Конститутсия ба сифати қонуни олӣ заминаҳои ҳуқуқии пешрафти ҷомеаро аз тариқи қабули қонунҳои нав гузошта, муносибатҳои ҷамъиятии мухталифро таҳти танзим қарор медиҳад.
Эмомалӣ Раҳмон
Дар бораи Марказ
Санадҳои ҳуқуқии байналмилалӣ
Консепсия ва барномаҳои давлатӣ
Паёмҳои Президенти Ҷумҳурии Тоҷикистон
Корҳои илмӣ ва таҳлилӣ
Маҷаллаи "Қонунгузорӣ"
Ҳамкорӣ
Сафарҳои омӯзишӣ ва таҷрибаомӯзӣ
Китобхона
Шарикон
Шуъбаи қонунгузории гражданӣ, соҳибкорӣ ва оилавӣ
Шуъбаи қонунгузории гражданӣ, соҳибкорӣ ва оилавӣ (минбаъд - Шуъба)  сохтори таркибии Маркази миллии қонунгузории назди Президенти Ҷумҳурии Тоҷикистон буда, фаъолияти худро дар самти мусоидат ба такмили қонунгузорӣ ва баланд бардоштани самаранокии фаъолияти ҳуқуқэҷодкунӣ дар соҳаи қонунгузории гражданӣ, соҳибкорӣ ва оилавӣамалӣ мегардонад.
Шуъба дар фаъолияти худ Конститутсияи Ҷумҳурии Тоҷикистон, қонунҳои Ҷумҳурии Тоҷикистон, дигар санадҳои меъёрии ҳуқуқии Ҷумҳурии Тоҷикистон, санадҳои ҳуқуқии байналмилалии эътирофнамудаи Ҷумҳурии Тоҷикистон, Низомномаи Марказ ва  Низомномаи Шуъбаро  ба роҳбарӣ мегирад.
 

Вазифаҳои асосии шуъба:
 
-таҳияи консепсияҳои такмили қонунгузории гражданӣ,  соҳибкорӣ  ва  оилавӣ;
таҳияи лоиҳаҳои қонунҳо, дигар санадҳои меъёрии ҳуқуқӣ;
-таҳияи пешниҳодот оид ба мутобиқ намудани санадҳои меъёрии ҳуқуқӣ бо Конститутсияи Ҷумҳурии Тоҷикистон, қонунҳои Ҷумҳурии Тоҷикистон, санадҳои Президенти Ҷумҳурии Тоҷикистон, санадҳои ҳуқуқии байналмилалии эътирофнамудаи Ҷумҳурии Тоҷикистон;
-гузаронидани экспертизаи ҳуқуқии лоиҳаи санадҳои меъёри ҳуқуқӣ;
-таҳияи самтҳои афзалиятноки таҳқиқотҳои илмию ҳуқуқӣ дар соҳаи ҳуқуқэҷодкунӣ;
-гузаронидани таҳқиқотҳои илмию таҳлилӣ оид ба ҳолат, раванди инкишоф ва амалияи истифодаи қонунгузориигражданӣ, соҳибкорӣ ва оилавӣ  таҳияи пешниҳодҳо оид ба такмили он;
-мусоидат ба инкишофи илми ҳуқуқ, пешниҳоди таклифҳо ба ташкилотҳои дахлдор оид ба мавзӯъҳои таҳқиқотӣ дар соҳаи ҳуқуқи гражданӣ,  соҳибкорӣ ва оилавӣ;
-таҳияи тавсияҳо дар бораи истифодаи натиҷаҳои таҳқиқотҳои илмӣ дар соҳаи фаъолияти ҳуқуқэҷодкунӣ ва мусоидат ба татбиқи амалии онҳо;
-таҳия намудани лоиҳаҳои нақшаҳои мавзӯъҳои илмӣ-таҳқиқотӣ ва бо тартиби муқарраргардида пешниҳод намудани онҳо ба мақомоти дахлдор;
-гузаронидани таҳқиқотҳои муқоисавию ҳуқуқии қонунгузории гражданӣ, соҳибкорӣ ва оилавӣ Ҷумҳурии Тоҷикистон бо қонунгузории давлатҳои хориҷӣ ва санадҳои ҳуқуқии байналмилалии эътирофнамудаи Ҷумҳурии Тоҷикистон;
-бо мақсади мураттабсозии қонунгузорӣ, дар асоси гузаронидани баруйхатгирӣ қонунгузории Ҷумҳурии Тоҷикистон, тайёр кардани пешниҳоду таклифҳо барои ба танзим даровардани он;
-ҳамкорӣ бо мақомоти давлатӣ, ташкилотҳои илмӣ, муассисаҳои таҳсилоти олӣ оид ба инкишофи таҳқиқотҳои илмӣ ва тайёр намудани мутахассисони соҳаҳои ҳуқуқи гражданӣ,  соҳибкорӣ ва оилавӣ;
-иштирок дар иҷрои барномаҳо ва лоиҳаҳои илмии давлатӣ ва байнидавлатӣ, амалӣ намудани ҳамкориҳои байналмилалӣ оид ба масъалаҳои ба Шуъба вогузоргардида;
-фаҳмондадиҳии муқаррароти асосии қонунгузории Ҷумҳурии Тоҷикистон;
-такмил ва коркарди истилоҳоти ҳуқуқӣ вобаста ба самти Шуъба ба забони давлатӣ ва ҳангоми зарурият тарҷумаи он ба забонҳои хориҷӣ;
-таҳия ва интишори тафсири илмию амалии кодексҳо, дигар санадҳои меъёрии ҳуқуқӣ, инчунин маводҳои ҳуқуқӣ, иттилоотию таҳлилӣ вобаста ба самти Шуъба;
-тибқи қонунгузории Ҷумҳурии Тоҷикистон вазифаҳои дигарро анҷом медиҳад.

  

Кормандон

 

Мансурӣ Шодмон Ҷамолиддинзода
Сардори шуъба

Соли 2004 шуъбаи рӯзонаи факултаи ҳуқуқшиносии Донишгоҳи миллии Тоҷикистонро хатм намудааст.

Соли 2008 шуъбаи ғоибонаи факултаи баҳисобгирӣ ва молияи Донишгоҳи аграрии Тоҷикистон ба номи Шириншоҳ Шоҳтемурро хатм намудааст.

Солҳои 2015-2016 дар Донишкадаи идоракунии давлатии назди Президенти Ҷумҳурии Тоҷикистон ба ҳайси магистрант таҳсил намуда, соҳиби унвони магистр шудааст.

Соли 2004 фаъолияти меҳнатии худро ба ҳайси мутахассис оғоз намуда, баъдан солҳои 2005-2008 мудири шуъбаи маъмурию ҳуқуқии Маркази дастгирӣ ва рушди соҳибкории шаҳри Душанбе фаъолият намудааст.

Аз соли 2008 то соли 2009 ҳамчун омӯзгори факултаи баҳисобгирӣ ва молияи Донишгоҳи аграрии Тоҷикистон ба номи Шириншоҳ Шоҳтемур фаъолият кардааст.

Аз соли 2009 то соли 2010 дар вазифаи сармутахассиси шуъбаи ҳуқуқи Дастгоҳи Маҷлиси намояндагони Маҷлиси Олии Ҷумҳурии Тоҷикистон фаъолият намудааст.

Аз моҳи апрели соли 2010 то соли 2018 дар вазифаи сардори шуъбаи ташкилию ҳуқуқии Кумитаи забон ва истилоҳоти назди Ҳукумати Ҷумҳурии Тоҷикистон фаъолият намудааст.

Аз 30-юми майи соли 2018 то ин ҷониб ба ҳайси сардори шуъбаи қонунгузории гражданӣ, соҳибкорӣ ва оилавии Маркази миллии қонунгузории назди Президенти Ҷумҳурии Тоҷикистон фаъолият дорад.

Мансурӣ Ш.Ҷ. дар давраи фаъолияти худ дар вазифаи сардори шуъбаи ташкилию ҳуқуқии Кумитаи забон ва истилоҳоти назди Ҳукумати Ҷумҳурии Тоҷикистон якчанд лоиҳаҳои санадҳои меъёрии ҳуқуқии соҳаи забони давлатӣ ва ҳуқуқро таҳия намудааст. Аз ҷумла, лоиҳаҳои Қарори Ҳукумати Ҷумҳурии Тоҷикистон «Дар бораи тасдиқи Қоидаҳои имлои забони тоҷикӣ», Қарори Ҳукумати Ҷумҳурии Тоҷикистон «Дар бораи тасдиқи Барномаи рушди забони давлатӣ барои солҳои 2012-2016», Қарори Ҳукумати Ҷумҳурии Тоҷикистон «Дар бораи тасдиқи Феҳристи номҳои миллии тоҷикӣ» ва ғайра. Ҳамзамон, дар таҳияи зиёда аз 23 лоиҳаҳои қонунгузории Ҷумҳурии Тоҷикистон саҳми худро гузошта, ба зиёда аз 480 лоиҳаҳои санадҳои меъёрии ҳуқуқии Ҷумҳурии Тоҷикистон ва санадҳои зерқонунии вазорату идораҳо хулосаи забоншиносӣ ва ҳуқуқӣ додааст.

Аз моҳи марти соли 2015 вакили Маҷлиси вакилони халқии шаҳри Ҳисор аз ҳавзаи интихоботии Меҳргон №29 интихоб гардидааст.

Мансурӣ Ш.Ҷ. бо фармоиши раиси Кумитаи забон ва истилоҳоти назди Ҳукумати Ҷумҳурии Тоҷикистон моҳи феврали соли 2016 бо рутбаи «Мушовири хизмати давлатии дараҷаи 1» сарфароз гардонида шудааст.

Аз соли 2006 то инҷониб аъзои Ҳизби халқи демократии Тоҷикистон буда, бо Ифтихорномаи Ҳизби халқии демократии Тоҷикистон дар ноҳияи Шоҳмансур, инчунин барои фаъолияти пурсамар дар татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» бо Ифтихорномаи Кумитаи забон ва истилоҳоти назди Ҳукумати Ҷумҳурии Тоҷикистон сарфароз гардонида шудааст.

Муаллифи зиёда аз 11 мақолаҳои илмӣ ва 23 мақолаҳои илмӣ-оммавӣ мебошад.

 

   

Назаров Дустмурод Давлатович
Муовини сардори шуъба
  

Соли 2001 факултети ҳуқуқшиносии Донишгоҳи давлатии миллии Тоҷикистонро хатм намудааст.

Дар Маркази миллии қонунгузории назди Президенти Ҷумҳурии Тоҷикистон аз соли 2009 фаъолият менамояд. Аз моҳи сентябри соли 2015 муовини сардори шуъбаи қонунгузории гражданӣ, соҳибкорӣ ва оилавӣ мебошад.

Аз соли 2015 ба навиштани рисолаи илмӣ дар мавзўи «Ҳифзи гражданӣ-ҳуқуқии эҷодиёти халқ дар Ҷумҳурии Тоҷикистон» зери роҳбарии номзади илмҳои ҳуқуқшиносӣ Меликов У.А. фаъолият намуда истодааст.

Муаллифи 7 мақолаи илмӣ-амалӣ ва оммавӣ мебошад.

 

Анушервони Исрофил
Сармутахассис 

Соли 2016 факултети ҳуқуқшиносии Донишгоҳи миллии Тоҷикистонро бо ихтисоси «Ҳуқуқшинос» хатм намудааст.

Аз 3 январи соли 2017 фаъолияти меҳнатии худро ба ҳайси мутахассиси шуъбаи қонунгузорӣ оид ба меҳнат, муҳоҷират ва иҷтимоии Маркази миллии қонунгузории назди Президенти Ҷумҳурии Тоҷикистон оғоз намуд.

Аз 3 июли соли 2017 мутахассис ва аз 4 сентябр ба сифати мутахассиси пешбари шуъбаи қонунгузории гражданӣ, соҳибкорӣ ва оилавӣ фаъолият намудааст.

Аз 17 майи соли 2018 то имрӯз ба сифати сармутахассиси шуъбаи қонунгузории гражданӣ, соҳибкорӣ ва оилавии Маркази миллии қонунгузории назди Президенти Ҷумҳурии Тоҷикистон фаъолият намуда истодааст.  

 

Зарифов Умед Мирзомиддинович
Мутахассиси пешбар 

Соли 2016 факултети ҳуқуқшиносии Донишгоҳи миллии Тоҷикистонро хатм намудааст.

Аз 4 сентябри соли 2017 ба ҳайси мутахассиси шуъбаи қонунгузории кишоварзӣ, истифодаи сарватҳои табиӣ ва ҳифзи муҳити зисти Маркази миллии қонунгузории назди Президенти Ҷумҳурии Тоҷикистон фаъолият намудааст.

Аз 27 марти соли 2018 ба ҳайси мутахассис ва аз 22 майи соли 2018 то айни замон ба сифати мутахассиси пешбари шуъбаи қонунгузории гражданӣ, соҳибкорӣ ва оилавии Маркази миллии қонунгузории назди Президенти Ҷумҳурии Тоҷикистон фаъолият намуда истодааст.