ДАСТУРИ ИСТИФОДАБАРАНДА

ХУШ ОМАДЕД БА CОМОНАИ РАСМИИ МАРКАЗИ МИЛЛИИ ҚОНУНГУЗОРИИ НАЗДИ ПРЕЗИДЕНТИ ҶУМҲУРИИ ТОҶИКИСТОН!

КОР БО МАХЗАНИ ҚОНУНГУЗОРИИ ҶУМҲУРИИ ТОҶИКИСТОН

Муҳтарам меҳмонон ва истифодабарандагони сомонаи расмии Маркази миллии қонунгузории назди Президенти Ҷумҳурии Тоҷикистон (ММҚ),

Барои оғози кор бо «Махзани Қонунгузории Ҷумҳурии Тоҷикистон» (МҚҶТ) ба блоки бо номи шабеҳ дар сомонаи расмии ММҚ зер кунед. Блоки «Махзани Қонунгузории Ҷумҳурии Тоҷикистон» кушодашаванда буда, ҳамеша дар қисми болои сомона дастрас аст. Шумо инчунин метавонед ба «Махзани Қонунгузории Ҷумҳурии Тоҷикистон» (МҚҶТ) аз феҳристи асосӣ (меню асосӣ) бо зеркунии пайванди «Қонунгузории Ҷумҳурии Тоҷикистон» дастрасӣ пайдо намоед.

БЛОКИ «МАХЗАНИ ҚОНУНГУЗОРИИ ҶУМҲУРИИ ТОҶИКИСТОН» (МҚҶТ)

Блоки «Махзани Қонунгузории Ҷумҳурии Тоҷикистон»

Ҳамаи модулҳо ва имконоти ҷустуҷӯи санадҳо дар «Махзани Қонунгузории Ҷумҳурии Тоҷикистон» (МҚҶТ) мустақилона кор мекунанд. Ин маънои онро дорад, ки ҳангоми кор бо МҚҶТ ворид кардани «Ном»-и санад ва бо ҳамроҳи он интихоб кардани ҳамаи имконоти дигар, масалан «Таснифгар», «Мақомот», «Рақам», «Сана», «Матни асосӣ» ва ғайра ҳатмӣ нест. Аммо барои ҷустуҷӯи васеъ шумо метавонед аз ҳамаи имконоти ҷустуҷӯи санадҳо ба таври дилхоҳ истифода баред. Ҳамаи санадҳое, ки ба МҚҶТ ворид шуданд дар зери «Лавҳаи имконоти ҷустуҷӯ», яъне дар «Ҷадвали санадҳо» дастрасанд.

ЛАВҲАИ ИМКОНОТИ ҶУСТУҶӮ

Лавҳаи имконоти ҷустуҷӯ

ҶАДВАЛИ САНАДҲО

Ҷадвали санадҳо

 

ТУГМАҲОИ «ТАТБИҚ КАРДАН» ва «БОЗСОЗӢ»

Тугмаҳо

Тугмаи «Татбиқ кардан»: Баъд аз он ки Шумо дар «Лавҳаи имконоти ҷустуҷӯ» имконоти дилхоҳро ворид карда, интиход мекунед, барои намоиш додани натиҷа тугмаи «Татбиқ кардан»-ро зер кунед. Аммо, вақте ки шумо дар «Лавҳаи имконоти ҷустуҷӯ» дархостеро ворид мекунед ё имконеро интихоб менамоед, онҳо ба таври худкор дарҳол татбиқ карда мешаванд.

Тугмаи «Бозсозӣ»: Агар хоҳед, ки ҳамаи дархостҳо ва имконотеро дар «Лавҳаи имконоти ҷустуҷӯ» лағв кунед, аз тугмаи «Бозсозӣ» истифода баред.

Агар шумо хоҳед, ки номи санади дақиқро аз санадҳои дар махзан мавҷудбуда ба даст оред, калидвожаи номи санадро ба сатри «Ном» ворид намоед. Ҳамаи санадҳое, ки дорои калидвожаи воридуша мебошанд нишон дода мешаванд. Масалан, агар шумо калидвожаи «дастрасӣ»-ро ворид кунед, санадҳое, ки калимаи «дастрасӣ»-ро дар бар мегиранд, дар «Ҷадвали санадҳо» нишон дода мешаванд (масалан, ҚОНУНИ ҶУМҲУРИИ ТОҶИКИСТОН ДАР БОРАИ ҲУҚУҚИ ДАСТРАСӢ БА ИТТИЛООТ)

САТРИ «НОМ»

Шумо инчунин метавонед санадҳоро аз рӯи муҳтаво бо истифодаи сатри «Матни асосӣ» ва полои дилҳол ҷустуҷӯ намоед. Масалан, барои ёфтани санад(ҳо)и дорои калима(ҳо), калидвожа(ҳо) ё ибора(ҳо)и лозимӣ, ба сатри «Матни асосӣ» дархостро ворид намуда, имкони «Дар бар мегирад»-ро интихоб намоед. Санадҳои дархостшуда ба таври худкор нишон дода мешаванд. Ё ин ки аз тугмаи «Татбиқ кардан» истифода баред. Ҳамин тавр аз имкони «Дар бар намегирад» ё имконоти ҷустуҷӯи дигар истифода баред, Масалан, агар шумо ба сатри «Матни асосӣ» калимаи «Интернет»-ро ворид кунед ва имкони «Дар бар мегирад»-ро интихоб намоед, саданҳое, ки дар муҳтавои худ дорои калимаи «Интернет» мебошанд, нишод дода мешаванд.

САТРИ «МАТНИ АСОСӢ»

Сатри «Матни асосӣ»

Шумо метавонед санадҳоро аз рӯи «Ном», «Таснифгар», «Мақомот», «Рақам», «Сана», «Матни асосӣ» ва ғайра алоҳида ё якҷоя ба таври дилхоҳ ҷустуҷӯ намоед.

Масалан, агар хоҳед, ки санадҳоро танҳо «Аз рӯи моҳ ва сол» ҷустуҷӯ кунед, танҳо аз имкони «Аз рӯи моҳ ва сол» бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Агар хоҳед, ки санадҳоро танҳо дар давраи муайян ҷустуҷӯ кунед, танҳо аз имкони «Аз санаи интихобшуда» ва/ё «То санаи интихобшуда» алоҳида ё якҷоя бо интихоби моҳ ва сол истифода баред. Санадҳо ба таври худкор нишон дода мешаванд. Ё ин ки аз тугмаи «Татбиқ кардан» истифода баред.

Ҳамин тавр Шумо метавонед ҳар гуна санадҳои махзанро алоҳида ё бо интихоби имконоти иловагӣ ҷустуҷӯ намоед ва ба даст оред.

Барои дидани санад ва мутолиа кардани он, аз тугмаи «ДИДАН» истифода баред ва барои пинҳон кардани он, аз тугмаи «ПИНҲОН КАРДАН» истифода баред.

ТУГМАҲОИ «ДИДАН» ва «ПИНҲОН КАРДАН»

Тугмаҳои ДИДАН ва ПИНҲОН КАРДАН

Шумо ҳам метавонед, бо зеркунии пайванди номи санад онро дар саҳифаи алоҳида кушоед ё ин ки дар форматҳои Word, PDF ва ZIP аз сомонаи мо боргирӣ намоед.

ЗАМИМА ДАР ФОРМАТҲОИ WORD, PDF ва ZIP (ДАР ҶАДВАЛИ САНАДҲО)

Замима

КОР БО СОМОНАИ РАСМӢ - БАҚАЙДГИРӢ ВА ВОРИДШАВӢ

Ҳамаи маводҳои Маркази миллии қонунгузории назди Президенти Ҷумҳурии Тоҷикистон, ки ба ахбори омма дахл доранд, дар сомонаи мо дастрасанд. Барои гирифтани маълумот Шумо метавонед аз Феҳристи асосӣ (менюи асосӣ), Харитаи сомона, имкони Ҷустуҷӯ ва Ҷустуҷӯи васеъ истифода баред.
Барои бақайдгирӣ дар сомонаи Маркази миллии қонунгузории назди Президенти Ҷумҳурии Тоҷикистон, лутфан ба таври расмӣ муроҷиат намоед. Корбарони бақайдгирифташуда метавонанд аз имкониятҳои иловагӣ истифода баранд, масалан, пайдо кардани дастрасӣ ба лоиҳаҳои санадҳо.

 

Махзани Қонунгузории Ҷумҳурии Тоҷикистон

Калидвожаро ворид намоед
Рақамеро ворид намоед (ҳатмӣ нест)
Калидвожа ё ибораеро ворид намоед (ҳатмӣ нест)
Моҳ ва солро интихоб намоед (ҳатмӣ нест)
Моҳ ва солро интихоб намоед (ҳатмӣ нест)
Моҳ ва солро интихоб намоед (ҳатмӣ нест)
Матни асосӣ:
Таснифгар Рақам Ном Мақомот Санаsort ascending Ҳолат Замима
Қонуни Ҷумҳурии Тоҷикистон 1955 ҚОНУНИ ҶУМҲУРИИ ТОҶИКИСТОН ДАР БОРАИ ХАРИДИ ДАВЛАТӢ Маҷлиси Олии Ҷумҳурии Тоҷикистон 15.03.2023 Амалкунанда Microsoft Office document icon word PDF icon pdf Package icon zip
Матни асосӣ:
Таснифгар Рақам Ном Мақомот Санаsort ascending Ҳолат Замима
Қонун 1961 ҚОНУНИ ҶУМҲУРИИ ТОҶИКИСТОН ДАР БОРАИ СУҒУРТАИ АМОНАТУ ПАСАНДОЗҲО Маҷлиси Олӣ 15.03.2023 Амалкунанда Microsoft Office document icon word PDF icon PDF Package icon ZIP
Матни асосӣ:
Таснифгар Рақам Ном Мақомот Санаsort ascending Ҳолат Замима
Қонун 1922 ДАР БОРАИ ТИҶОРАТИКУНОНИИ НАТИҶАҲОИ ФАЪОЛИЯТИ ИЛМӢ ВА ИЛМИЮ ТЕХНИКӢ Маҷлиси Олӣ 23.02.2023 Амалкунанда Microsoft Office document icon Word PDF icon PDF Package icon Zip

НАШРҲОИ МО ДАР СОЛИ 2011

-A A +A
Ношири мавод: Тоирзода Малика Тоир Санаи интишор: Сшб, 21/01/2020 - 11:52

Раҳимов М.З. Техникаи қонунгузорӣ. / М.З. Раҳимов, А.Р. Нематов. Душанбе: «Шуҷоиён», 2011. -200с.

Китоби мазкур ба масъалаҳои техникаи қонунгузорӣ дар Ҷумҳурии Тоҷикистон бахшида шудааст. Дар он масъалаҳои мафҳум, аҳамият, восита, усул ва қоидаҳои техникаи қонунгузорӣ, инчунин мафҳум, низом ва намудҳои санадҳои қонунгузорӣ мавриди омўзиш ва таҳлил қарор дода шудааст. Ҳамзамон дар китоб масъалаҳои техникаи ҳуқуқэҷодкунӣ, аз ҷумла тартиби таҳияи санадҳои меъёрии ҳуқуқӣ, ҷараёни қабули қонунҳо, техникаи мураттабсозии қонунгузорӣ дар ҶТ ва дигар масъалаҳои вобаста ба техникаи қонунгузорӣ мавриди баррасӣ қарор дода шудааст.

Китоб барои кормандони мақомоти ҳокимияти давлатӣ, аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон, донишҷўён, аспирантон, устодони факултетҳои ҳуқуқшиносии мактабҳои олӣ, инчунин ҳуқуқшиносони амалия тавсия карда мешавад.

 

Тафсири Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд». Нашри дуввум. / С.Э. Баҳриддинов, н.и.ҳ., У.Х. Бобоев, н.и.ҳ., А.Д., Ғафуров, н.и.ҳ. ва ғ. Зери таҳрири д.и.ҳ., профессор М.З. Раҳимов. Душанбе: «Империал-Групп», 2011. - 132с.

Тафсири мазкур ҳамчун дастури тавсиявӣ барои кормандони мақомоти ҳокимияти иҷроия, ҳокимияти судӣ, мақомоти ҳифзи ҳуқуқ, ҳуқуқшиносону ҳомиёни ҳуқуқ, инчунин ба хотири баланд бардоштани сатҳи маърифати ҳуқуқии аҳолӣ барои омма пешбинӣ гардидааст.

 

Раҳимов М. Тафсири Қонуни Ҷумҳурии Тоҷикистон «Дар бораи рақобат ва маҳдудкунии фаъолияти инҳисорӣ дар бозорҳои мол» / М.З. Рахимов, А.К. Каримов. Душанбе: «Шуҷоиён», 2011.-184с.

Китоби мазкур аз тафсири моддаҳои Қонуни Чумҳурии Тоҷикистон «Дар боари рақобат ва маҳдудкунии фаъолияти инҳисорӣ дар бозорҳои мол» (аз 28 июли соли 2006) иборат мебошад.

Дар он масъалаҳои фаъолияти инҳисорӣ, рақобат, шаклҳои рақобати бевиҷдонона, вазифа ва функсияҳои мақомоти зиддиинҳисорӣ, назорати давлатии рақобат, ҷавобгарӣ барои вайрон кардани қонунгузории зиддиинҳисорӣ, тартиби қабули арзу шикоят ва иҷрои қарору амрияи мақомоти давлатии  зиддиинҳисорӣ мавриди тафсири илмӣ-амалӣ қарор дода шудааст.

Китоби мазкур барои мутахасисони соҳаи ҳуқуқ, иқтисод, соҳибкорон, мақомоти ҳокимияти давлатӣ, донишҷўён, аспирантон ва доираи васеъи хонандагон тавсия карда мешавад.

 

Раҳимов М.З. Тафсири Кодекси Ҷумҳурии Тоҷикистон «Дар бораи мурофиаи судии иқтисодӣ» / М.З. Раҳимов, Н.А. Табаров. Душанбе: «Шуҷоиён», 2011.-531с.

Тафсир дар асоси таҳлили меъёрҳои Кодекс дар алоқамандии системавии онҳо бо қонунгузории амалкунандаи Ҷумҳурии Тоҷикистон, инчунин бо назардошти муқаррароти назарияи ҳуқуқи мурофиавӣ ва таҷрибаи ҳуқуқтатбиқкунӣ омода карда шудааст.

Тафсири мазкур китоби рўимизии на танҳо судяҳо ва судҳои иқтисодӣ, балки ҳамаи иштирокчиёни мурофиаи судӣ низ мебошад. Вай метавонад барои кормандони мақомоти ҳифзи ҳуқуқ, адвокатҳо, кормандони илмӣ, соҳибкорон, омўзгорон, донишҷўён вва аспирантони мактабҳои олӣ ва факултетҳои ҳуқуқшиносӣ, ҳамаи ҳуқуқшиносоне, ки ба масъалаҳои мурофиаи судии иқтисодӣ мароқ доранд, муфид бошад.

Санадҳои меъёрие, ки амалӣ намудани адолати судиро оид ба парвандаҳои судии иқтисодӣ ба танзим медароранд, ба ҳолати то 1 августи соли 2011 оварда шудаанд.

