То кадом сатҳу дараҷа ҳуқуқбунёд будани давлат аз сатҳу сифати қонунҳои он сахт вобаста аст.
Эмомалӣ Раҳмон
Дар бораи Марказ
Санадҳои ҳуқуқии байналмилалӣ
Консепсия ва барномаҳои давлатӣ
Паёмҳои Президенти Ҷумҳурии Тоҷикистон
Корҳои илмӣ ва таҳлилӣ
Маҷаллаи "Қонунгузорӣ"
Ҳамкорӣ
Сафарҳои омӯзишӣ ва таҷрибаомӯзӣ
Китобхона
Шарикон
Шуъбаи қонунгузорӣ оид ба меҳнат, муҳоҷират ва иҷтимоӣ

Вазифаҳои асосии шуъба:
Мусоидат ба такмили қонунгузорӣ ва баланд бардоштани самаранокии фаъолияти ҳуқуқэҷодкунӣ дар соҳаи меҳнат, ҳифзи иҷтимоӣ, фарҳанг, илм ва маориф.

Шуъба фаъолияти худро дар се самт амалӣ мегардонад: 
   1. Қонунгузорӣ дар соҳаи меҳнат ва муҳоҷират;
   2. Қонунгузорӣ дар соҳаи ҳифзи иҷтимоӣ;
   3. Қонунгузорӣ дар соҳаи фарҳанг, илм ва маориф;

Вазифа ва самтҳои асосии фаъолияти шуъба аз инҳо иборат мебошад:

  • таҳияи консепсияҳои такмили қонунгузорӣ дар соҳаи меҳнат, муҳоҷират, ҳифзи иҷтимоӣ, фарҳанг, илм ва маориф;
  • таҳияи пешниҳодот оид ба мутобиқ намудани қонунгузорӣ дар соҳаи меҳнат, муҳоҷират, ҳифзи иҷтимоӣ, фарҳанг, илм ва маориф бо Конститутсияи Ҷумҳурии Тоҷикистон, санадҳои қонунгузории ҷумҳурӣ ва санадҳои ҳуқуқии байналмилалии эътирофнамудаи Ҷумҳурии Тоҷикистон;
  • таҳияи тавсияҳо дар бораи истифодаи натиҷаҳои тадқиқотҳои илмӣ дар соҳаи меҳнат, муҳоҷират, ҳифзи иҷтимоӣ, фарҳанг, илм ва маориф дар фаъолияти ҳуқуқэҷодкунии мақомоти давлатӣ;
  • пеш бурдани фаъолияти илмӣ-тадқиқотӣ оид ба сатҳи баланди танзими ҳуқуқӣ дар соҳаи меҳнат, муҳоҷират, ҳифзи иҷтимоӣ, фарҳанг, илм ва маориф;
  • тадқиқотҳои назариявии масоили қонунгузорӣ дар соҳаи меҳнат, муҳоҷират, ҳифзи иҷтимоӣ, фарҳанг, илм ва маориф, пешниҳод кардани таклиф ва хулосаҳои экспертӣ ба лоиҳаҳои санадҳои меъёрии ҳуқуқӣ ва санадҳои қонунгузории амалкунанда;
  • тарғиботи донишҳои ҳуқуқӣ;
  • иштирок дар гурӯҳҳои корӣ оид ба таҳия лоиҳаҳои санадҳои меёрии ҳуқуқӣ дар соҳаи мазкур;
  • тайёр намудани тафсирҳои илмӣ-амалии қонунгузории соҳаи меҳнат, ҳифзи иҷтимоӣ, фарҳанг, илм ва маориф, гузаронидани тадқиқотҳои муқоисавию ҳуқуқии қонунгузории ҷумҳурӣ бо қонунгузории давлатҳои хориҷӣ, аз ҷумла бо қонунгузории давлатҳои ИДМ. 
 
 

Кормандон 
 
 
Сардори шуъба
Бобокалонов Ғоиб Мерганович
номзади илмҳои ҳуқуқ
 

Фаъолияти меҳнатии худро соли 1980 ба ҳайси корманди лабораторияи алграфияи шуъбаи илмӣ-тадқиқотии Донишгоҳи  миллии  Тоҷикистон  шурўъ  намудааст.

Солҳои 1982-1984 дар сафи Қувваҳои мусаллаҳи СССР, хизмат намудааст.

Солҳои 1984-1994 корманди лабораторияи алграфияи шуъбаи илмӣ-тадқиқотӣ, 1994-2003 омўзгор, 2003-2007 муаллими калон, апрели 2007 дотсенти кафедраи ҳуқуқи соҳибкорӣ ва тиҷоратии факултети ҳуқуқшиносии Донишгоҳи  миллии Тоҷикистон ифои вазифа намуда, аз фанҳои Ҳуқуқи меҳнат, Ҳуқуқи таъминоти  иҷтимоӣ дар факултети ҳуқуқшиносӣ, факултетҳои  иқтисодӣ аз фанни Ҳуқуқ ва Ҳуқуқи соҳибкорӣ  дарс  дода ва ҳамзамон вазифаи раиси Шўрои илмӣ-методии факултетро ба ўҳда дошт. Соли 2007 муовини декани факултети ҳуқуқшиносӣ оид ба корҳои тарбиявӣ, аз 22 октябри ҳамон сол муовини ректор оид ба масъалаҳои иқтисодӣ ва маъмурию иҷтимоии Донишгоҳи  миллии Тоҷикистон ба ўҳда дошт. Аз октябри соли 2009 вазифаи муовини декан оид ба таҳсилоти шуъбаи ғоибона ва таҳсилоти дуюми олӣ иҷро намуда ва ҳамзамон ба вазифаи Намояндаи ректор дар «Шаҳраки донишҷўён» таъин мегардад.

Аз 12 марти 2013 ба вазифаи директори матбаа ва дотсенти кафедраи ҳуқуқи соҳибкорӣ ва тиҷорати Донишгоҳи миллии Тоҷикистон кор кардааст.

Аз 14 марти 2018 ба вазифаи сардори шуъбаи қонунгузорӣ оид ба меҳнат, муҳоҷират ва иҷтимоии Маркази миллии қонунгузории назди Президенти Ҷумҳурии Тоҷикистон таъин шуд.

Муаллифи зиёда аз 100 маводи  чопии  илмӣ-таълимӣ ва методӣ  мебошад. Аз ҷумла, Ташаккул ва инкишофи қонунгузории меҳнат дар Тоҷикистон; Асосҳои давлат ва ҳуқуқ; Луғат-маълумотномаи ҳуқуқии соҳибкор; Ҳуқуқи меҳнати Ҷумҳурии Тоҷикистон; Асарҳои мунтахаб оид ба ҳуқуқи меҳнат ва ҳуқуқи таъминоти иҷтимоӣ; Тафсири  Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ дар Ҷумҳурии Тоҷикистон»; Тафсири Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон», Тафсири Кодекси меҳнати Ҷумҳурии Тоҷикистон, Оилаи солим пойдории давлат, Назария ва амалияи танзими умумӣ ва хусусӣ-ҳуқуқии муносибатҳо дар бахши соҳибкорӣ ва меҳнат ва ғайра.

Барои меҳнати пурсамар бо «Ифтихорномаи фахрӣ» ва нишони сарисинагии «Аълочии матбуоти Ҷумҳурии Тоҷикистон»-и Вазорати фарҳанги Ҷумҳурии Тоҷикистон, «Ифтихорномаи фахрӣ» ва нишони сарисинагии «Аълочии маорифи Ҷумҳурии Тоҷикистон»-и Вазорати маориф ва илми Ҷумҳурии Тоҷикистон сарфароз гардидааст. 

Барои фаъолияти пурсамар ва бисёрсолаи бенуқсон, дар тарбияи мутахассисони баландихтисоси соҳаи ҳуқуқ бо мукофоти давлатии медали «Хизмати шоиста»-и Ҷумҳурии Тоҷикистон мукофонида шудааст.

 

Нуров Ҳофиз Пирмаҳмадович
Сармутахассис

Соли 2014 Донишгоҳи славянии Россия-Тоҷикистонро аз рўи ихтисоси «Ҳуқуқшинос» хатм намудааст.

Аз 18 феврали соли 2015 дар вазифаи мутахассиси шуъбаи иттилооти ҳуқуқӣ ва мураттабсозии Маркази миллии қонунгузории назди Президенти Ҷумҳурии Тоҷикистон кор кардааст. Баъдан мутахассиси шуъбаи қонунгузорӣ оид ба меҳнат, муҳоҷират ва иҷтимоӣ ва аз 11 январи соли 2016 мутахассиси пешбари шуъбаи зикршуда кор кардааст.

Аз 20 сентябри соли 2016 то айни замон ба сифати сармутахассиси шуъбаи қонунгузорӣ оид ба меҳнат, муҳоҷират ва иҷтимоӣ дар Маркази миллии қонунгузории назди Президенти Ҷумҳурии Тоҷикистон фаъолият менамояд.

Аз соли 2015 унвонҷў буда, дар мавзўи «Правовое регулирование научно–технической деятельности в РТ (теоретика – правовые аспекты) зери роҳбарии н.и.ҳ. Нусратов  Л. таҳқиқоти илмӣ мебарад.

Муаллифи 5 мақолаи илмӣ мебошад.   

 
 
Ромиз Ҷабборӣ
   Мутахассиси пешбар  

Соли 2015 факултети ҳуқуқшиносии Донишгоҳи миллии Тоҷикистонро бо ихтисоси «Ҳуқуқшинос» хатм намудааст. Солҳои 2015-2016 ба ҳайси мутахассиси бахши умумӣ ва масъули хадамоти кадрии Кумитаи забон ва истилоҳоти назди Ҳукумати Ҷумҳурии Тоҷикистон фаъолият намудааст. 

Аз 1-уми июни соли 2016 ба вазифаи мутахассиси пешбари шуъбаи қонунгузорӣ оид ба молия, андозу гумрук ва фаъолияти бонкӣ таъин шуда, аз 20–уми июли соли 2016 то айни замон дар вазифаи мутахассиси пешбари шуъбаи қонунгузории кишоварзӣ, истифодаи сарватҳои табиӣ ва ҳифзи муҳити зисти Маркази миллии қонунгузории назди Президенти Ҷумҳурии Тоҷикистон кор кардааст. 

Аз моҳи феврали соли 2017 ба ҳайси мутахассиси пешбари шуъбаи қонунгузорӣ оид ба меҳнат, муҳоҷират ва иҷтимоии Маркази миллии қонунгузории назди Президенти Ҷумҳурии Тоҷикистон фаъолият менамояд.

    

 
 Ёров Абдулваҳҳоб Абдулвоҳидович
Мутахассис 

Соли 2015 факултети ҳуқуқшиносии Донишгоҳи миллии Тоҷикистонро бо ихтисоси «Ҳуқуқшинос» хатм намудааст.

Аз 4 сентябри соли 2017 ба ҳайси мутахассиси шуъбаи қонунгузорӣ оид ба меҳнат, муҳоҷират ва иҷтимоии Маркази миллии қонунгузории назди Президенти Ҷумҳурии Тоҷикистон фаъолият менамояд.