Пешрафти тамоми соҳаҳои ҳаёти кишвар ба суботу оромии ҷомеа ва таъмини волоияти қонун вобастагии бевосита дорад.
Эмомалӣ Раҳмон
Дар бораи Марказ
Санадҳои ҳуқуқии байналмилалӣ
Консепсия ва барномаҳои давлатӣ
Паёмҳои Президенти Ҷумҳурии Тоҷикистон
Корҳои илмӣ ва таҳлилӣ
Маҷаллаи "Қонунгузорӣ"
Ҳамкорӣ
Сафарҳои омӯзишӣ ва таҷрибаомӯзӣ
Китобхона
Шарикон
1 Декабрь 2017 (11:34)
14 Ноябрь 2017 (10:18)
14 Ноябрь 2017 (09:55)
1 Ноябрь 2017 (13:50)
26 Октябрь 2017 (08:48)
Такмили Конунгузории Чумхурии Точикистон

Асосҳои қонунгузорӣ
Мизи мудаввар дар мавзўи «Санадҳои меъёрии ҳуқуқии байналмилалӣ ва нақши онҳо дар татбиқи сиёсати сулҳҷӯёнаи Ҷумҳурии Тоҷикистон»

 

Мутобиқи банди 16 Нақшаи кори Марказ барои соли 2017 ва банди 8 «Нақшаи чорабиниҳои Маркази миллии қонунгузории назди Президенти Ҷумҳурии Тоҷикистон оид ба таҷлили 20-умин солгарди Рўзи Ваҳдати миллӣ» 19 майи соли 2017 дар Марказ мизи мудаввар дар мавзўи «Санадҳои меъёрии ҳуқуқии байналмилалӣ ва нақши онҳо дар татбиқи сиёсати сулҳҷўёнаи Ҷумҳурии Тоҷикистон» баргузор гардид.

Дар кори мизи мудаввар намояндагони вазорату идораҳои давлатӣ, аз ҷумла Маҷлиси намояндагони Маҷлиси Олии Ҷумҳурии Тоҷикистон, Вазорати адлияи ҶТ, Суди Олии ҶТ, Суди Олии иқтисодии ҶТ, Вазорати корҳои дохилии ҶТ, Донишкадаи такмили ихтисоси кормандони мақомоти ҳифзи ҳуқуқ, мақомоти адлия ва хадамоти ҳуқуқии корхонаҳо, муассисаҳо ва ташкилотҳои Вазорати адлияи ҶТ, факултети ҳуқуқшиносии Донишгоҳи миллии Тоҷикистон, Донишгоҳи давлатии тиҷорати Тоҷикистон ва васоити ахбори омма иштирок намуданд.

Нахуст директори Марказ д.и.ҳ, профессор Раҳимзода М.З. ба чорабинӣ ҳусни оғоз бахшид. Баъдан сухан ба иштирокчиёни чорабинӣ дода шуд.

Маърўзачиён вобаста ба паҳлўҳои мухталифи нақши санадҳои меъёрии ҳуқуқии байналмилалӣ дар татбиқи сиёсати сулҳҷўёнаи Ҷумҳурии Тоҷикистон баромадҳо намуданд. Аз ҷумла, д.и.ҳ., профессори кафедраи ҳуқуқи тиҷорати Донишгоҳи давлатии тиҷоратии Тоҷикистон Иброҳимов С.А. дар мавзўи «Рушди қонунгузории мамлакатҳои хориҷа оид ба адлияи маъмурӣ ва истифодаи таҷрибаи онҳо дар Ҷумҳурии Тоҷикистон»; Додозода А.М., намоянда аз Суди Олии ҶТ дар мавзӯи «Аҳамияти санадҳои меъёрии ҳуқуқии байналмилалӣ дар низоми ҳуқуқии Ҷумҳурии Тоҷикистон»; Идиев Ф.Ф., н.и.ҳ., дотсенти кафедраи ҳуқуқи байналмилалии факултети ҳуқуқшиносии Донишгоҳи миллии Тоҷикистон дар мавзӯи «Нақши конвенсияҳои Вена дар бораи муносибатҳои дипломативу консулӣ дар татбиқи сиёсати сулҳҷўёнаи Ҷумҳурии Тоҷикистон»; Маҳмадшоев Ф.А., н.и.ҳ., сардори шуъбаи ҳуқуқи байналмилалии Маркази миллии қонунгузории назди Президенти Ҷумҳурии Тоҷикистон доир ба мавзўи «Шартномаҳои байналмилалӣ оид ба дустӣ ва нақши онҳо дар татбиқи сиёсати сулҳҷўёнаи Тоҷикистон» баромад намуданд.

Дар анҷоми кори мизи мудаввар иштирокчиён вобаста ба мавзўъҳои матраҳгардида фикру ақидаҳои худро баён намуда, ташкил намудани чунин мизҳои мудавварро барои инкишоф ва рушди низоми қонунгузории кишвар мусбӣ арзёбӣ намуданд.

 Аксҳо аз ҷараёни чорабинӣ: