То кадом сатҳу дараҷа ҳуқуқбунёд будани давлат аз сатҳу сифати қонунҳои он сахт вобаста аст.
Эмомалӣ Раҳмон
Дар бораи Марказ
Қонунгузории Ҷумҳурии Тоҷикистон
Санадҳои ҳуқуқии байналмилалӣ
Консепсия ва барномаҳои давлатӣ
Паёмҳои Президенти Ҷумҳурии Тоҷикистон
Корҳои илмӣ ва таҳлилӣ
Маҷаллаи "Қонунгузорӣ"
Ҳамкорӣ
Сафарҳои омӯзишӣ ва таҷрибаомӯзӣ
Китобхона
Шарикон
8 Май 2017 (13:58)
19 Апрель 2017 (13:03)
13 Март 2017 (07:09)
3 Февраль 2017 (11:58)
23 Январь 2017 (09:37)
Такмили Конунгузории Чумхурии Точикистон

Асосҳои қонунгузорӣ
Шуъбаи қонунгузории кишоварзӣ, истифодаи сарватҳои табиӣ ва ҳифзи муҳити зист

Шуъбаи қонунгузории кишоварзӣ, истифодаи сарватҳои табиӣ ва ҳифзи муҳити зист сохтори таркибии Маркази миллии қонунгузории назди Президенти Ҷумҳурии Тоҷикистон буда, фаъолияти худро дар самти мусоидат ба такмили қонунгузорӣ ва баланд бардоштани самаранокии фаъолияти ҳуқуқэҷодкунӣ дар соҳаи кишоварзӣ, истифодаи сарватҳои табиӣ ва ҳифзи муҳити зист амалӣ мегардонад.

Вазифаҳои асосии шуъба:

- таҳияи консепсияҳои такмили қонунгузории кишоварзӣ, истифодаи сарватҳои табиӣ ва ҳифзи муҳити зист;

- таҳия ва пешниҳодот оид ба мутобиқ намудани қонунгузории кишоварзӣ, истифодаи сарватҳои табиӣ ва ҳифзи муҳити зист бо Конститутсияи Ҷумҳурии Тоҷикистон, қонунҳои Ҷумҳурии Тоҷикистон, санадҳои қонунгузори ҷумҳурӣ ва санадҳои ҳуқуқи байналмилалии эътирофнамудаи Ҷумҳурии Тоҷикистон;

- таҳия намудани лоиҳаҳои нақшаҳои мавзўъҳои илмӣ - таҳқиқотӣ ва бо тартиби муқарраргардида пешниҳод намудани онҳо ба мақомоти дахлдор;

- гузаронидани экспертизаи ҳуқуқии лоиҳаҳои қонунҳо дар соҳаи кишоварзӣ, истифодаи сарватҳои табиӣ ва ҳифзи муҳити зист;

- таҳияи тавсияҳо дар бораи истифодаи натиҷаҳои тадқиқотҳои илмӣ дар соҳаи кишоварзӣ, истифодаи сарватҳои табиӣ ва ҳифзи муҳити зист, дар фаъолияти ҳуқуқэҷодкунии мақомоти давлатӣ;

- тайёр намудани тафсирҳои илмӣ – амалии қонунгузории кишоварзӣ, истифодаи сарватҳои табиӣ ва ҳифзи муҳити зист;

- пеш бурдани фаъолияти илмӣ – тадқиқотӣ оид ба сатҳи баланди танзими ҳуқуқии соҳаи кишоварзӣ, истифодаи сарватҳои табиӣ ва ҳифзи муҳити зист ва гузаронидани тадқиқотҳои назариявии қонунгузории соҳаҳои мазкур;

- пешниҳод кардани таклиф ва хулосаҳои экспертӣ ба лоиҳаҳои санадҳои меъёрии ҳуқуқӣ ва санадҳои қонунгузории амалкунанда;

- тарғиботи донишҳои ҳуқуқӣ;

- ҳамкорӣ намудани шуъба бо мақомоти давлатӣ, ташкилотҳои илмӣ, муассисаҳои таҳсилоти олӣ оид ба инкишофи таҳқиқотҳои илмӣ ва тайёр намудани мутахассисони соҳаҳои ҳуқуқ, дигар шахсони ҳуқуқии Ҷумҳурии Тоҷикистон, ташкилотҳои байналмилалӣ, инчунин шахсони воқеӣ оид ба масъалаҳои ба шуъба вогузоргардида;

- иштирок дар иҷрои барномаҳо ва лоиҳаҳои илмии давлатӣ оид ба масъалаҳои қонунгузории кишоварзӣ, истифодаи сарватҳои табиӣ ва ҳифзи муҳити зист;

- такмил ва коркарди истилоҳоти ҳуқуқии қонунгузории кишоварзӣ, истифодаи сарватҳои табиӣ ва ҳифзи муҳити зист ба забони давлатӣ ва ҳангоми зарурият тарҷумаи он ба забонҳои хориҷӣ;

- гузаронидани тадқиқотҳои муқоисавӣ-ҳуқуқии қонунгузории ҷумҳурӣ бо қонунгузории давлатҳои хориҷӣ дар соҳаи кишоварзӣ, истифодаи сарватҳои табиӣ ва ҳифзи муҳити зист;

- гузаронидани конференсияҳо, семинарҳо ва мизи мудавар вобаста ба масоили такмил ва инкишофи қонунгузории кишоварзӣ, истифодаи сарватҳои табиӣ ва ҳифзи муҳити зист;

- иштирок дар гурўҳҳои корӣ оид ба таҳияи лоиҳаҳои санадҳои меъёрии қонунгузории кишоварзӣ, истифодаи сарватҳои табиӣ ва ҳифзи муҳити зист; 

- анҷом додани дигар вазифаҳо тибқи Низомномаи Маркази миллии қонунгузорӣ.

 

Кормандон

 

 
Пулатов Азамат Содиқҷонович
Сардори шуъба
Номзади илмҳои ҳуқуқшиносӣ

Солҳои 2001-2006 факултети ҳуқуқшиносии Донишгоҳи давлатии миллии Тоҷикистонро бо ихтисоси ҳуқуқшиноси байналхалқӣ хатм намудааст. Соли 2006 ба ҳайси ассистенти кафедраи ҳуқуқи инсон ва ҳуқуқшиносии муқоисавии факултети ҳуқуқшиносии Донишгоҳи давлатии миллии Тоҷикистон ба фаъолияти меҳнатӣ машғул мешавад.

Аз 11 августи соли 2011 ба ҳайси сармутахассиси шуъбаи ҳуқуқи байналмилалӣ, аз 1 октябри соли 2012 ба ҳайси муовини сардори шуъбаи ҳуқуқи байналмилалӣ ва аз 1 ноябри соли 2013 ба ҳайси иҷрокунандаи вазифаи сардори шуъбаи қонунгузорӣ оид ба масъалаҳои аграрӣ ва ҳифзи муҳити зисти Маркази миллии қонунгузории назди Президенти Ҷумҳурии Тоҷикистон кор ва фаъолият дорад. 2 феврали соли 2015 ба вазифаи сардори шуъбаи қонунгузории кишоварзӣ, истифодаи сарватҳои табиӣ ва ҳифзи муҳити зисти Маркази миллии қонунгузории назди Президенти Ҷумҳурии Тоҷикистон таъин карда шуд.

Дар баробари фаъолияти меҳнатӣ хамчунин аз соли 2010 ба ҳайси унвонҷўи кафедраи ҳуқуқи соҳибкорӣ ва тиҷорати факултети ҳуқуқшиносии Донишгоҳи миллии Тоҷикистон ба фаоълияти илмӣ машғул шуда, рисолаи номзадияшро дар мавзўи «Танзими ҳуқуқии фаъолияти соҳибкории субъектони хоҷагидории хориҷӣ дар қаламрави Ҷумҳурии Тоҷикистон» зери роҳбарии доктори илмҳои ҳуқуқшиносӣ, профессор Раҳимзода М.З. санаи 22 майи соли 2014 дар Шўрои диссертатсионии ДМ 737.004.08 назди Донишгоҳи миллии Тоҷикистон бо муваффақият ҳимоя менамояд.