  

 

Меликов У.А. Танзими ҳуқуқии фаъолияти соҳибкорӣ дар таъсис ва интишори воситаи ахбори омма (ВАО) / У.А. Меликов, н.и.ҳ.; зери таҳрири доктори илмҳои ҳуқуқшиносӣ, профессор Раҳимов М.З. Душанбе: «Эр-граф», 2011.-192с. 

Китоби  мазкур ҳамчун дастури тавсиявӣ барои донишҷўён, аспирантон, устодони мактабҳои олӣ, таҷрибаомўзони соҳаи ВАО, таҳриргарони эҷодкор ва паҳнкунандаи ВАО, таҷрибаомўзони ҳуқуқшинос ва ғайраҳо пешбинӣ шудааст.

Инкишофи қонунгузории Ҷумҳурии Тоҷикистон дар даврони истиқлолият: (Маводи конференсияи илмӣ-амалӣ бахшида ба 20-умин солгарди Истиқлолияти давлатии Ҷумҳурии Тоҷикистон, 26-29 августи соли 2011) / Зери таҳрири доктори илмҳои ҳуқуқшиносӣ, профессор Раҳимов М.З. Душанбе: «Эр-граф», 2011.-352с.

Китоб ба масъалаҳои инкишофи қонунгузории Ҷумҳурии Тоҷикистон дар даврони истиқлолият бахшида шудааст. Дар он марҳилаҳои инкишофи қонунгузории ҶТ мавриди таҳлил қарор гирифта шудааст. Ҳамзамон дар мақолаҳои алоҳида оид ба инкишофи соҳаҳои гуногуни ҳуқуқ ва дурнамои рушди минбаъдаи он ибрози ақида карда мешавад.

Китоби барои донишҷўён, аспирантон, устодони мактабҳои олӣ, кормандони илм ва ҳамаи шахсоне, ки ба омўзиши инкишофи қонунгузории Ҷумҳурии Тоҷикистон мароқ доранд, тавсия карда мешавад.

 

Масоили назариявӣ ва амалии ҳуқуқи инсон дар Ҷумҳурии Тоҷикистон (Маводи конфронси илмӣ–амалӣ бахшида ба 62–юмин солгарди қабули Эъломияи умумии ҳуқуқи башар) / Муҳаррири масъул: Раҳимов М.З., д.и.ҳ., проф. Душанбе: «Виза-принт», 2011. 192с.

Нашрияи мазкур ба масъалаҳои ҳуқуки инсон ва мавқеи он дар санадҳои байналмилалӣ ва қонунгузории миллӣ бахшида шудааст. Дар он масъалаҳои ҳифзи ҳуқуқҳои инсон, нақш ва мавқеи он дар қонунгузорӣ, инчунин дигар масъалаҳои таъмини ҳуқуқҳои инсон мавриди таҳлил қарор дода шудааст.

Маҷмўа барои донишҷўён, аспирантон, устодон ва дигар шахсоне, ки ба ҳуқуқи инсон таваҷҷуҳ доранд, кормандони мақомоти ҳифзи ҳуқуқ ва дигар мақомоти давлатӣ, инчунин барои доираи васеи хонандагон пешкаш карда мешавад.

 Маҷмуаи санадҳои меъёрии ҳуқуқӣ доир ба фаъолияти Маҷлиси Олии Ҷумҳурии Тоҷикистон (Ба истиқболи ҷашни 20-солагии Истиқлолияти давлатии Ҷумҳурии Тоҷикистон) / М.С. Кабиров, У.А. Қурбонов, М.З. Раҳимов.  Душанбе: «Шарқи озод», 2011.-260с.

Маҷмуаи мазкур барои истифодаи хизматӣ аз ҷониби узви Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон, Дастгоҳи онҳо, мақомоти ҳифзи ҳуқуқ ва вазорату идораҳои мухталиф пешбинӣ шудааст.

Баҳодиҳии муҳтаво: 
Ҳоло баҳо надорад