳифзи ҳуқуқ ва дигар сохторҳои низомии кишвар дар ҳифзи Истиқлолияти давлатӣ, ҳимояи марзу буми Ватан ва хомӯш кардани ҷанги таҳмилии шаҳрвандӣ саҳми сазовор гузошт.

Муовини раиси Кумитаи иҷроияи ҲХДТ дар ноҳияи Шоҳмансур Иззатуллои Ҳабибзод таъкид кард, ки тайи 26 соли фаъолияти худ Қувваҳои Мусаллаҳи Ҷумҳурии Тоҷикистон рӯзҳои сахту сангинро пушти cap карда, хушбахтона аз озмоишҳои шадиди он солҳо сарбаландона гузаштаанд. Қувваҳои Мусаллаҳи кишвар имрӯз ба неруи қудратманди низомӣ, муҳофизи сулҳу субот ва фазои орому осудаи кишвар табдил ёфта, барои ҳифзи боэътимоди марзу буми Ватани азиз собитқадамона рушду такомул меёбанд.

Дар фарҷом корманди Марказ Манучеҳр Ҳамидзод баромад намуда, қайд кард, ки баланд бардоштани ҳисси ватандӯстию меҳанпарастӣ, маърифати сиёсӣ ва ҳуқуқии ҷавонон, эмин нигоҳ доштани онҳо аз ҳар гуна хатарҳои замон, ҳидояти ҷавонон ба бунёдкорӣ ва созандагии кишвар қарзи шаҳрвандии ҳар яки мо мебошад.

Ҷамъомад дар вазъияти идона хотима ёфт.