То кадом сатҳу дараҷа ҳуқуқбунёд будани давлат аз сатҳу сифати қонунҳои он сахт вобаста аст.
Эмомалӣ Раҳмон
Дар бораи Марказ
Санадҳои ҳуқуқии байналмилалӣ
Консепсия ва барномаҳои давлатӣ
Паёмҳои Президенти Ҷумҳурии Тоҷикистон
Корҳои илмӣ ва таҳлилӣ
Маҷаллаи "Қонунгузорӣ"
Ҳамкорӣ
Сафарҳои омӯзишӣ ва таҷрибаомӯзӣ
Китобхона
Шарикон
 
 
Мизи мудаввар ҷиҳати муаррифӣ намудани пешниҳоду тавсияҳо ба Қонуни Ҷумҳурии Тоҷикистон «Дар бораи мубориза бар зидди коррупсия»

    Бо тасмими Маркази миллии қонунгузории назди ПрезидентиҶумҳурии Тоҷикистон санаи 14 марти соли ҷорӣ дар меҳмонхонаи «Серена» мизи мудаввар ҷиҳати муаррифӣ намудани тавсияҳо ба Қонуни ҶумҳурииТоҷикистон «Дар бораи мубориза бар зидди коррупсия», баргузор гардид. Ёдовар мешавем, ки дар асоси супориши Роҳбари Дастгоҳи иҷроияи Президенти Ҷумҳурии Тоҷикистон аз 28 марти соли 2018, № 41167 (29-8) бо дарназардошти пешниҳоди филиали Ассотсиатсияи ҳуқуқшиносони Амрико Барномаи Волоияти Қонун дар Ҷумҳурии Тоҷикистон ҷиҳати тақвият додани ҳамкорӣ дар солҳои 2018-2019 вобаста ба таҳлил намудани самтҳои муқовимат бо коррупсия ва қонунгузории мурофиавии ҷиноятии кишвар доир ба мутобиқгардонии ин самтҳои қонунгузорӣ бо меъёрҳои байналмилалӣ, ки онҳоро Тоҷикистон эътироф намудааст, дар заминаи Марказ гуруҳи кории байниидоравӣ бо ҷалби намояндагони шохаҳои гуногуни ҳокимияти давлатии Тоҷикистон, аз ҷумла Маҷлиси намояндагони Маҷлиси Олӣ, Дастгоҳи иҷроияи Президенти Ҷумҳурии Тоҷикистон, Прокуратураи генералӣ, Суди Олӣ, Вазорати адлия, Вазорати корҳои дохилӣ, Агентии назорати давлатии молиявӣ ва мубориза бо коррупсия, Иттифоқи адвокатҳо ва Донишгоҳ и миллии Тоҷикистон таъсис ёфта буд. Гуруҳи корӣ дар самтҳои мазкур фаъолияти худро ба роҳ монда, таҳлили самтҳои муқовимат бо коррупсияро ба анҷом расонид.

Мизи мудавварро бо суханони ифтитоҳӣ Саидзода Иззатулло Ҳабибулло Директори Маркази миллии қонунгузории назди Президенти Ҷумҳурии Тоҷикистон, Муртазоқулов Ҷамшед Сайдалиевич Вакили Маҷлиси намояндагони Маҷлиси Олии Ҷумҳурии Тоҷикистон, Ҷеннифер Обер Директори Филиали Ассотсиатсияи Ҳуқуқшиносони Амрико дар Тоҷикистон ҳ усни оғоз бахшиданд. Дар идома Муртазоқулов Ҷ.С. ҷиҳати шарҳи тавсияҳо вобаста ба номи Қонуни Ҷумҳурии Тоҷикистон “Дар бораи мубориза бар зидди коррупсия”, муқаддима, мафҳумҳои асосӣ, ном ва матни моддаи 2, ном ва матни моддаи 4,  принсипи нав ва таҷдиди яке аз принсипҳо  (тавсияҳои 1-11) суханронӣ намуд. Баҳриддинзода С.Э., шарҳи тавсияҳоро вобаста ба  илова намудани дигар мақомоти мубориза бар зидди коррупсия, ҳамкории байналмилалӣ, чораҳои пешгирии коррупсия, хавфҳои коррупсионӣ, нақши ВАО ва чораҳои институтсионалии пешгирии коррупсия  (тавсияҳои 12-21) муаррифӣ намуд. Роҳбари гуруҳи корӣ Баҳриддинзода С.Э. дар фарҷом мизи мудавварро ҷамъбаст намуда, нақшаҳои ояндаро дар робита ба мавзуъи мазкур шарҳу тавзеҳ дод.