Муаллифи 1 монография, 12 мақолаи илмӣ, ва ҳаммуаллифи 2 тафсир ба Қонунҳои Ҷумҳурии Тоҷикистон, 2 фарҳанги истилоҳоти ҳуқуқӣ, 1 маҷмӯаи санадҳои ҳуқуқии байналмилалӣ, 2 китоби дарсӣ ва 2 барномаи таълимӣ мебошад. 

Оиладор. Соҳиби як фарзанд. 

  

Қурбонова  Манижа  Носировна
Сармутахассис 

Соли 2011 факултети ҳуқуқшиносии Донишгоҳи миллии Тоҷикистонро бо дипломи аъло хатм намуд.

Аз моҳи январи соли 2012 ба ҳайси мутахассиси шуъбаи қонунгузорӣ оид ба масъалаҳои аграрӣ ва ҳифзи муҳити зист, аз моҳи сентябри соли 2012 мутахассиси пешбари шуъбаи қонунгузорӣ оид ба меҳнат, муҳоҷират ва иҷтимоӣ, аз моҳи феврали соли 2015 мутахассиси пешбари шуъбаи иттилооти ҳуқуқӣ ва мураттабсозӣ ва аз 18 майи соли 2015 то ҳол сармутахассиси шуъбаи қонунгузории кишоварзӣ, истифодаи сарватҳои табиӣ ва ҳифзи муҳити зисти Маркази миллии қонунгузории назди Президенти Ҷумҳурии Тоҷикистон кору фаъолият менамояд. 

Аз соли 2015 ба ҳайси унвонҷӯ зери роҳбарии д.и.ҳ., профессор Раҳимзода М.З. дар мавзӯи «Правовое регулирование предпринимательской деятельности в свободных экономических зонах Республики Таджикистан» ба фаъолияти илмӣ машғул аст. 

Муаллифи 4 маводҳои чопӣ ва 2 тафсири санадҳои меъёрии ҳуқуқӣ мебошад. 

 
 

Ҳамдамзода Сироҷиддин Бахтиёр
Мутахассиси пешбар

Соли 2009-2014 шуъбаи умумии факултети ҳуқуқшиносии Донишгоҳи миллии Тоҷикистонро бо дипломи аъло хатм намудааст. 

Аз моҳи марти соли 2016 ба ҳайси мутахассиси шуъбаи ҳуқуқи байналмилалии Маркази миллии қонунгузории назди Президенти Ҷумҳурии Тоҷикистон кор кардааст. 

Аз 3 майи соли 2016 мутахассис ва аз 20 феврали соли 2017 то ин ҷониб ба сифати мутахассиси пешбари шуъбаи қонунгузории кишоварзӣ, истифодаи сарватҳои табиӣ ва ҳифзи муҳити зист фаъолият намуда истодааст.  

Оиладор.

 

 

Олифтаев Имомдод Ғуломэсуфович 
Мутахассис 

Соли 2010-2014 факултети таърих ва ҳуқуқи Донишгоҳи давлатии шаҳри Хоруғ ба номи Моёншо Назаршоевро бо дипломи аъло хатм намудааст.

Соли 2014-2016 шуъбаи рўзонаи магистратураи Академияи илмҳои Ҷумҳурии Тоҷикистон бо ихтисоси ҳуқуқи байналмилалии Институти фалсафа, сиёсатшиносӣ ва ҳуқуқи ба номи А.Баҳоваддиновро хатм намудааст.

Аз моҳи марти соли 2016 ба ҳайси мутахассиси шуъбаи қонунгузории кишоварзӣ, истифодаи сарватҳои табиӣ ва ҳифзи муҳити зисти Маркази миллии қонунгузории назди Президенти Ҷумҳурии Тоҷикистон фаъолият намуда истодааст.

Муаллифи 5 мақолаи илмӣ