То кадом сатҳу дараҷа ҳуқуқбунёд будани давлат аз сатҳу сифати қонунҳои он сахт вобаста аст.
Эмомалӣ Раҳмон
Дар бораи Марказ
САҲИФАИ КӮҲНА --- Қонунгузории Ҷумҳурии Тоҷикистон
Санадҳои ҳуқуқии байналмилалӣ
Консепсия ва барномаҳои давлатӣ
Паёмҳои Президенти Ҷумҳурии Тоҷикистон
Корҳои илмӣ ва таҳлилӣ
Маҷаллаи "Қонунгузорӣ"
Ҳамкорӣ
Сафарҳои омӯзишӣ ва таҷрибаомӯзӣ
Китобхона
Шарикон
Мизи мудаввар дар мавзўи «Рушди қонунгузории маданӣ ва соҳибкорӣ дар 25 соли Истиқлолияти давлатӣ»

 

21 апрели соли 2016 тибқи нақшаи кори Маркази миллии қонунгузории назди Президенти Ҷумҳурии Тоҷикистон мизи мудаввар дар мавзўи «Рушди қонунгузории маданӣ ва соҳибкорӣ дар 25 - соли Истиқлолияти давлатӣ» баргузор гардид, ки дар кори мизи мудаввар намояндагон аз вазорату идораҳои давлатӣ ва муассисаҳои илмию тадқиқотӣ иштирок намуданд.

Директори Маркази миллии қонунгузории назди Президенти Ҷумҳурии Тоҷикистон доктори илми ҳуқуқ, профессор Раҳимзода Маҳмад Забир бо сухани ифтитоҳии худ ба кори мизи мудаввар ҳусни оғоз бахшид.

Маърўзачиён вобаста ба масъалаҳои муҳими рушди қонунгузории маданӣ ва соҳибкорӣ дар 25- соли Истиқлолияти давлатӣ баромад намуданд. Ҳамзамон доир ба масъалаҳои «Рушди қонунгузории маданӣ ва соҳибкорӣ дар замони истиқлолият»; «Объектҳои ғайри муқаррарии ҳуқуқи гражданӣ: интернет-сайт, домен, ҳуқуқ ба IP (ай-пи) - суроға»; «Моҳияти вазъи истеъмолкунандагон дар қонунгузории гражданӣ (маданӣ)»; «Баъзе масъалаҳои ташаккули қонунгузории маданӣ дар ҶТ»; «Рушди қонунгузории минтақаҳои озоди иқтисодӣ дар даврони истиқлолият»; «Рушди қонунгузории Ҷумҳурии Тоҷикистон оид ба ҳимояи ҳуқуқҳои вобаста»; ва дигар масоили вобаста ба қонунгузории маданӣ ва соҳибкорӣ баррасӣ шуданд. 

Дар фарҷоми кори мизи мудаввар музокираҳо вобаста ба мавзўъҳои матраҳгардида музокираҳо сурат гирифта, таклифу пешниҳодҳои муфид ҷиҳати такмили қонунгузорӣ иброз гардиданд.

Аксҳо аз ҷараёни чорабинӣ: