Пешрафти тамоми соҳаҳои ҳаёти кишвар ба суботу оромии ҷомеа ва таъмини волоияти қонун вобастагии бевосита дорад.
Эмомалӣ Раҳмон
Дар бораи Марказ
Санадҳои ҳуқуқии байналмилалӣ
Консепсия ва барномаҳои давлатӣ
Паёмҳои Президенти Ҷумҳурии Тоҷикистон
Корҳои илмӣ ва таҳлилӣ
Маҷаллаи "Қонунгузорӣ"
Ҳамкорӣ
Сафарҳои омӯзишӣ ва таҷрибаомӯзӣ
Китобхона
Шарикон
Вохӯрӣ бо соҳибкорон

 

Маркази миллии қонунгузории назди Президенти Ҷумҳурии Тоҷикистон бо мақсади иҷрои Қарори Ҳукумати Ҷумҳурии Тоҷикистон аз 28 апрели соли 2018, №227 «Дар бораи Нақшаи чорабиниҳо оид ба амалисозии марҳилаҳои сеюми Барномаи дастгирии давлатии соҳибкорӣ дар Ҷумҳурии Тоҷикистон барои солҳои 2012-2020» Нақшаи чорабиниҳо аз 14-уми июни соли 2018, №18 тасдиқ карда, чунин корҳоро ба роҳ мондааст.

Кормандони Маркази миллии қонунгузорӣ дар ҳамкорӣ бо Маркази рушди соҳибкории шаҳри Душанбе ҷиҳати амалӣ намудани Нақшаи чорабиниҳои мазкур оид ба таблиғу ташвиқи сиёсати пешгирифтаи Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон дар соҳаи рушди соҳибкорӣ ва фаҳмонидани талаботи қонунгузории андоз, гумрук ва молия бо соҳибкорони шаҳри Душанбе 28-уми июни соли 2018, соати 10 00  вохӯрӣ баргузор намуданд.

Ҳадафи баргузор намудани чунин вохӯриҳо аз баланд бардоштани маърифати ҳуқуқӣ ва молиявии соҳибкорон иборат буда, барои аз байн бурдани санҷишҳои ғайриқонунӣ, дар асоси қонунгузорӣ фаъолият намудани соҳибкорон, сари вақт пардохт намудани андоз ва риоя гардидани қонунгузории Ҷумҳурии Тоҷикистон равона гардидааст.

Қобили зикр аст, ки корҳо дар ин самт идома дошта, аз натиҷаи корҳои иҷрошуда, дар муҳлати муқарраршуда маълумот нашр мешавад.